បទយកការណ៍ / បទសម្ភាសន៍
មូលហេតុដែលចាស់បុរាណ តម្រូវឲ្យកូនប្រុសទៅបម្រើខាងស្រី មុនរៀបអាពាហ៍ពិពាហ៍
×![]()
ដោយ: ប៉ូ សាគុន
កាលពីសម័យបុរាណមុននឹងរៀបអាពាហ៍ពិពាហ៍ឲ្យកូនរបស់ខ្លួន ឪពុកម្ដាយខាងស្រី តម្រូវឲ្យអនាគតកូនប្រសារប្រុស ទៅបម្រើការងារខ្លួនក្នុងរយៈកំណត់ណាមួយ ដើម្បីមើលចិត្តគំនិតកូនប្រសាប្រុសសិន។ ក្នុងរង្វង់ពេលមើលចិត្តគំនិតខាងប្រុសនោះ បើមានចំណុចណាមិនល្អត្រូវចិត្តអនាគតឪពុកម្ដាយក្មេក ឬប្រព្រឹត្តខុសគន្លងប្រពៃណីណាមួយ នោះគេនឹងផ្ដាច់កូនភ្លាម។ 
លោក វ៉ាយ វិបុល ជាទីប្រឹក្សាក្រសួងធម្មការនិងសាសនា ជាសមាជិកគណៈកម្មការស្រាវជ្រាវវិជ្ជាហោរាសាស្ត្រ និងទំនៀមទម្លាប់ខ្មែរ នៃគណៈកម្មាធិការជាតិរៀបចំបុណ្យជាតិនិងអន្តរជាតិ បានបកស្រាយពីដើមហេតុ ដែលនាំឲ្យខ្មែរពីដើម តម្រូវឲ្យកូនប្រសាប្រុសទៅបម្រើការងារនៅផ្ទះខ្លួនមុននឹងលើកកូនស្រីឲ្យនោះ គឺដើម្បីស្ទង់លក្ខណសម្បត្តិគ្រប់ជ្រុងជ្រោយរបស់កូនកម្លោះ។ លោក វ៉ាយ វិបុល ដែលមានចំណេះដឹងជ្រៅជ្រះខាងទំនៀមទម្លាប់ប្រពៃណីខ្មែរបុរាណនេះ បាននិយាយថា ទង្វើរបស់ចាស់បុរាណបែបនេះ ភាគច្រើនមានប្រសិទ្ធភាពខ្ពស់ក្នុងការជ្រើសរើសកូនប្រសារ ពោលគឺគូស្វាមី-ភរិយានីមួយៗ មិនសូវដែលជួបបញ្ហាលែងលះគ្នាដូចសម័យបច្ចុប្បន្នឡើយ។
សូមស្ដាប់បទសម្ភាសរវាងកញ្ញា ប៉ូ សាគុន អ្នកកាសែតនៃសារព័ត៌មានថ្មីៗ ជាមួយលោកឧទ្ទេសាចារ្យ វ៉ាយ វិបុល ខាងក្រោមនេះ៖
© រក្សាសិទ្ធិដោយ thmeythmey.com
