ជាតិ
នយោបាយជាតិ
មហាផ្ទៃ ព្រមានវិធានការច្បាប់ទៅលើមន្ត្រីអតីតCNRP ដែលនៅតែប្រើសញ្ញារដ្ឋសភា
រូបពីហ្វេសប៊ុកលោក ខៀវ សុភ័គ
×![]()
ភ្នំពេញ៖ ក្រសួងមហាផ្ទៃ ប្រាប់អតីតមន្ត្រីគណបក្សសង្គ្រោះជាតិ ឲ្យបញ្ឈប់សកម្មភាពប្រើប្រាស់សញ្ញារដ្ឋសភា លើលិខិតស្នាមផ្សេងៗ ដើម្បីបញ្ចៀសការប្រឈមមុខផ្លូវច្បាប់បន្ថែមទៀត។
អ្នកនាំពាក្យក្រសួងមហាផ្ទៃលោក ខៀវ សុភ័គ បាននិយាយថា សមត្ថកិច្ចកំពុងតាមដានលើករណីរបស់អតីតមន្ត្រីគណបក្សសង្គ្រោះជាតិ ជុំវិញការប្រើប្រាស់សញ្ញារដ្ឋសភានេះហើយ។ លោកថា ទង្វើរបស់អតីតមន្ត្រីបក្សប្រឆាំងទាំងនោះ កំពុងអនុវត្តផ្ទុយពីច្បាប់ ដែលត្រូវបញ្ឈប់សកម្មភាពជាបន្ទាន់។
ថ្លែងប្រាប់សារព័ត៌មានថ្មីៗ លោក ខៀវ សុភ័គ បានអត្ថាធិប្បាយដូច្នេះថា៖«យើងបានប្រាប់ឲ្យអគ្គស្នងការដ្ឋាននគរបាលជាតិ តាមដានលើករណីនេះ ។ ហើយវិធានការដែលយើងចាត់ការលើពួកគេនោះ មានច្រើន ដូចជាយើងអាចថាពួកគេប្រើប្រាស់លិខិតក្លែងក្លាយ ដោយពិន័យរដ្ឋបាល ឬហៅពួកគេមកអប់រំ ។ហើយបើពួកគេនៅតែបន្តសកម្មភាពផ្គើន គឺមានតែគុកប៉ុណ្ណោះ។ យើងនឹងអនុវត្តតាមច្បាប់ ប្ដឹងទៅតុលាការ ដើម្បីសុំឲ្យអនុត្តទោសលើពួកគេ២ឆ្នាំបន្ថែមទៀតជាដើម»។
ចំពោះអតីតមន្ត្រីបក្សប្រឆាំង ដែលនៅក្រៅប្រទេស ហើយប្រើប្រាស់សញ្ញារដ្ឋសភានេះវិញ លោក ខៀវ សុភ័គ ព្រមានដូច្នេះថា៖«បើក្នុងករណីចាំបាច់ យើងនឹងបដិសេធលិខិតឆ្លងដែនពួកគេ ព្រោះយើងជឿថាពួកគេ មិនមានសញ្ជាតិ២ទេ។ ដូច្នេះបើធ្វើខុសនោះ យើងនឹងចាត់ការតាមផ្លូវច្បាប់ ព្រោះអ្នកទាំងនោះ នៅតែស្ថិតនៅក្រោមច្បាប់កម្ពុជា ដែលអាចចាត់ការបាន។ ដូច្នេះដើម្បីកុំឲ្យមានបញ្ហាប្រឈមមុខផ្លូវច្បាប់ទៀត អស់លោក(មន្ត្រីCNRP) ត្រូវអនុវត្តតាមច្បាប់ឲ្យបានត្រឹមត្រូវ ព្រោះអស់លោកលែងមានសិទ្ធិស្របច្បាប់ជាតំណាងរាស្ត្រទៀតហើយ»។
កាលពីថ្ងៃទី៣០ មករាកន្លងមក លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា បានស្នើឲ្យសម្តេច ស ខេង រដ្ឋមន្ត្រីក្រសួងមហាផ្ទៃ ចាត់វិធានការលើអតីតតំណាងរាស្ត្រគណបក្សសង្គ្រោះជាតិ (CNRP) ដែលនៅតែបន្តប្រើប្រាស់រូបសញ្ញារដ្ឋសភាលើលិខិតផ្សេងៗ ក្រោមហេតុផលថា រំលោភរដ្ឋធម្មនុញ្ញ ,ច្បាប់ស្តីពីលក្ខន្តិកៈតំណាងរាស្ត្រ និងបទបញ្ជាផ្ទៃក្នុងរដ្ឋសភា។
ក្នុងលិខិតនោះ លោក ឡេង ប៉េងឡុង លើកឡើងថា អតីតតំណាងរាស្ត្រគណបក្សសង្គ្រោះជាតិ លែងជាសមាជិករដ្ឋសភាទៀតហើយ ចាប់តាំងពីគណបក្សប្រឆាំងដ៏ធំមួយនេះ ត្រូវបានតុលាការកំពូលរំលាយចោលកាលពីថ្ងៃទី១៦ ខែវិច្ឆិកា ឆ្នាំ២0១៧ ។ អគ្គលេខាធិការរដ្ឋសភា បានស្នើឡើងយ៉ាងដូច្នេះថា៖«ទង្វើនេះ ធ្វើឲ្យសាធារណជន ភាន់ច្រឡំនិងប៉ះពាល់ដល់ស្ថាប័នរដ្ឋសភា។ សូមសម្តេច ស ខេង ជួយចាត់វិធានការតាមច្បាប់»៕
អ្នកនាំពាក្យក្រសួងមហាផ្ទៃលោក ខៀវ សុភ័គ បាននិយាយថា សមត្ថកិច្ចកំពុងតាមដានលើករណីរបស់អតីតមន្ត្រីគណបក្សសង្គ្រោះជាតិ ជុំវិញការប្រើប្រាស់សញ្ញារដ្ឋសភានេះហើយ។ លោកថា ទង្វើរបស់អតីតមន្ត្រីបក្សប្រឆាំងទាំងនោះ កំពុងអនុវត្តផ្ទុយពីច្បាប់ ដែលត្រូវបញ្ឈប់សកម្មភាពជាបន្ទាន់។
ថ្លែងប្រាប់សារព័ត៌មានថ្មីៗ លោក ខៀវ សុភ័គ បានអត្ថាធិប្បាយដូច្នេះថា៖«យើងបានប្រាប់ឲ្យអគ្គស្នងការដ្ឋាននគរបាលជាតិ តាមដានលើករណីនេះ ។ ហើយវិធានការដែលយើងចាត់ការលើពួកគេនោះ មានច្រើន ដូចជាយើងអាចថាពួកគេប្រើប្រាស់លិខិតក្លែងក្លាយ ដោយពិន័យរដ្ឋបាល ឬហៅពួកគេមកអប់រំ ។ហើយបើពួកគេនៅតែបន្តសកម្មភាពផ្គើន គឺមានតែគុកប៉ុណ្ណោះ។ យើងនឹងអនុវត្តតាមច្បាប់ ប្ដឹងទៅតុលាការ ដើម្បីសុំឲ្យអនុត្តទោសលើពួកគេ២ឆ្នាំបន្ថែមទៀតជាដើម»។
ចំពោះអតីតមន្ត្រីបក្សប្រឆាំង ដែលនៅក្រៅប្រទេស ហើយប្រើប្រាស់សញ្ញារដ្ឋសភានេះវិញ លោក ខៀវ សុភ័គ ព្រមានដូច្នេះថា៖«បើក្នុងករណីចាំបាច់ យើងនឹងបដិសេធលិខិតឆ្លងដែនពួកគេ ព្រោះយើងជឿថាពួកគេ មិនមានសញ្ជាតិ២ទេ។ ដូច្នេះបើធ្វើខុសនោះ យើងនឹងចាត់ការតាមផ្លូវច្បាប់ ព្រោះអ្នកទាំងនោះ នៅតែស្ថិតនៅក្រោមច្បាប់កម្ពុជា ដែលអាចចាត់ការបាន។ ដូច្នេះដើម្បីកុំឲ្យមានបញ្ហាប្រឈមមុខផ្លូវច្បាប់ទៀត អស់លោក(មន្ត្រីCNRP) ត្រូវអនុវត្តតាមច្បាប់ឲ្យបានត្រឹមត្រូវ ព្រោះអស់លោកលែងមានសិទ្ធិស្របច្បាប់ជាតំណាងរាស្ត្រទៀតហើយ»។
កាលពីថ្ងៃទី៣០ មករាកន្លងមក លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភា បានស្នើឲ្យសម្តេច ស ខេង រដ្ឋមន្ត្រីក្រសួងមហាផ្ទៃ ចាត់វិធានការលើអតីតតំណាងរាស្ត្រគណបក្សសង្គ្រោះជាតិ (CNRP) ដែលនៅតែបន្តប្រើប្រាស់រូបសញ្ញារដ្ឋសភាលើលិខិតផ្សេងៗ ក្រោមហេតុផលថា រំលោភរដ្ឋធម្មនុញ្ញ ,ច្បាប់ស្តីពីលក្ខន្តិកៈតំណាងរាស្ត្រ និងបទបញ្ជាផ្ទៃក្នុងរដ្ឋសភា។
ក្នុងលិខិតនោះ លោក ឡេង ប៉េងឡុង លើកឡើងថា អតីតតំណាងរាស្ត្រគណបក្សសង្គ្រោះជាតិ លែងជាសមាជិករដ្ឋសភាទៀតហើយ ចាប់តាំងពីគណបក្សប្រឆាំងដ៏ធំមួយនេះ ត្រូវបានតុលាការកំពូលរំលាយចោលកាលពីថ្ងៃទី១៦ ខែវិច្ឆិកា ឆ្នាំ២0១៧ ។ អគ្គលេខាធិការរដ្ឋសភា បានស្នើឡើងយ៉ាងដូច្នេះថា៖«ទង្វើនេះ ធ្វើឲ្យសាធារណជន ភាន់ច្រឡំនិងប៉ះពាល់ដល់ស្ថាប័នរដ្ឋសភា។ សូមសម្តេច ស ខេង ជួយចាត់វិធានការតាមច្បាប់»៕
Tag:
ខៀវ សុភ័គ
CNRP
© រក្សាសិទ្ធិដោយ thmeythmey.com
