ជាតិ
សេដ្ឋកិច្ច
តើអ្វីជាកម្មសិទ្ធិបញ្ញា (IP)?
× កម្មសិទ្ធិបញ្ញា (Intellectual Property) ដែលហៅកាត់ថា IP សំដៅទៅលើការបង្កើតដោយគំនិតបញ្ញា ដូចជា តក្កកម្ម ស្នាដៃអក្សរសាស្ត្រនិងសិល្បៈ និមិត្តិសញ្ញា រូបភាព និង គំនូរ ដែលត្រូវបានប្រើប្រាស់នៅក្នុងពាណិជ្ជកម្ម។
បើតាមការពន្យល់បន្ថែមពីសំណាក់លោក Peter Willimott មន្ត្រីជាន់ខ្ពស់ផ្នែកកម្មវិធីរបស់អង្គការកម្មសិទ្ធិបញ្ញាពិភពលោក (WIPO) ប្រចាំការិយាល័យនៅប្រទេសសិង្ហបុរី IP ប្រៀបដូចជាពាក្យ «កីឡា» យ៉ាងដូច្នោះដែរ ដោយក្នុងនោះកីឡាមានច្រើនប្រភេទដូចជា បាល់ទាត់ វាយកូនបាល់ វាយកូនគោល បាល់ឱប ឬបាល់បោះជាដើម។
IP ត្រូវបានបែងចែកជាពីរប្រភេទគឺ កម្មសិទ្ធិឧស្សាហកម្ម (Industrial Property) សិទ្ធិអ្នកនិពន្ធ និងសិទ្ធិប្រហាក់ប្រហែល (Copyright and R elated Rights)។
កម្មសិទ្ធិឧស្សាហកម្ម រួមមាន ប្រកាសនីយបត្រតក្កកម្ម (Patent) ម៉ាក/សញ្ញាពាណិជ្ជកម្ម (Trademark) គំនូរឧស្សាហកម្ម (Industrial Designs) និងម៉ាកសម្គាល់ភូមិសាស្ដ្រទំនិញ (Geographical Indication-GI) ។ល។
ចំណែកឯសិទ្ធិអ្នកនិពន្ធ (Copyright) រួមមានស្នាដៃ អក្សរសាស្ត្រ និងសិល្បៈទាំងឡាយដូចជារឿងប្រលោមលោក កំណាព្យ និងល្ខោន ភាពយន្ត ស្នាដៃតន្ត្រី គំនូរ រូបថត ចម្លាក់ និងស្ថាបត្យកម្មជាដើម។
សិទិ្ធប្រហាក់ប្រហែល (R elated Rights) គឺសំដៅទៅលើសិទ្ធិរបស់អ្នកសម្តែង ផលិតករហ្វូណូក្រាម និងអង្គភាពទូរផ្សាយ៕
ប្រភព៖ នាយកដ្ឋានកម្មសិទ្ធិបញ្ញា នៃក្រសួងពាណិជ្ជកម្ម និងអង្គការ WIPO
Tag:
WIPO
IP
កម្មសិទ្ធិបញ្ញា
© រក្សាសិទ្ធិដោយ thmeythmey.com