ពីនេះ ពីនោះ
ព័ត៍មានសុខភាព
ឈឺបំពង់កនឹងបាត់បើប្រើវិធីនេះ
× ការឈឺបំពង់កអាចជាសញ្ញាដំបូងនៃជំងឺផ្តាសាយ ផលរំខាននៃការប្រើសម្លេងនិយាយច្រើនពេក ឬជាការបញ្ជាក់ថា មានអ្វីមួយគ្រោះថ្នាក់ធ្ងន់ធ្ងរដូចជាការបង្ករោគដោយបាក់តេរីក្នុងបំពង់ក។
ខាងក្រោមនេះគឺជាការព្យាបាលដោយខ្លួនឯងមួយចំនួនដែលអ្នកអាចធ្វើបាននៅពេលជួបអាការៈឈឺបំពង់កនៅពេលក្រោយៗទៀត។
ខ្ពុរទឹកអំបិល
ការសិក្សាជាច្រើនបានរកឃើញថា ការខ្ពុរទឹកអំបិលច្រើនដងក្នុងមួយថ្ងៃអាចជួយបន្ថយការហើមក្នុងបំពង់ក និងពង្រាវស្លេស្ម និងបញ្ចេញចោលនូវសារធាតុបង្កការរលាក ឬបាក់តេរីមកខាងក្រៅបានទៀត។
សេរ៉ូក្អក
ទោះបីជាអ្នកមិនទាន់ចេញជាអាការៈក្អកក៏ដោយ សេរ៉ូក្អកអាចជួយបំបាត់ការឈឺចាប់ដែរ។
បើសិនជាអ្នកត្រូវទៅធ្វើការ ចូរជ្រើសរើសផលិតផលណាដែលមិនធ្វើឲ្យងងុយគេង។
ទឹក
ការដែលបង្គ្រប់ជាតិទឹកក្នុងខ្លួនគ្រប់គ្រាន់គឺជារឿងសំខាន់បំផុត ជាពិសេសនៅពេលអ្នកកំពុងតែឈឺ ហើយបំពង់កកំពុងតែរងការរលាកតែម្តង។
តែ
តែឬសឈើក្តៅឧណ្ហៗមួយពែងអាចផ្តល់នូវការធូរស្រាលពេលឈឺបំពង់ក។ ក្រៅពីនេះតែ មានអង់ទីអុកស៊ីដង់ដែលអាចពង្រឹងដល់ប្រព័ន្ធភាពស៊ាំ និងប្រឆាំងនឹងការបង្ករោគបាន។ ដើម្បីបង្កើនការព្យាបាល យកល្អគួរតែលាយទឹកឃ្មុំបន្ថែមមួយស្លាបព្រាកាហ្វេទៀត។
ស៊ុបមាន់
ស៊ុបមាន់ត្រូវបានគេចាត់ទុកថាជាវិធីព្យាបាលជំងឺផ្តាសាយដ៏ចំណាស់មួយ តែវាក៏អាចជួយឲ្យធូរស្រាលដល់ការឈឺបំពង់កដែរ។ ជាតិសូដ្យូមដែលមានក្នុងឆ្អឹងស៊ុបមាន់ប្រហែលជាមានសមត្ថភាពប្រឆាំងនឹងការរលាក ហើយអាចធ្វើឲ្យមានអារម្មណ៍ល្អថែមទៀត។
ការសម្រាក
វាប្រហែលជាមិនមែនជាមធ្យោបាយដ៏លឿនបំផុតទេ តែការដែលគេងបានគ្រប់គ្រាន់ប្រហែលជារឿងដ៏ល្អបំផុតដែលអ្នកអាចធ្វើបានដើម្បីប្រឆាំងនឹងការបង្ករោគដែលធ្វើឲ្យឈឺបំពង់ក។ ភាគច្រើននៃការឈឺបំពង់ករបង្កឡើងដោយវីរុស ហើយយើងដឹងថា ការបង្ករោគបែបនេះមិនអាចប្រើអ្វីច្រើនដើម្បីព្យាបាលបានទេ។ តែចូរប្រាកដថា រាងកាយអ្នកមានការសម្រាកគ្រប់គ្រាន់ ព្រោះវាយ៉ាងហោចណាស់ក៏អាចជួយឲ្យជំងឺឆាប់ជាវិញដែរ។
ថ្នាំបំបាត់ឈឺបំពង់ក
ការព្យាបាលដ៏មានប្រសិទ្ធភាពបំផុតមួយសម្រាប់ការឈឺបំពង់កគឺជាជាការយកថ្នាំដូចជា ថ្នាំ កាល់សិបទីន។ ថ្នាំកាល់សិបទីននឹងជួយបន្ថយការឈឺកនិងជួយព្យាបាលជំងឺពងបែកក្នុងមាត់ផងដែរ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com