កីឡាអន្តរជាតិ
អន្តរជាតិ
Malcom ដែលជាគោលដៅ Arsenal ត្រូវ Bordeaux ពិន័យក្រោយបង្ហោះវីដេអូលេងសើច
× Malcom ដែលជាគោលដៅចង់បានរបស់ Arsenal ត្រូវបានក្លិប Bordeaux នៃលីកកំពូលបារាំងដាក់ពិន័យដោយសារតែរូបគេបង្ហោះវីដេអូលេងសើចប៉ះពាល់ដល់ក្លិប។
BBC បានផ្សាយថា ខ្សែប្រយុទ្ធអន្តរជាតិប្រេស៊ីល វ័យ ២០ឆ្នាំរូបនេះ ជាកីឡាករម្នាក់ក្នុងចំណោមបីនាក់ទៀតដែលស្ថិតក្នុងវីដេអូមួយដែលបង្ហោះលើបណ្តាញសង្គមដែលបង្ហាញពីការលេងសោចនៅក្រោយពេលក្រុមខ្លួនប្រកួតចាញ់ក្រុម Caen ២-០ ក្នុងក្របខណ្ឌ Ligue 1 កាលពីថ្ងៃអង្គារទី១៦ ខែមករា។
Malcom និងមិត្តរួមក្រុម Bordeaux ដែលមានសញ្ជាតិប្រេស៊ីលដូចគ្នារួមមាន Cafu និង Otavio ត្រូវរងការរិះគន់យ៉ាងខ្លាំងថាជាកីឡាករដែល «ខ្វះភាពចាស់ទុំ ខ្វះសាមគ្គីភាពនិងខ្វះការគោរពចំពោះក្លិប» បន្ទាប់ពីថតវីដេអូ Selfie សើចសប្បាយ ខណៈក្រុមទទួលបរាជ័យ។ ក្លិបបានប្រកាស់ «ថ្កោលទោសយ៉ាងខ្លាំង» ចំពោះអ្នកទាំងបី ហើយកំពុងពិចារណាដាក់ពិន័យជុំវិញអកប្បកិរិយានេះ។
Malcom ដែល Bordeaux នាំយកពី Corinthians កាលពីឆ្នាំ២០១៦ ស៊ុតបញ្ចូលទី ១៨ ក្នុងការបង្ហាញខ្លួន ៨០ដង កំពុងមានទំនាក់ទំនងផ្ទេរទៅកាន់ក្រុមកាំភ្លើងធំ Arsenal នៅខែមករានេះ។
ក្រៅពី Malcom លោក Arsen Wenger បាននិងកំពុងសម្លឹងមើលខ្សែបម្រើ Henrikh Mkhitaryan របស់ Manchester United និង Pierre-Emerick Aubameyang របស់ Borussia Dortmund មកកាន់ទឹកដី Emirate មុនពេលពេលទីផ្សារដោះដូរបិទនៅថ្ងៃទី១ ខែកុម្ភៈ ស្របពេលកីឡាករមួយចំនួនដូចជា Theo Walcott បានចាកចេញទៅ Everton ហើយ Alexis Sanchez ក៏ត្រៀមចាកចេញដែរនោះ៕
សូមទស្សនាវវីដេអូ៖
Tag:
បាល់ទាត់
Malcom
Arsenal
Bordeaux
© រក្សាសិទ្ធិដោយ thmeythmey.com