សម្តេច ហ៊ុន សែន រិះគន់មន្ត្រីដែលមិនយកច្បាប់ទៅអនុវត្ត បែរជារង់ចាំតែបទបញ្ជា

ជាតិ

សម្តេច ហ៊ុន សែន រិះគន់មន្ត្រីដែលមិនយកច្បាប់ទៅអនុវត្ត បែរជារង់ចាំតែបទបញ្ជា

13, Feb 2018 , 10:20 am

រូបភាព

ដោយ: ថ្មីៗ

ភ្នំពេញ៖ មកដល់ពេលនេះ បញ្ហាទន់ខ្សោយនៃការអនុវត្តច្បាប់ របស់មន្ត្រីរដ្ឋាភិបាល នៅតែកើតមាន។ សម្ដេចនាយករដ្ឋមន្ត្រី ហ៊ុន សែន បានមើលឃើញថា មន្ត្រីភាគច្រើន រង់ចាំអនុវត្តបទបញ្ជាពីសម្ដេច ជាងការអនុវត្តច្បាប់ឲ្យបានតឹងរឹងទៅវិញ។ សម្ដេច ហ៊ុន សែន បានលើកទិដ្ឋភាពជាក់ស្ដែង ដែលមន្ត្រីរដ្ឋាភិបាលបិទភ្នែកឲ្យឡានកែច្នៃ(តទ្រុង) ចរាចរណ៍លើដងផ្លូវនានាក្នុងទូទាំងប្រទេសកម្ពុជា មុននឹងសម្ដេចចេញបញ្ជាឲ្យចាត់វិធានការ។

ប្រមុខរដ្ឋាភិបាល បាននិយាយថា ករណីនេះជារឿងដែលមន្ត្រីអនុវត្តច្បាប់ ត្រូវចាត់វិធានការជាយូរណាស់មកហើយ ដោយមិនមែនទុកឲ្យនាយករដ្ឋមន្ត្រី ចេញបញ្ជាទើបនាំគ្នាមូលមីរអនុវត្តនោះទេ។ ក្នុងន័យនេះនាយករដ្ឋមន្ត្រី ចង់ឲ្យមន្ត្រីប្រឹងប្រែងអនុវត្តច្បាប់ល្អជាងរង់ចាំបញ្ជាសម្ដេច។

ថ្លែងក្នុងពិធីចែកសញ្ញាបត្រដល់និស្សិត សាកលវិទ្យាល័យវេស្ទើន នៅព្រឹកថ្ងៃទី១៣ កុម្ភៈនេះ សម្ដេច ហ៊ុន សែន បាននិយាយដូច្នេះថា៖«មន្ត្រីយើងមិនអនុវត្តច្បាប់ ចាំតែអនុវត្តតាមបទបញ្ជានាយករដ្ឋមន្ត្រី ទាល់តែមានបទបញ្ជាទើបនាំគ្នាធ្វើ…។ ហើយបើឈប់និយាយ ចាំមើលការអនុវត្តច្បាប់នេះ នឹងកើតជំងឺឡប់មកវិញ»។

អត្ថបទទាក់ទង

សម្ដេច ហ៊ុន សែន ព្រមានដកអភិបាលរាជធានី-ខេត្ត ដោយសារបញ្ហារថយន្តតទ្រុង

លោក ស៊ុន ចាន់ថុល ស្ដាយថវិកាដែលយកទៅជួសជុលផ្លូវ ជិត២០០លានដុល្លារក្នុងមួយឆ្នាំៗ

រដ្ឋាភិបាលខ្ចីប្រាក់ពីក្រៅប្រទេស ក្នុងមួយឆ្នាំប្រមាណ៥០០លានដុល្លារ សម្រាប់កសាងផ្លូវ

លោក ស៊ុន ចាន់ថុល ព្រមានមន្ត្រីដែលបើកដៃឲ្យរថយន្តដឹកទំនិញ ឆ្លងកាត់ស្ថានីយថ្លឹងទម្ងន់ ដោយមិនបានថ្លឹង

កាលពីពេលថ្មីៗនេះ ប្រមុខរដ្ឋាភិបាល បានចេញបញ្ជាឲ្យមន្ត្រីចាត់វិធានលើរថយន្តដឹកទំនិញធំៗ ដែលកែច្នៃខុសច្បាប់ (តទ្រុង) ដោយតម្រូវឲ្យកាត់ចំណុចកែច្នៃ មុននឹងផាកពិន័យ។ បើតាមសម្ដេច ត្រឹមរយៈពេល៣ថ្ងៃ នៃការអនុវត្តច្បាប់ លើរថយន្តកែច្នៃនេះ មានរថយន្តខុសបច្ចេកទេសមិនតិចជាង៥០០គ្រឿងឡើយ។ បន្ថែមពីនេះសម្ដេច ប្រាប់ឲ្យមន្ត្រីទាំងអស់ ចាត់វិធានការលើកន្លែងទទួលកែច្នៃរថយន្តខុសបច្ចេកទេសនេះផងដែរ៕