កីឡាជាតិ
ជាតិ
គុនដាវរំពឹងកីឡាករខ្មែរ-អាមេរិកជួយសាងជ័យជម្នះក្នុងជើងឯកអាស៊ាននៅម៉ាឡេស៊ី
លោក សុខ អាង (អាវសទី៤រាប់ពីឆ្វេង)ថតជុំគ្នាជាមួយកីឡាករនៅអាកាសយានដ្ឋានម៉ាឡេស៊ី
×![]()
ទោះបីចាត់ទុកវៀតណាមនិងសិង្ហបុរីជាឧបសគ្គក្នុងការប្រជែងមេដាយក៏ដោយ តែកីឡាគុនដាវកម្ពុជារំពឹងខ្ពស់ថានឹងទទួលបានលទ្ធផលល្អសម្រាប់ការប្រកួតជើងឯកអាស៊ីអាគ្នេយ៍នៅទីក្រុងកូឡាឡាំពួរប្រទេសម៉ាឡេស៊ី។ កម្ពុជាបានបញ្ជូនអត្តពលិកចំនួន៩រូប(ស្រី៣)ឲ្យចូលរួមការប្រកួតដែលប្រព្រឹត្តទៅចាប់ពីថ្ងៃទី១៨ ដល់ថ្ងៃទី២២ ខែមករា ឆ្នាំ២០១៨ មួយនេះ។
លោក សុខ អាង គ្រូបង្វឹកដាវធំដែលដឹកនាំកីឡាករទៅចូលរួមប្រកួតរំពឹងកីឡាករកូនកាត់ខ្មែរ-អាមេរិកជួយសាងជ័យជម្នះជូនកម្ពុជា នាការប្រកួតកីឡាគុនដាវជ្រើសរើសជើងឯកអាស៊ីអាគ្នេយ៍នៅទីក្រុងកូឡាឡាំពួរប្រទេសម៉ាឡេស៊ី។ កីឡាករកូនកាត់ខ្មែរ-អាមេរិក ប៉ូលវ៉ាហ្គ ហ្វ្រេនធិសិទ្ធ អូរមិនស្គី ដែលចូលរួមប្រកួតតំណាងឲ្យកម្ពុជារូបនេះ ជាកីឡាករគុនដាវជម្រើសជាតិនៅសហរដ្ឋអាមេរិក។
«សម្រាប់ការប្រកួតឆ្នាំនេះយើងបានដឹកនាំកីឡាករចំនួន៩នាក់ចូលរួម ហើយអ្វីដែលជាក្តីរំពឹងរបស់យើងដោយសារឆ្នាំនេះយើងទើបតែទទួលបានកីឡាករខ្មែរ-អាមេរិកពីររូបលេងតំណាងឲ្យកម្ពុជា។ ក្នុងចំណោមអ្នកទាំងពីរមានម្នាក់ជាកីឡាករជម្រើសជាតិរបស់អាមេរិក។ ដូច្នេះយើងរំពឹងថានឹងទទួលបានលទ្ធផលល្អសម្រាប់ការប្រកួតឆ្នាំនេះ»។ នេះជាក្តីរំពឹងរបស់លោក សុខ អាង ដែលកំពុងស្ថិតនៅទីក្រុងកូឡាឡាំពួរប្រទេសម៉ាឡេស៊ី។
លោក សុខ អាង បានចាត់ទុកវិញ្ញាសាក្រុមដាវធំបុរស ឯកត្តជនដាវធំបុរសដែលមានកីឡាករខ្មែរ-អាមេរិក ប៉ូលវ៉ាហ្គ ហ្វ្រេនធិសិទ្ធ អូរមិនស្គី និងវិញ្ញាសាដាវកាប់ឯកត្តជននារីជាវិញ្ញាសាសក្តានុពលក្នុងការប្រជែងមេដាយសម្រាប់កម្ពុជា។ កីឡាករកម្ពុជាទាំងនេះត្រូវប្រកួតលើ៦វិញ្ញាសារួមមានវិញ្ញាសាដាវធំក្រុមបុរស ដាវកាប់ក្រុមនារី ដាវធំឯកត្តជនបុរស ដាវតូចឯកត្តជនបុរស ដាវកាប់ឯកត្តជនបុរស និងដាវកាប់ឯកត្តជននារី។
ទន្ទឹមនឹងបង្ហាញក្តីរំពឹងគ្រូបង្វឹកដាវធំរូបនេះ ចាត់ទុកវៀតណាម និងសិង្ហបុរីជាឧបសគ្គធំក្នុងការប្រជែងមេដាយសម្រាប់កម្ពុជា។ ការចាត់ទុកបែបនេះដោយសារប្រទេសទាំងពីរសុទ្ធតែបានជាប់វគ្គជម្រុះអូឡាំពិកឆ្នាំ២០១៦ នៅទីក្រុងរីយ៉ូប្រទេសប្រេស៊ីល។
ព្រឹត្តិការណ៍ប្រកួតជើងឯកអាស៊ីអាគ្នេយ៍នេះប្រព្រឹត្តទៅនៅទីក្រុងកូឡាឡាំពួរប្រទេសម៉ាឡេស៊ីចាប់ពីថ្ងៃទី១៨ ដល់ថ្ងៃទី២២ ខែមករា ឆ្នាំ២០១៨។ ហើយមានប្រទេសចូលរួមចំនួន១០រួមមានម៉ាឡេស៊ី កម្ពុជា ថៃ ឡាវ វៀតណាម សិង្ហបុរី ឥណ្ឌូណេស៊ី មីយ៉ាន់ម៉ា ហ្វីលីពីន និងប្រទេសព្រុយណេ។
កីឡាករទាំង៩នាក់រួមមានកីឡាករ ឃីម សាមាន, ប៉ូលវ៉ាហ្គ ហ្វ្រេនធិសិទ្ធ អូរមិនស្គី, ថុង តាំងជីន, ជីម ធារ៉ា, មេត្តា ជ័ដ, សំ សិទ្ធិបញ្ញា, កីឡាការិនី ឆាយ លីនលី, ស៊ន និច និងកីឡាការិនី យី លីហ្សា៕
លោក សុខ អាង គ្រូបង្វឹកដាវធំដែលដឹកនាំកីឡាករទៅចូលរួមប្រកួតរំពឹងកីឡាករកូនកាត់ខ្មែរ-អាមេរិកជួយសាងជ័យជម្នះជូនកម្ពុជា នាការប្រកួតកីឡាគុនដាវជ្រើសរើសជើងឯកអាស៊ីអាគ្នេយ៍នៅទីក្រុងកូឡាឡាំពួរប្រទេសម៉ាឡេស៊ី។ កីឡាករកូនកាត់ខ្មែរ-អាមេរិក ប៉ូលវ៉ាហ្គ ហ្វ្រេនធិសិទ្ធ អូរមិនស្គី ដែលចូលរួមប្រកួតតំណាងឲ្យកម្ពុជារូបនេះ ជាកីឡាករគុនដាវជម្រើសជាតិនៅសហរដ្ឋអាមេរិក។
«សម្រាប់ការប្រកួតឆ្នាំនេះយើងបានដឹកនាំកីឡាករចំនួន៩នាក់ចូលរួម ហើយអ្វីដែលជាក្តីរំពឹងរបស់យើងដោយសារឆ្នាំនេះយើងទើបតែទទួលបានកីឡាករខ្មែរ-អាមេរិកពីររូបលេងតំណាងឲ្យកម្ពុជា។ ក្នុងចំណោមអ្នកទាំងពីរមានម្នាក់ជាកីឡាករជម្រើសជាតិរបស់អាមេរិក។ ដូច្នេះយើងរំពឹងថានឹងទទួលបានលទ្ធផលល្អសម្រាប់ការប្រកួតឆ្នាំនេះ»។ នេះជាក្តីរំពឹងរបស់លោក សុខ អាង ដែលកំពុងស្ថិតនៅទីក្រុងកូឡាឡាំពួរប្រទេសម៉ាឡេស៊ី។
លោក សុខ អាង បានចាត់ទុកវិញ្ញាសាក្រុមដាវធំបុរស ឯកត្តជនដាវធំបុរសដែលមានកីឡាករខ្មែរ-អាមេរិក ប៉ូលវ៉ាហ្គ ហ្វ្រេនធិសិទ្ធ អូរមិនស្គី និងវិញ្ញាសាដាវកាប់ឯកត្តជននារីជាវិញ្ញាសាសក្តានុពលក្នុងការប្រជែងមេដាយសម្រាប់កម្ពុជា។ កីឡាករកម្ពុជាទាំងនេះត្រូវប្រកួតលើ៦វិញ្ញាសារួមមានវិញ្ញាសាដាវធំក្រុមបុរស ដាវកាប់ក្រុមនារី ដាវធំឯកត្តជនបុរស ដាវតូចឯកត្តជនបុរស ដាវកាប់ឯកត្តជនបុរស និងដាវកាប់ឯកត្តជននារី។
ទន្ទឹមនឹងបង្ហាញក្តីរំពឹងគ្រូបង្វឹកដាវធំរូបនេះ ចាត់ទុកវៀតណាម និងសិង្ហបុរីជាឧបសគ្គធំក្នុងការប្រជែងមេដាយសម្រាប់កម្ពុជា។ ការចាត់ទុកបែបនេះដោយសារប្រទេសទាំងពីរសុទ្ធតែបានជាប់វគ្គជម្រុះអូឡាំពិកឆ្នាំ២០១៦ នៅទីក្រុងរីយ៉ូប្រទេសប្រេស៊ីល។
ព្រឹត្តិការណ៍ប្រកួតជើងឯកអាស៊ីអាគ្នេយ៍នេះប្រព្រឹត្តទៅនៅទីក្រុងកូឡាឡាំពួរប្រទេសម៉ាឡេស៊ីចាប់ពីថ្ងៃទី១៨ ដល់ថ្ងៃទី២២ ខែមករា ឆ្នាំ២០១៨។ ហើយមានប្រទេសចូលរួមចំនួន១០រួមមានម៉ាឡេស៊ី កម្ពុជា ថៃ ឡាវ វៀតណាម សិង្ហបុរី ឥណ្ឌូណេស៊ី មីយ៉ាន់ម៉ា ហ្វីលីពីន និងប្រទេសព្រុយណេ។
កីឡាករទាំង៩នាក់រួមមានកីឡាករ ឃីម សាមាន, ប៉ូលវ៉ាហ្គ ហ្វ្រេនធិសិទ្ធ អូរមិនស្គី, ថុង តាំងជីន, ជីម ធារ៉ា, មេត្តា ជ័ដ, សំ សិទ្ធិបញ្ញា, កីឡាការិនី ឆាយ លីនលី, ស៊ន និច និងកីឡាការិនី យី លីហ្សា៕
Tag:
គុនដាវ
សុខ អាង
ជើងឯកអាស៊ីអាគ្នេយ៍
© រក្សាសិទ្ធិដោយ thmeythmey.com
