ជាតិ
ព្រះរាជអាជ្ញា សម្រេចឲ្យឃុំខ្លួនព្រះអង្គ ប៊ុត ប៊ុនតិញ លោក ប៉ា ងួនទៀង និងលោក មឿន តុលា
ពីឆ្វេងទៅស្តាំ៖ លោក មឿន តុលា ព្រះអង្គ ប៊ុត ប៊ុនតិញ និងលោក ប៉ា ងួនទៀង
×![]()
ដោយ: ម៉ៅ សុផា
ភ្នំពេញ៖ លោក គុជ គឹមឡុង ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ បានសម្រេចដាក់ព្រះភិក្ខុ ប៊ុត ប៊ុនតិញ លោក ប៉ា ងួនទៀង និង មឿន តុលា ដែលធ្លាប់ធ្វើជាគណៈកម្មការក្នុងការរៀបចំបុណ្យលោកបណ្ឌិត កែម ឡី ឲ្យស្ថិតនៅក្រោមការឃុំខ្លួនជាបណ្តោះអាសន្ន។ ប៉ុន្តែមកដល់ពេលនេះ អ្នកទាំងបី មិនទាន់ជាប់ឃុំនៅឡើយទេ។
លោកព្រះរាជអាជ្ញារង គុជ គឹមឡុង បានប្រាប់ហេតុផលក្នុងដីកាសន្និដ្ឋានថា ការសម្រេចឲ្យអ្នកទាំងបី ស្ថិតក្នុងការឃុំខ្លួនជាបណ្តោះអាសន្ន គឺដើម្បីបង្ការការកើតឡើងនូវបទល្មើសថ្មីទៀត ហើយក៏អាចរក្សាជនត្រូវចោទ ទុកជូនតុលាការ ដើម្បីចាត់ការបន្តតាមនីតិវិធីផងដែរ។ ការធ្វើបទចោទ និងឈានដល់សម្រេចឲ្យមានការឃុំខ្លួននេះ គឺធ្វើឡើងបន្ទាប់ពីព្រះរាជអាជ្ញារង បានបញ្ចប់ការស៊ើបអង្កេតបឋមរួចរាល់លើករណីអ្នកទាំងបី ហើយក៏ចេញដីកាសន្និដ្ឋាន បញ្ជូនទៅកាន់ចៅក្រមស៊ើបសួរ ដើម្បីចាត់ការបន្ត។ ដីកាសន្និដ្ឋាននេះត្រូវបានចុះហត្ថលេខានៅថ្ងៃទី៤ខែមករាកន្លងទៅ។
ខ្លឹមសារក្នុងដីកាសន្និដ្ឋានបង្ហាញថា ថវិកាដែលសប្បុរសជនបានបរិច្ចាគក្នុងពីធីបុណ្យលោក កែម ឡី បានបាត់បង់ដោយក្រុមគ្រួសាររបស់លោក កែម ឡី ពុំបានទទួលនោះទេ។ ហេតុដូច្នេះ លោកព្រះរាជអាជ្ញារង ក៏បានចោទអ្នកទាំងបី ដែលទទួលកាន់កាប់ថវិកា សម្រាប់ការរៀបចំបុណ្យលោក កែម ឡី ពីបទ «រំលោភលើទំនុកចិត្ត»។
ដីកាសន្និដ្ឋានពីរទំព័ររបស់ព្រះរាជអាជ្ញា ដែលបរិយាយពីអង្គហេតុ និងអំពើខុសឆ្គងរបស់អ្នកទាំងបី បានសរសេរយ៉ាងដូច្នេះ ៖«...បច្ច័យដែលទទួលបានពីការធ្វើបុណ្យសពលោក បណ្ឌិត កែម ឡី រហូតដល់បុណ្យ១00ថ្ងៃ ពីសប្បុរសជនទាំងក្នុងនិងក្រៅប្រទេស សរុបយ៉ាងតិចប្រហែលជា ៣សែនដុល្លារ។ ប៉ុន្ត មកដល់ពេលនេះ ក្រុមគ្រួសាររបស់លោកបណ្ឌិត កែម ឡី ពុំទាន់បានទទួលបញ្ជីឈ្មោះអ្នកចូលបច្ច័យ និងបច្ច័យពីគណៈកម្មការឡើយ...»។
ការចោទប្រកាន់និងការរៀបរាប់នូវអង្គហេតុទាំងអម្បាលម៉ានរបស់ព្រះរាជអាជ្ញារង គឺពឹងផ្អែកលើពាក្យបណ្តឹងរបស់លោក ពេជ្រ ស្រស់ ប្រធានគណបក្សយុវជនកម្ពុជា ដែលបានដាក់ពាក្យប្តឹងគណៈកម្មការរៀបចំបុណ្យលោក កែម ឡី កាលពីចុងឆ្នាំ២0១៧។
យ៉ាងណាក៏ដោយ មកដល់ពេលនេះ អ្នកទាំងបី កំពុងតែនៅក្រៅការឃុំខ្លួននៅឡើយ។ ព្រះអង្គ ប៊ុត ប៊ុនតិញ ស្ថាបនិកបណ្តាញព្រះសង្ឃឯករាជ្យ និងលោក ប៉ា ងួនទៀង នាយកប្រតិបត្តិនៃមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ ត្រូវបានគេឃើញនៅបរទេសជាច្រើនថ្ងៃហើយ។ រីឯលោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ក៏ទំនងមិននៅក្នុងស្រុកដែរ៕
លោកព្រះរាជអាជ្ញារង គុជ គឹមឡុង បានប្រាប់ហេតុផលក្នុងដីកាសន្និដ្ឋានថា ការសម្រេចឲ្យអ្នកទាំងបី ស្ថិតក្នុងការឃុំខ្លួនជាបណ្តោះអាសន្ន គឺដើម្បីបង្ការការកើតឡើងនូវបទល្មើសថ្មីទៀត ហើយក៏អាចរក្សាជនត្រូវចោទ ទុកជូនតុលាការ ដើម្បីចាត់ការបន្តតាមនីតិវិធីផងដែរ។ ការធ្វើបទចោទ និងឈានដល់សម្រេចឲ្យមានការឃុំខ្លួននេះ គឺធ្វើឡើងបន្ទាប់ពីព្រះរាជអាជ្ញារង បានបញ្ចប់ការស៊ើបអង្កេតបឋមរួចរាល់លើករណីអ្នកទាំងបី ហើយក៏ចេញដីកាសន្និដ្ឋាន បញ្ជូនទៅកាន់ចៅក្រមស៊ើបសួរ ដើម្បីចាត់ការបន្ត។ ដីកាសន្និដ្ឋាននេះត្រូវបានចុះហត្ថលេខានៅថ្ងៃទី៤ខែមករាកន្លងទៅ។
ខ្លឹមសារក្នុងដីកាសន្និដ្ឋានបង្ហាញថា ថវិកាដែលសប្បុរសជនបានបរិច្ចាគក្នុងពីធីបុណ្យលោក កែម ឡី បានបាត់បង់ដោយក្រុមគ្រួសាររបស់លោក កែម ឡី ពុំបានទទួលនោះទេ។ ហេតុដូច្នេះ លោកព្រះរាជអាជ្ញារង ក៏បានចោទអ្នកទាំងបី ដែលទទួលកាន់កាប់ថវិកា សម្រាប់ការរៀបចំបុណ្យលោក កែម ឡី ពីបទ «រំលោភលើទំនុកចិត្ត»។
ដីកាសន្និដ្ឋានពីរទំព័ររបស់ព្រះរាជអាជ្ញា ដែលបរិយាយពីអង្គហេតុ និងអំពើខុសឆ្គងរបស់អ្នកទាំងបី បានសរសេរយ៉ាងដូច្នេះ ៖«...បច្ច័យដែលទទួលបានពីការធ្វើបុណ្យសពលោក បណ្ឌិត កែម ឡី រហូតដល់បុណ្យ១00ថ្ងៃ ពីសប្បុរសជនទាំងក្នុងនិងក្រៅប្រទេស សរុបយ៉ាងតិចប្រហែលជា ៣សែនដុល្លារ។ ប៉ុន្ត មកដល់ពេលនេះ ក្រុមគ្រួសាររបស់លោកបណ្ឌិត កែម ឡី ពុំទាន់បានទទួលបញ្ជីឈ្មោះអ្នកចូលបច្ច័យ និងបច្ច័យពីគណៈកម្មការឡើយ...»។
ការចោទប្រកាន់និងការរៀបរាប់នូវអង្គហេតុទាំងអម្បាលម៉ានរបស់ព្រះរាជអាជ្ញារង គឺពឹងផ្អែកលើពាក្យបណ្តឹងរបស់លោក ពេជ្រ ស្រស់ ប្រធានគណបក្សយុវជនកម្ពុជា ដែលបានដាក់ពាក្យប្តឹងគណៈកម្មការរៀបចំបុណ្យលោក កែម ឡី កាលពីចុងឆ្នាំ២0១៧។
យ៉ាងណាក៏ដោយ មកដល់ពេលនេះ អ្នកទាំងបី កំពុងតែនៅក្រៅការឃុំខ្លួននៅឡើយ។ ព្រះអង្គ ប៊ុត ប៊ុនតិញ ស្ថាបនិកបណ្តាញព្រះសង្ឃឯករាជ្យ និងលោក ប៉ា ងួនទៀង នាយកប្រតិបត្តិនៃមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ ត្រូវបានគេឃើញនៅបរទេសជាច្រើនថ្ងៃហើយ។ រីឯលោក មឿន តុលា នាយកប្រតិបត្តិមជ្ឈមណ្ឌលសម្ព័ន្ធភាពការងារ និងសិទ្ធិមនុស្ស ក៏ទំនងមិននៅក្នុងស្រុកដែរ៕
Tag:
តុលាការ
ប៊ុត ប៊ុនតិញ
មឿន តុលា
ប៉ា ងួនទៀង
© រក្សាសិទ្ធិដោយ thmeythmey.com
