ពីនេះ ពីនោះ
ព័ត៍មានសុខភាព
ការញ៉ាំសាច់ក្រហមជាប់ទាក់ទងនឹងជំងឺមហារីកសុដន់
× យោងទៅតាមសេចក្តីរាយការណ៍របស់សារព័ត៌មាន BBC News បានឲ្យដឹងថា ការញ៉ាំ សាច់ក្រហមច្រើននៅពេលជាយុវវ័យប្រហែលជាមានការប្រឈមនឹងជំងឺមហារីកសុដន់បន្តិចបន្តួច។ រឿងនេះបានមកពីការសិក្សាដ៏ធំមួយរបស់អាមេរិក ដែលពិនិត្យទៅលើការញ៉ាំអាហារជាប្រភេទប្រូតេអ៊ីនលើគិលានុបដ្ឋាយិកាស្រីៗប្រមាណ ៩០០០០នាក់ និងកត្តាប្រឈមនឹងជំងឺមហារីកសុដន់របស់ពួកគេរយៈពេល ២០ឆ្នាំ។
តាមការសិក្សាពិមុនៗបានផ្តោតសំខាន់ទៅលើការញ៉ាំអាហារក្នុងវ័យពាក់កណ្តាល និងមនុស្សចាស់។ យ៉ាងណាមិញ ក្នុងការសិក្សានេះ អ្នកស្រាវជ្រាវបានចាប់អារម្មណ៍ទៅលើការរកឃើញនូវទំនាក់ទំនងខ្លាំក្លាមួយរវាងរបបអាហារ និងកត្តាប្រឈមនឹងជំងឺមហារីកសុដន់របស់ពួកគេលើមនុស្សវ័យកណ្តាល។
ការរកឃើញដ៏សំខាន់នោះគឺថា កាលណាញ៉ាំសាច់ក្រហមកាន់តែច្រើន ដែលវាមានទាំងសាច់កៃឆ្នៃ និងមិនកៃឆ្នៃ គឺមានជាប់ទាក់ទងនឹងការប្រឈមជំងឺមហារីកសុដន់រហូតដល់ ២២ភាគរយ។ លទ្ធផលនៃការសិក្សានេះបានណែនាំថា ស្ត្រីដែលជ្រើសរើសប្រភពនៃប្រូតេអ៊ីនដែលផ្តល់សុខភាពល្អជាងនេះដូចជាសាច់មាន់ ឬគ្រាប់សណ្តែក គឺមានថយចុះនឹងជំងឺមហារីកសុដន់ទៅវិញទេ។ ទោះបីជាយ៉ាងណាក៏ដោយ មានអំណះអំណាងមួយដែលថា ការបន្ថយការញ៉ាំសាច់ក្រហមមកត្រឹម ៧០ក្រាមក្នុងមួយសប្តាហ៍ឬតិចជាងនេះ អាចបន្ថយការប្រឈមនឹងមហារីកពោះបាន៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com