កីឡាជាតិ
ជាតិ
លោក ឡាំ ទីនី ថតជាមួយកីឡាករ គួច សុគម្ភៈ, គួច ដានី, សុះ ស៊ូហាណា និងញឹម សុវណ្ណារ៉ា ដែលកាន់លិខិតកិច្ចសន្យារៀងៗខ្លួន
×![]()
ណាហ្គាវើលពុំមានការដោះដូរកីឡាករទ្រង់ទ្រាយធំឡើយសម្រាប់ការត្រៀមប្រជែងពានរង្វាន់ក្របខណ្ឌលីគកំពូលនិងពានរង្វាន់សម្តេច ហ៊ុន សែន រដូវកាលឆ្នាំ២០១៨។ ក្នុងចំណោមកីឡាករកម្ពុជាទាំង១៨នាក់ដែលលេងឲ្យណាហ្គាវើលរដូវកាលមុនអាចមានតែកីឡាករម្នាក់ប៉ុណ្ណោះដែលចាកចេញ ខណៈកីឡាករបរទេសទាំង៥នាក់អាចមាន៤នាក់ដែលត្រូវរុះរើ។ មកទល់ពេលនេះ ណាហ្គាវើល ក៏មិនកំណត់ទីលានជាក់លាក់សម្រាប់ធ្វើជាម្ចាស់ផ្ទះនោះដែរ។
«ចង់បានពួកគាត់ចាំ ខែមករា ឆ្នាំ ២០២០»។ លោក ឡាំ ទីនី បានបង្ហោះសារនេះនៅលើហ្វេសប៊ុករបស់ខ្លួន ដោយភ្ជាប់រូបថតរបស់លោកជាមួយនឹងកីឡាករសំខាន់ៗ៤រូបដែលក្នុងនោះរួមមាន ខ្សែបម្រើ សុះ ស៊ូហាណា ខ្សែការពារ ញឹម សុវណ្ណារ៉ា ខ្សែបម្រើ គួច ដានី និងកីឡាករជើងចាស់ គួច សុគម្ភៈ។ ក្នុងន័យនេះ អ្នកចាត់ការក្លិបណាហ្គាវើលចង់បញ្ជាក់ថា កីឡាករទាំង៤រូប បន្តកិច្ចសន្យាជាមួយក្លិបរយៈពេល២ឆ្នាំបន្ថែមទៀតឯណោះ។
លោក ឡាំ ទីនី បានអះអាងថា ក្លិបណាហ្គាវើលរបស់លោកពុំមានការដោះដូរកីឡាករទ្រង់ទ្រាយធំនោះឡើយ ។ អ្នកចាត់ការទូទៅរូបនេះបានអះអាងថា ក្នុងចំណោមកីឡាករកម្ពុជារដូវកាលមុនទាំង១៨អាចមានតែកីឡាករ ង៉យ ស្រ៊ីន ដែលចាកចេញទៅប្រកបអាជីពជាមួយក្លិបថ្មីវិសាខា ។ លោកបានបន្តថា ក្រៅពីនេះពួកគេបានបន្តកិច្ចសន្យាជាមួយណាហ្គាវើលរយៈពេល១ឆ្នាំ ហើយមានខ្លះចុះកិច្ចសន្យារហូតដល់រដូវកាលឆ្នាំ២០១៩ ទៀតផង។
ពាក់ព័ន្ធនឹងការដោះដូរកីឡាបរទេសគ្រូបង្វឹកក្រុមណាហ្គាវើលលោក មាស ចាន់ណា បានបញ្ជាក់ថា មកទាល់ពេលនេះមិនទាន់មានការធ្វើតេស្តសមត្ថភាពកីឡាករបរទេសណាម្នាក់នោះទេ ហើយ សម្រាប់កីឡាករកម្ពុជាក៏មិនទាន់រកបានដូចគ្នា ដោយសារកីឡាករភាគច្រើនជាប់កិច្ចសន្យាជាមួយក្លិបផ្សេងៗ។
«យើងគិតថា មានតែយកយុវជនដែលធ្លាប់ហ្វឹកហាត់ជាមួយយើងមកបំពេញនោះទេ»។ នេះជាការលើកឡើងរបស់លោក មាស ចាន់ណា ដែលបច្ចុប្បន្នកំពុងធ្វើតេស្តសមត្ថភាពយុវជននៅខេត្តកំពង់ស្ពឺដើម្បីជ្រើសរើសចូលណាហ្គាវើល។
ទន្ទឹមនឹងនេះលោក ឡាំ ទីនី អ្នកចាត់ការទូទៅក្លិបណាហ្គាវើលបានបញ្ជាក់ថា សម្រាប់រដូវកាលថ្មីនេះណាហ្គាវើលអាចនឹងផ្លាស់ប្តូរកីឡាករបរទេសចំនួន៤រូប។ «សម្រាប់កីឡាករបរទេសដែលយើងមាន៥នាក់កន្លងមក គឺយើងទុកតែម្នាក់នោះទេ យើងនឹងផ្លាស់ប្តូរ៤នាក់»។ នេះជាការអះអាងរបស់លោក ឡាំ ទីនី ប៉ុន្តែមិនបានបញ្ជាក់ព័ត៌មានលំអិតឡើយ។
គណៈកម្មការប្រកួតបាល់ទាត់ជាតិ(CNCC)កាលពីពេលថ្មីៗបានប្រកាសថា សម្រាប់ការប្រកួតរដូវកាលឆ្នាំ២០១៨ មិនអនុញ្ញាតឲ្យក្លិបណាមួយប្រើប្រាស់ពហុកីឡដ្ឋានជាតិធ្វើជាម្ចាស់ផ្ទះសម្រាប់ការប្រកួតវគ្គជម្រុះឡើយ ពោលគឺក្លិបនីមួយៗត្រូវមានទីលានផ្ទាល់ខ្លួន។ ការសម្រេចនេះ បានធ្វើឲ្យក្លិបណាហ្គាវើលដែលតែងតែប្រើទីលាននេះធ្វើជាម្ចាស់ផ្ទះកំពុងជួបបញ្ហា ខណៈមកទល់ពេលនេះក្រុមនេះមិនទាន់មានទីលានជាក់លាក់នៅឡើយសម្រាប់ធ្វើម្ចាស់ផ្ទះរដូវក្រោយនេះ។
ពានរង្វាន់ក្របខណ្ឌលីគកំពូលកម្ពុជានឹងបើករដូវថ្មីឆ្នាំ២០១៨នៅថ្ងៃទី៣ មីនា ដោយគ្រោងបញ្ចប់នៅថ្ងៃទី៣០ កញ្ញា ឆ្នាំ២០១៨ ខណៈពានរង្វាន់សម្តេច ហ៊ុន សែន នឹងបើករដូវកាលរបស់ខ្លួននៅថ្ងៃទី៧ កុម្ភៈ ហើយគ្រោងបញ្ចប់នៅថ្ងៃទី៦ កញ្ញា ឆ្នាំ២០១៨។
សម្រាប់ការប្រកួតរដូវកាលមុនក្រុមណាហ្គាវើលបានបញ្ចប់ចំណាត់ថ្នាក់លេខ២ក្នុងពានរង្វាន់សម្តេច ហ៊ុន សែន និងទទួលបានចំណាត់ថ្នាក់លេខ៤ក្នុងពានរង្វាន់ក្របខណ្ឌលីគកំពូលកម្ពុជា។ តែខ្សែប្រយុទ្ធសញ្ជាតិរវ៉ាន់ដា Atuheire Kipson របស់ណាហ្គាវើលទទួលពានរង្វាន់ស្បែកជើងមាសក្រោយរកបាន២៧គ្រាប់៕
«ចង់បានពួកគាត់ចាំ ខែមករា ឆ្នាំ ២០២០»។ លោក ឡាំ ទីនី បានបង្ហោះសារនេះនៅលើហ្វេសប៊ុករបស់ខ្លួន ដោយភ្ជាប់រូបថតរបស់លោកជាមួយនឹងកីឡាករសំខាន់ៗ៤រូបដែលក្នុងនោះរួមមាន ខ្សែបម្រើ សុះ ស៊ូហាណា ខ្សែការពារ ញឹម សុវណ្ណារ៉ា ខ្សែបម្រើ គួច ដានី និងកីឡាករជើងចាស់ គួច សុគម្ភៈ។ ក្នុងន័យនេះ អ្នកចាត់ការក្លិបណាហ្គាវើលចង់បញ្ជាក់ថា កីឡាករទាំង៤រូប បន្តកិច្ចសន្យាជាមួយក្លិបរយៈពេល២ឆ្នាំបន្ថែមទៀតឯណោះ។
លោក ឡាំ ទីនី បានអះអាងថា ក្លិបណាហ្គាវើលរបស់លោកពុំមានការដោះដូរកីឡាករទ្រង់ទ្រាយធំនោះឡើយ ។ អ្នកចាត់ការទូទៅរូបនេះបានអះអាងថា ក្នុងចំណោមកីឡាករកម្ពុជារដូវកាលមុនទាំង១៨អាចមានតែកីឡាករ ង៉យ ស្រ៊ីន ដែលចាកចេញទៅប្រកបអាជីពជាមួយក្លិបថ្មីវិសាខា ។ លោកបានបន្តថា ក្រៅពីនេះពួកគេបានបន្តកិច្ចសន្យាជាមួយណាហ្គាវើលរយៈពេល១ឆ្នាំ ហើយមានខ្លះចុះកិច្ចសន្យារហូតដល់រដូវកាលឆ្នាំ២០១៩ ទៀតផង។
ពាក់ព័ន្ធនឹងការដោះដូរកីឡាបរទេសគ្រូបង្វឹកក្រុមណាហ្គាវើលលោក មាស ចាន់ណា បានបញ្ជាក់ថា មកទាល់ពេលនេះមិនទាន់មានការធ្វើតេស្តសមត្ថភាពកីឡាករបរទេសណាម្នាក់នោះទេ ហើយ សម្រាប់កីឡាករកម្ពុជាក៏មិនទាន់រកបានដូចគ្នា ដោយសារកីឡាករភាគច្រើនជាប់កិច្ចសន្យាជាមួយក្លិបផ្សេងៗ។
«យើងគិតថា មានតែយកយុវជនដែលធ្លាប់ហ្វឹកហាត់ជាមួយយើងមកបំពេញនោះទេ»។ នេះជាការលើកឡើងរបស់លោក មាស ចាន់ណា ដែលបច្ចុប្បន្នកំពុងធ្វើតេស្តសមត្ថភាពយុវជននៅខេត្តកំពង់ស្ពឺដើម្បីជ្រើសរើសចូលណាហ្គាវើល។
ទន្ទឹមនឹងនេះលោក ឡាំ ទីនី អ្នកចាត់ការទូទៅក្លិបណាហ្គាវើលបានបញ្ជាក់ថា សម្រាប់រដូវកាលថ្មីនេះណាហ្គាវើលអាចនឹងផ្លាស់ប្តូរកីឡាករបរទេសចំនួន៤រូប។ «សម្រាប់កីឡាករបរទេសដែលយើងមាន៥នាក់កន្លងមក គឺយើងទុកតែម្នាក់នោះទេ យើងនឹងផ្លាស់ប្តូរ៤នាក់»។ នេះជាការអះអាងរបស់លោក ឡាំ ទីនី ប៉ុន្តែមិនបានបញ្ជាក់ព័ត៌មានលំអិតឡើយ។
គណៈកម្មការប្រកួតបាល់ទាត់ជាតិ(CNCC)កាលពីពេលថ្មីៗបានប្រកាសថា សម្រាប់ការប្រកួតរដូវកាលឆ្នាំ២០១៨ មិនអនុញ្ញាតឲ្យក្លិបណាមួយប្រើប្រាស់ពហុកីឡដ្ឋានជាតិធ្វើជាម្ចាស់ផ្ទះសម្រាប់ការប្រកួតវគ្គជម្រុះឡើយ ពោលគឺក្លិបនីមួយៗត្រូវមានទីលានផ្ទាល់ខ្លួន។ ការសម្រេចនេះ បានធ្វើឲ្យក្លិបណាហ្គាវើលដែលតែងតែប្រើទីលាននេះធ្វើជាម្ចាស់ផ្ទះកំពុងជួបបញ្ហា ខណៈមកទល់ពេលនេះក្រុមនេះមិនទាន់មានទីលានជាក់លាក់នៅឡើយសម្រាប់ធ្វើម្ចាស់ផ្ទះរដូវក្រោយនេះ។
ពានរង្វាន់ក្របខណ្ឌលីគកំពូលកម្ពុជានឹងបើករដូវថ្មីឆ្នាំ២០១៨នៅថ្ងៃទី៣ មីនា ដោយគ្រោងបញ្ចប់នៅថ្ងៃទី៣០ កញ្ញា ឆ្នាំ២០១៨ ខណៈពានរង្វាន់សម្តេច ហ៊ុន សែន នឹងបើករដូវកាលរបស់ខ្លួននៅថ្ងៃទី៧ កុម្ភៈ ហើយគ្រោងបញ្ចប់នៅថ្ងៃទី៦ កញ្ញា ឆ្នាំ២០១៨។
សម្រាប់ការប្រកួតរដូវកាលមុនក្រុមណាហ្គាវើលបានបញ្ចប់ចំណាត់ថ្នាក់លេខ២ក្នុងពានរង្វាន់សម្តេច ហ៊ុន សែន និងទទួលបានចំណាត់ថ្នាក់លេខ៤ក្នុងពានរង្វាន់ក្របខណ្ឌលីគកំពូលកម្ពុជា។ តែខ្សែប្រយុទ្ធសញ្ជាតិរវ៉ាន់ដា Atuheire Kipson របស់ណាហ្គាវើលទទួលពានរង្វាន់ស្បែកជើងមាសក្រោយរកបាន២៧គ្រាប់៕
Tag:
បាល់ទាត់
ណាហ្គាវើល
មាស ចាន់ណា
© រក្សាសិទ្ធិដោយ thmeythmey.com
