ជាតិ
ភ្លៀងកក់ខែនៅកម្ពុជាពីថ្ងៃទី១៩-២១ ខែមករា
× ភ្នំពេញ៖ ចាប់ពីថ្ងៃទី១៩ដល់ទី២១ ខែមករា នៅកម្ពុជា នឹងមានភ្លៀងកក់ខែ ជាពិសេសខេត្តប៉ែកខាងកើតជាប់ប្រទេសវៀតណាម និងបណ្តាធានី-ខេត្តនៅភាគខាងត្បូងនៃប្រទេស។
ប្រទេសកម្ពុជា បាន និងកំពុងទទួលរងឥទ្ធិពលខ្យល់មូសុងឦសាន និងជ្រលងសម្ពាធខ្ពស់ខ្សោយពីប្រទេសចិន។ នេះបើយោងតាមការព្យករអាកាសធាតុរបស់ក្រសួងធនធានទឹក និងឧតុនិយមចេញផ្សាយនៅថ្ងៃទី១៦ ខែមករា ដោយបានបន្តបញ្ជាក់ថា ចាប់ពីថ្ងៃទី១៩ ដល់ថ្ងៃទី២១ ខែមករានេះ កម្ពុជា នឹងទទួលខ្យល់ដែលបក់មពីទិសខាងកើត(មកពីសមុទ្រចិនខាងត្បូង)។
ផ្នែកតាមការព្យាករនេះ កម្ពុជានឹងមានភ្លៀងកក់ខែ ចាប់ពីថ្ងៃទី១៩ ដល់ថ្ងៃទី២១ ខែមករា ពិសេសបណ្តាខេត្តប៉ែកខាងកើតជាប់ប្រទេសវៀតណាម និងបណ្តាធានី-ខេត្តនៅភាគខាងត្បូង មានដូចជារាជធានីភ្នំពេញ ខេត្តត្បូងឃ្មុំ ព្រៃវែង ស្វាយរៀង កណ្តាល តាកែវ កំពង់ស្ពឺ កំពង់ឆ្នាំង និងខេត្តកំពត៕
© រក្សាសិទ្ធិដោយ thmeythmey.com