ជាតិ
សង្គមជាតិ
រដ្ឋាភិបាល គ្រោងដាក់តំបន់ស្នូលស្ទឹងសែនជាតំបន់រ៉ាមសារទី៥
× ភ្នំពេញ៖ រាជរដ្ឋាភិបាល គ្រោងដាក់តំបន់ស្នូលស្ទឹងសែន ក្នុងខេត្តកំពង់ធំ ជាតំបន់រ៉ាមសារទី៥។នេះបើតាមហ្វេសប៊ុកក្រសួងបរិស្ថាន។
រដ្ឋាភិបាល បានដាក់តំបន់ដីសើម៤កន្លែង ជាតំបន់រ៉ាមសារដែលមាន ផ្ទៃក្រឡា សរុប ៧៥.៩៤២ហិកតា ដែលស្ថិតនៅទីតាំងភូមិសាស្ត្រ និងប្រព័ន្ធអេកូឡូស៊ី ៣កន្លែងផ្សេងគ្នា រួមមាន តំបន់បឹងទន្លេសាប តំបន់ទន្លេមេគង្គ និងតំបន់ឆ្នេរ ។ បច្ចុប្បនេះក្រសួងបរិស្ថាន ក៏កំពុងដំណើរការរៀបចំដាក់បញ្ចូលតំបន់ស្នូលស្ទឹងសែន នៃឋបនីយជីវមណ្ឌលបឹងទន្លេសាប ដែលមានភូមិសាស្ត្រក្នុងខេត្តកំពង់ធំ ជាតំបន់រ៉ាមសារទី៥របស់កម្ពុជាផងដែរ។ ការដាក់បញ្ចូលក្នុងតំបន់រ៉ាមសារនេះ ក្នុងទិសដៅការពារនិងគ្រប់គ្រងតំបន់ដីសើម សម្រាប់ផលប្រយោជន៍មនុស្សជាតិ និងជីវចម្រុះ។
កាលពីពេលថ្មីៗនេះ កម្ពុជា បានធ្វើជាម្ចាស់ផ្ទះរៀបចំសន្និសីទថ្នាក់តំបន់ស្តីពី «និរន្តរភាពតំបន់ដី សើមជាយក្រុង»ដែលមានតំណាងបណ្តាប្រទេសហត្ថលេខីចំនួន ១៧ ចូលរួមចែករំលែកនូវបទពិសោធន៍ ពិភាក្សាអំពីបញ្ហាជាអទិភាព និងគោលនយោបាយថ្មីៗ ដើម្បីការពារ និងប្រើប្រាស់ធនធានធម្មជាតិតំបន់ដីសើមប្រកបដោយនិរន្តរភាព។
កម្ពុជា ចុះហត្ថលេខាបង្កើតអនុសញ្ញាដីសើមអន្តរជាតិ កាលពីឆ្នាំ១៩៧១ ដែលគិតមកដល់ពេលនេះ គឺជាខួបលើកទី៣៧ឆ្នាំហើយ។ គួរបញ្ជាក់ថា ពិភពលោកទើបតែប្រារព្ឋទិវាដីសើមអន្តរជាតិដំបូងកាលពីឆ្នាំ១៩៩៧ ដើម្បីលើកកម្ពស់ស្តីពីតម្លៃតំបន់ដីសើមដែលមានសារៈសំខាន់បំផុតសម្រាប់មនុស្សសត្វរុក្ខជាតិ និងភពផែនដី៕
Tag:
រដ្ឋាភិបាល
តំបន់ដីសើម
© រក្សាសិទ្ធិដោយ thmeythmey.com