Stoke City តែងតាំងលោក Paul Lambert ជាគ្រូបង្វឹកថ្មីរបស់ខ្លួន

កីឡាអន្តរជាតិ

អន្តរជាតិ

Stoke City តែងតាំងលោក Paul Lambert ជាគ្រូបង្វឹកថ្មីរបស់ខ្លួន

15, Jan 2018 , 10:59 pm

រូបភាព

លោក Paul Lambert ក្លាយជាគ្រូបង្វឹកថ្មីរបស់ Stoke City

ដោយ: ថ្មីៗ

Stoke City ដែលព្យាយាមរកពិន្ទុឲ្យបានកាន់តែឆ្ងាយពីតំបន់កាត់ចោល បានប្រកាសតែងតាំងលោក Paul Lambert ជាអ្នកចាត់ការទូទៅថ្មីរបស់ខ្លួន ជំនួសលោក Mark Hughes។ ក្លិបនៃក្របខណ្ឌ Premier League បានប្រកាសពីការតែងតាំងបុរសជនជាតិស្កុតឡេន នៅលើគេហទំព័រផ្លូវការរបស់ខ្លួន។

អត្ថបទទាក់ទង
ក្រោយធ្លាក់ FA Cup លោក Hughes អស់តំណែង ឯលោក Wenger កាន់តែរងសម្ពាធ

លោក Paul Lambert អាយុ៤៨ឆ្នាំ បានចុះកិច្ចសន្យារយៈពេល២ឆ្នាំកន្លះ ហើយត្រូវដឹកនាំក្លិបនៅកីឡដ្ឋាន bet365 Stadium ចាប់ពីថ្ងៃអង្គារ បន្ទាប់ពីទស្សនាជំនួបរវាង Stoke និងម្ចាស់ផ្ទះ Manchester Unitedដែលមានលោក Eddie Niedzwiecki ជាគ្រូបង្វឹកបណ្តោះអាសន្នក្រោយការចាកចេញរបស់លោក Mark Hughes។

នៅមុនទទួលបានការតែងតាំងនេះ លោក Paul Lambert ទើបចាកចេញពីតំណែងក្លិប Wolverhampton Wanderers ហើយក្លិបមួយចំនួនទៀតដែលលោកធ្លាប់ដឹកនាំរួមមាន Norwich City, Aston Villa និង Blackburn Rovers ជាដើម។

លោក Lambert ជាអតីតកីឡាករជម្រើសជាតិស្កុតឡេន ចន្លោះពីឆ្នាំ១៩៩៥ដល់ឆ្នាំ២០០៣ ហើយក្នុងនាមជាកីឡាករអាជីពចន្លោះពីឆ្នាំ១៩៨៦ ដល់ឆ្នាំ២០០៦ អតីតខ្សែបម្រើរូបនេះ ធ្លាប់ឈ្នះពាន Champions League ជាមួយ Borussia Dortmund និងឈ្នះជើងឯក Scottish League ជាមួយ Celtic ចំនួន៤លើក៕