កីឡាអន្តរជាតិ
អន្តរជាតិ
Ronaldinho ប្រកាសចូលនិវត្តន៍ ក្រោយអត់ក្លិបលេងតាំងពីឆ្នាំ២០១៥
× អតីតវីរបុរសក្រុមកីឡាបាល់ទាត់ជម្រើសជាតិប្រេស៊ីល និង FC Barcelona កីឡាករ Ronaldinho បានសម្រេចប្រកាសចូលនិវត្តន៍ពីអាជីពកីឡាបាល់ទាត់ហើយ ក្រោយគ្មានក្លិបលេងតាំងពីឆ្នាំ២០១៥មក។
Ronaldinho (ឈ្មោះពេញ Ronaldo de Assis Moreira) ដែលបច្ចុប្បន្នឈានចូលដល់វ័យ ៣៧ឆ្នាំ ជាកីឡាករមួយរូបជួយឲ្យក្រុមជម្រើសជាតិប្រេស៊ីលឈ្នះ World Cup ឆ្នាំ២០០២ ជួយ Barcelona លោកពាន Champions League ឆ្នាំ២០០៦ រួមទាំងឈ្នះពានរង្វាន់កីឡាករល្អជាងគេលើលោក Balon d'Or ១លើកផងដែរនៅឆ្នាំ ២០០៥។
បងប្រុស និងភ្នាក់ងាររបស់អតីសមាជិក AC Milan និង Paris St-Germain គឺលោក Roberto Assis បានបញ្ជាក់ពីការចូលនិវត្តន៍នេះកាលពីថ្ងៃអង្គារទី១៦ ខែមករា។
«គាត់សម្រេចចិត្តឈប់ហើយ ហើយអ្វីៗត្រូវបានបញ្ចប់នៅពេលនេះ»។ នេះជាការបញ្ជាក់របស់ លោក Assis។
Ronaldinho បានចាប់ផ្តើមអាជីពជាកីឡាករបាល់ទាត់ដំបូងក្នុងក្លិប Gremio នៅប្រេស៊ីលមុនពេលផ្ទេរទៅកាន់ Paris St-Germain ក្នុងឆ្នាំ ២០០១។ ក្រោយរួមរស់ជាមួយក្រុមដែលមានមូលដ្ឋានក្នុងប្រទេសបារាំង៥ឆ្នាំ ក៏បានផ្លាស់ទៅកាន់ក្លិបយក្សអេស្ប៉ាញ Barcelona ជាមួយការបង្ហាញខ្លួនយ៉ាងជោគជ័យ មុនទៅចូលរួមជាមួយ AC Milan ពីឆ្នាំ២០១០ ដល់ ២០១១។ ឆ្នាំ ២០១១ រូបគេបានបានត្រឡប់ទៅប្រេស៊ីលវិញជាមួយក្រុម Flamengo រួចបន្តលេងឲ្យ Atletico Mineiro, Queretaro នៃលីកម៉ិកស៊ីក និងចុងក្រោយ Fluminense របស់ប្រេស៊ីល ក្នុងឆ្នាំ២០១៥៕
Tag:
បាល់ទាត់
Ronaldinho
ចូននិវត្តន៍
© រក្សាសិទ្ធិដោយ thmeythmey.com