អន្តរជាតិ
ឥណ្ឌាចំណាយជាង ៥០០ លានដុល្លារទិញកាំភ្លើងបំពាក់កងទ័ពយាមព្រំដែនជម្លោះជាមួយចិន
×![]()
ដោយ: ថ្មីៗ
ឥណ្ឌានឹងចំណាយលុយច្រើនជាង ៥៥០ លានដុល្លារអាមេរិកដើម្បីទិញអាវុធ ១៦ម៉ឺនដើមឲ្យកងទ័ពរបស់ខ្លួនដែលនៅការពារតាមព្រំដែន។ ការចំណាយលុយច្រើនសន្ធឹកសន្ធាប់ដើម្បីទិញសព្វាវុធនេះ កើតឡើងក្រោយពេលដែលឥណ្ឌាប្រឈមមុខខ្លាំងជាមួយចិនកន្លងមក។
កាំភ្លើងទំនើបៗជាង ១៦ម៉ឺនដើមដែលមានតម្លៃច្រើនរយលានដុល្លារអាមេរិកនោះនឹងត្រូវនាំចូលដើម្បីពង្រឹងកម្លាំងកងទ័ពឥណ្ឌាដែលត្រូវបំពេញភារកិច្ចការពារព្រំដែន។ នេះជាការបញ្ជាក់របស់ក្រសួងការពារជាតិឥណ្ឌា។
យោងតាមទីភ្នាក់ងារព័ត៌មាន AFP ការសម្រេចអនុញ្ញាតឲ្យមានការទិញសព្វាវុធនេះធ្វើឡើងក្រោយមានការអនុញ្ញាតជាផ្លូវការពីសំណាក់ក្រុមប្រឹក្សាលទ្ធកម្មការពារជាតិដែលដឹកនាំដោយរដ្ឋមន្ត្រីការពារជាតិឥណ្ឌា Nirmala Sitharaman ។
សព្វាវុធដែលត្រូវនាំចូលនេះមានកាំភ្លើងស្វ័យប្រវត្តិ ៧២៤០០ដើម និងកាំភ្លើងវែងធុនស្រាល ៩៣៨៩៥ ដើមផ្សេងទៀតដែលមានតម្លៃសរុបរហូតដល់ ៥៥៣ លានដុល្លារអាមេរិកឯណោះ។
ក្រសួងការពារជាតិឥណ្ឌាបានអះអាងថា ការនាំចូលសព្វាវុធច្រើនសន្ធឹកសន្ធាប់នេះនឹងរួមចំណែកបានច្រើនក្នុងការជួយបង្កើន និងពង្រឹងសមត្ថភាពកងទ័ពរបស់ខ្លួនក្នុងការការពារព្រំដែនជាពិសេសឆ្លើយតបបាននឹងការគំរាមកំហែងនានាផងដែរ។ ថ្មីៗនេះឥណ្ឌាបានសម្រេចបង្កើនសកម្មភាពល្បាតនៅតាមព្រំដែនជម្លោះជាមួយចិន ហើយមហាអំណាចនេះអួតថា សមត្ថភាពខ្លួនខ្លាំងមិនចាញ់ចិនដែរ។
ឥណ្ឌាប្រកាសនាំចូលសព្វាវុធដើម្បីការពារបូរណភាពដែនដីនេះ កើតឡើងត្រឹមប៉ុន្មានខែប៉ុណ្ណោះក្រោយពេលដែលកងទ័ពឥណ្ឌា និងចិន ប្រឈមមុខដាក់គ្នាខ្លាំងនៅតាមព្រំដែនតំបន់ស្វយ័តទីបេ និងប្រទេសប៊ូតង់នៅតំបន់ Doklam។ ជម្លោះព្រំដែននៅ Doklam កើតឡើងនៅពាក់កណ្ដាលខែមិថុនា ឆ្នាំ២០១៧ ក្រោយយោធាចិនបញ្ជូនគ្រឿងចក្រឈូសឆាយនៅតំបន់ខ្ពង់រាបលើភ្នំហិមាល័យ ប៉ុន្តែឥណ្ឌាដែលជាសម្ព័ន្ធមិត្តប៊ូតង់បានចូលទៅឃាត់រហូតដល់មានការប្រឈមមុខដាក់គ្នារវាងឥណ្ឌា និងចិនតែម្តង។
តាមពិតទៅ ចាប់ពីពេលដែលនាយករដ្ឋមន្ត្រី នារិន្ទ្រា ម៉ូឌី ឡើងកាន់តំណែងឆ្នាំ ២០១៤ មហាយក្សអាស៊ីខាងត្បូងឥណ្ឌាប្រឹងប្រែងពង្រឹងឥទ្ធិពលយោធារបស់ខ្លួនជាលំដាប់តាមរយៈការនាំចូលសព្វាវុធទំនើបៗ និងពង្រឹងឧស្សាហកម្មយោធាក្នុងស្រុងផង។
ក្រៅពីជម្លោះជាមួយចិន ឥណ្ឌាក៏ស្ថិតក្នុងជម្លោះដែនដីដ៏រ៉ាំរ៉ៃនៅតំបន់កាស្មៀរជាមួយប៉ាគីស្ថានដែរ។ កងទ័ពប្រហែល ប្រាំសែននាក់ត្រូវបានពង្រាយទៅតាមព្រំដែនជម្លោះជាមួយប៉ាគីស្ថាន ហើយឥណ្ឌាជានិច្ចជាកាលបានចោទប្រកាន់ថា ប៉ាគីស្ថានបញ្ជូនក្រុមភេរវជនចូលមកក្នុងព្រំដែនខ្លួន ហើយការប៉ះទង្គិចគ្នាដោយអាវុធក៏កើតឡើយជាញឹកញយផងដែរ។
កាំភ្លើងទំនើបៗជាង ១៦ម៉ឺនដើមដែលមានតម្លៃច្រើនរយលានដុល្លារអាមេរិកនោះនឹងត្រូវនាំចូលដើម្បីពង្រឹងកម្លាំងកងទ័ពឥណ្ឌាដែលត្រូវបំពេញភារកិច្ចការពារព្រំដែន។ នេះជាការបញ្ជាក់របស់ក្រសួងការពារជាតិឥណ្ឌា។
យោងតាមទីភ្នាក់ងារព័ត៌មាន AFP ការសម្រេចអនុញ្ញាតឲ្យមានការទិញសព្វាវុធនេះធ្វើឡើងក្រោយមានការអនុញ្ញាតជាផ្លូវការពីសំណាក់ក្រុមប្រឹក្សាលទ្ធកម្មការពារជាតិដែលដឹកនាំដោយរដ្ឋមន្ត្រីការពារជាតិឥណ្ឌា Nirmala Sitharaman ។
សព្វាវុធដែលត្រូវនាំចូលនេះមានកាំភ្លើងស្វ័យប្រវត្តិ ៧២៤០០ដើម និងកាំភ្លើងវែងធុនស្រាល ៩៣៨៩៥ ដើមផ្សេងទៀតដែលមានតម្លៃសរុបរហូតដល់ ៥៥៣ លានដុល្លារអាមេរិកឯណោះ។
ក្រសួងការពារជាតិឥណ្ឌាបានអះអាងថា ការនាំចូលសព្វាវុធច្រើនសន្ធឹកសន្ធាប់នេះនឹងរួមចំណែកបានច្រើនក្នុងការជួយបង្កើន និងពង្រឹងសមត្ថភាពកងទ័ពរបស់ខ្លួនក្នុងការការពារព្រំដែនជាពិសេសឆ្លើយតបបាននឹងការគំរាមកំហែងនានាផងដែរ។ ថ្មីៗនេះឥណ្ឌាបានសម្រេចបង្កើនសកម្មភាពល្បាតនៅតាមព្រំដែនជម្លោះជាមួយចិន ហើយមហាអំណាចនេះអួតថា សមត្ថភាពខ្លួនខ្លាំងមិនចាញ់ចិនដែរ។
អត្ថបទទាក់ទង
ឥណ្ឌាប្រកាសនាំចូលសព្វាវុធដើម្បីការពារបូរណភាពដែនដីនេះ កើតឡើងត្រឹមប៉ុន្មានខែប៉ុណ្ណោះក្រោយពេលដែលកងទ័ពឥណ្ឌា និងចិន ប្រឈមមុខដាក់គ្នាខ្លាំងនៅតាមព្រំដែនតំបន់ស្វយ័តទីបេ និងប្រទេសប៊ូតង់នៅតំបន់ Doklam។ ជម្លោះព្រំដែននៅ Doklam កើតឡើងនៅពាក់កណ្ដាលខែមិថុនា ឆ្នាំ២០១៧ ក្រោយយោធាចិនបញ្ជូនគ្រឿងចក្រឈូសឆាយនៅតំបន់ខ្ពង់រាបលើភ្នំហិមាល័យ ប៉ុន្តែឥណ្ឌាដែលជាសម្ព័ន្ធមិត្តប៊ូតង់បានចូលទៅឃាត់រហូតដល់មានការប្រឈមមុខដាក់គ្នារវាងឥណ្ឌា និងចិនតែម្តង។
តាមពិតទៅ ចាប់ពីពេលដែលនាយករដ្ឋមន្ត្រី នារិន្ទ្រា ម៉ូឌី ឡើងកាន់តំណែងឆ្នាំ ២០១៤ មហាយក្សអាស៊ីខាងត្បូងឥណ្ឌាប្រឹងប្រែងពង្រឹងឥទ្ធិពលយោធារបស់ខ្លួនជាលំដាប់តាមរយៈការនាំចូលសព្វាវុធទំនើបៗ និងពង្រឹងឧស្សាហកម្មយោធាក្នុងស្រុងផង។
ក្រៅពីជម្លោះជាមួយចិន ឥណ្ឌាក៏ស្ថិតក្នុងជម្លោះដែនដីដ៏រ៉ាំរ៉ៃនៅតំបន់កាស្មៀរជាមួយប៉ាគីស្ថានដែរ។ កងទ័ពប្រហែល ប្រាំសែននាក់ត្រូវបានពង្រាយទៅតាមព្រំដែនជម្លោះជាមួយប៉ាគីស្ថាន ហើយឥណ្ឌាជានិច្ចជាកាលបានចោទប្រកាន់ថា ប៉ាគីស្ថានបញ្ជូនក្រុមភេរវជនចូលមកក្នុងព្រំដែនខ្លួន ហើយការប៉ះទង្គិចគ្នាដោយអាវុធក៏កើតឡើយជាញឹកញយផងដែរ។
© រក្សាសិទ្ធិដោយ thmeythmey.com
