ក្រសួងសុខាភិបាល បានព្យាបាលអ្នកញៀនគ្រឿងញៀនជាង៣ពាន់នាក់ ក្នុងឆ្នាំ២០១៧

ព័ត៍មានសុខភាព

សង្គមជាតិ

ក្រសួងសុខាភិបាល បានព្យាបាលអ្នកញៀនគ្រឿងញៀនជាង៣ពាន់នាក់ ក្នុងឆ្នាំ២០១៧

05, Feb 2018 , 7:59 am

រូបភាព

ដោយ:

ភ្នំពេញ៖ នៅក្នុងឆ្នាំ២០១៧ ក្រសួងសុខាភិបាល បានទទួលព្យាបាលអ្នកញៀនគ្រឿងញៀននៅទូទាំងប្រទេស ចំនួន ៣១០១នាក់ ក្នុងនោះ៩៣ភាគរយ គឺជាបុរស។ ចំនួននេះ កើនឡើងជាង១២ភាគរយៈ បើធៀបនឹងឆ្នាំ២០១៦ ។ តាមរបាយការណ៍ពីនាយកដ្ឋានសុខភាពផ្លូវចិត្ត និងការបំពានគ្រឿងញៀននៃក្រសួងសុខាភិបាល ក្នុងចំណោមជនរងគ្រោះទាំងអស់ដែលបានទទួលការព្យាបាល មានអ្នកញៀនគ្រឿងញៀនប្រភេទអំហ្វេតាមីន ២,៩៥៤នាក់ ញៀនហេរ៉ូអ៊ីន និងអាភៀនចំនួន១៤៧នាក់។

នៅឆ្នាំ២០១៧នោះដែរ ក្រសួងសុខាភិបាល បានពង្រីកសេវាព្យាបាលជំងឺផ្លូវចិត្ត និងការបំពានគ្រៀងញៀននៅតាមមូលដ្ឋានចំនួន៤១៩កន្លែង ក្នុងនោះមន្ទីរពេទ្យបង្អែកជាតិ២កន្លែង មន្ទីរពេទ្យបង្អែកខេត្ត២៤កន្លែង មន្ទីរពេទ្យបង្អែកស្រុក៧២កន្លែង និងមណ្ឌលសុខភាព ៣២១កន្លែង។ ទន្ទឹមគ្នានេះ ក្រសួងបានសហការជាមួយដៃគូដែលជាជំនាញការអន្តរជាតិ បណ្ដុះបណ្ដាលគ្រូបង្គោលថ្នាក់ជាតិ ចំនួន២១នាក់ មានជំនាញក្នុងការផ្ដល់ប្រឹក្សា ថែទាំ និងព្យាបាលអ្នកញៀនគ្រឿងញៀន៕