ពីនេះ ពីនោះ
ព័ត៍មានសុខភាព
ផ្សិតប្រហែលជាជួយដល់ការបាក់ទឹកចិត្តរបស់ខួរក្បាលបាន
× យោងទៅតាមសេចក្តីរាយការណ៍ពីសារព័ត៌មាន Daily Telegraph បានឲ្យដឹងថា ផ្សិតវេទមន្តអាចកែប្រែខួរក្បាលដើម្បីព្យាបាលការបាក់ទឹកចិត្តវិញបាន។ ដំណឹងនេះគឺផ្ងែកទៅលើការសិក្សាដ៏តូចមួយរបស់អង់គ្លេសដែលពិនិត្យទៅលើឥទ្ធិពលនៃសារធាតុ Psilocybin ដែលមានក្នុងផ្សិតវេទមន្ត លើអ្នកជំងឺបាក់ទឹកចិត្តធ្ងន់ធ្ងរ។
អ្នកជំងឺទាំង ១៩នាក់និយាយថា ការបាក់ទឹកចិត្តរបស់ពួកគេមានភាពធូរស្រាលក្រោយពីញ៉ាំសារធាតុ Psilocybin ហើយស្ទើរតែពាក់កណ្តាលហើយដែលនិយាយថា ពួកគេនៅតែមានអារម្មណ៍ថាអត្ថប្រយោជន៍មួយនេះនៅតែបន្តដល់រយៈពេល ៥ខែក្រោយទៀត។ ទោះបីជាយ៉ាងណាក៏ដោយ ការសិក្សាមិនបានបញ្ចូលនូវក្រុមដើម្បីប្រៀបធៀបគ្នាឡើយ ដូច្នេះវាអាចពិបាកនឹងដឹងថាតើអត្ថប្រយោជន៍នេះអាចបង្កឡើងដោយសារធាតុនេះឬអត់ណាស់។
អ្នកស្រាវជ្រាវជឿជាក់ថា សារធាតុ Psilocybin ជួយដល់ការប្រែប្រួលរបៀបដែលសរសៃប្រសាទធ្វើទំនាក់ទំនងគ្នាក្នុងខួរក្បាល ដែលអាចរំខានដល់ការគិតអវិជ្ជមានបានយ៉ាងច្រើន។ អ្នកដឹកនាំការសិក្សានេះបានដាក់បម្រាមថា អ្នកដែលបាក់ទឹកចិត្តមិនគួរណាព្យាយាមប្រើថ្នាំ Psilocybin ឬ ថ្នាំ Psychedelic ផ្សេងៗទៀតក្នុងការព្យាបាលខ្លួនឯងឡើយ។
សារធាតុ Psilocybin និងផ្សិតដែលផ្ទុកសារធាតុនេះគឺជារបស់មិនស្របច្បាប់ទេ ដែលគេលក់នៅក្នុងប្រទេសអង់គ្លេស។ វាអាចមានគ្រោះថ្នាក់បានគ្រប់ពេលបើសិនជាប្រើប្រាស់ដោយគ្មានការគាំទ្រខាងផ្នែកវេជ្ជសាស្ត្រត្រឹមត្រូវ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com