ពីនេះ ពីនោះ
«ពាន់»និង«ព័ន្ធ»មានន័យខុសគ្នាដូចម្តេច?
× ពាក្យទាំងពីរនេះមានសូរសព្ទដូចគ្នា តែន័យខុសគ្នាស្រឡះ។ «ពាន់»សំដៅដោយតួលេខ ចំនួន ១០០ ដប់ដង។ ចំណែក «ព័ន្ធ» សំដៅដោយដំណើរឆ្វាក់ប្រទាក់ជាប់គ្នា។
តាមវចនានុក្រមសម្តេចព្រះសង្ឃរាជ ជួន ណាត «ពាន់»មានន័យថា ជាចំនួនមួយដែលគិតជា ១០០ដប់ដង ស្មើនឹង ១ពាន់។ ឧទាហរណ៍៖ សំបុត្រចូលទស្សនាសួនសត្វមានតម្លៃ២ពាន់រៀល។
ចំណែក «ព័ន្ធ»មានន័យថា ចង, ជាប់, ជំពាក់, ទាក់ឆ្វាក់ប្រទាក់លើគ្នា, ជាប់គ្នា។ ឧទាហរណ៍៖ ព័ន្ធខ្សែ, ព័ន្ធសម្តី, ព័ន្ធជើង, ព័ន្ធគំនិត ជាដើម៕
© រក្សាសិទ្ធិដោយ thmeythmey.com