ពីនេះ ពីនោះ
ព័ត៍មានសុខភាព
ការរត់ខ្លាំង មិនល្អដូចការអត់ហាត់ប្រាណអញ្ចឹង
× យោងទៅតាមសារព័ត៌មាន BBC News បានឲ្យដឹងថា ការដែលរត់ហាត់ប្រាណយឺតៗតែច្រើនដងពេក មិនមានផលប្រយោជន៍ល្អដូចអត់ហាត់ប្រាណតែម្តងអញ្ចឹង។ យ៉ាងណាមិញ លទ្ធផលនៃការសិក្សាថ្មីមួយនេះគឺមិនទាន់ច្បាស់លាស់នៅឡើយទេ។
ការសិក្សានេះមានការចូលរួមពីប្រជាជន ដាណឺម៉ាកប្រហែល ១៥០០នាក់។ គេបានរកឃើញថា ការរត់ហាត់ប្រាណយឺតៗពីតិចតួចទៅមធ្យមមានជាប់ទាក់ទងនឹងការធ្វើឲ្យអាយុវែងជាងការរស់នៅបែបស៊ីដេកៗ ប៉ុន្តែការដែលរត់យឺតៗតែខ្លាំងក្លាពេកក៏មិនអាចជួយឲ្យមានអាយុវែងដែរ។
ដែនកំណត់ធំសំខាន់មួយចំពោះការសិក្សានេះគឺថា នៅពេលអ្នករត់ត្រូវបានបែងចែកជាក្រុមៗដោយមានការកំណត់ពេលវេលា ភាពញឹកញាប់នៃការរត់ និងរង្វាស់មួយជំហ៊ានៗ គេរកឃើញថា ក្រុមមួយចំនួន ជាពិសេសក្រុមដែលមានភាពសកម្មច្រើនបំផុតបែរជាទទួលបានផលតិចជាងគេទៅវិញ។
សរុបមក ការសិក្សានេះមិនមានឥទ្ធិពលអ្វីទាំងអស់ទៅលើការណែនាំឲ្យមានសកម្មភាពរាងកាយនាពេលបច្ចុប្បន្នសម្រាប់មនុស្សធំឡើយ។ ខណៈពេលដែឡវាគឺជារឿងសំខាន់ត្រង់ថា មនុស្សយើងមិនអាចបង្ខំខ្លួនឯងឲ្យធ្វើអ្វីមួយហួសសមត្ថភាពបាន ដូច្នេះបញ្ហាដែលកើតឡើងកាន់តែច្រើន និងញឹកញាប់នោះគឺថា មនុស្សយើងមិនបានធ្វើលំហាត់ប្រាណគ្រប់គ្រាន់ដើម្បីទទួលបានកម្រិតមួយដែលជាការណែនាំឡើយ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com