កីឡាជាតិ
ជាតិ
រត់ភ្លើងគប់បើកកីឡាជាតិឆ្នាំនេះ គ្រោងធ្វើឲ្យដូចទម្រង់នៃប្រវត្តិបើកកីឡាអូឡាំពិក
×![]()
បើយោងតាមគណៈកម្មាធិការជាតិអូឡាំពិកកម្ពុជា ពិធីរត់ភ្លើងគប់បើកការប្រកួតកីឡាជាតិនៅឆ្នាំនេះ គ្រោងធ្វើឲ្យត្រូវតាមទម្រង់នៃប្រវត្តិបើកការប្រកួតកីឡាអូឡាំពិក។ ក្នុងន័យនេះព្រះមហាក្សត្រកម្ពុជាព្រះបាទ នរោត្តម សីហមុនី នឹងថ្វាយព្រះភ្លើងគប់នៅឆ្នាំនេះ។ តែយ៉ាងណា គម្រោងនេះ ពុំទាន់ទទួលបានការអនុញ្ញាតពីព្រះបរមរាជវាំង ក៏ដូចជារាជរដ្ឋាភិបាលកម្ពុជានៅឡើយទេ។
គណៈកម្មាធិការជាតិអូឡាំពិកកម្ពុជា ដែលទទួលបន្ទុកផ្នែកពិធីបើក និងបិទកីឡាជាតិ គ្រោងរៀបចំពិធីរត់ភ្លើងគប់បើកការប្រកួតកីឡាជាតិលើកទី២ឆ្នាំនេះ ឲ្យមានលំនាំដូចនឹងប្រវត្តិនៃពិធិបើកការប្រកួតកីឡាអូឡាំពិក។ បើដូច្នេះមែន ព្រះមហាក្សត្រកម្ពុជាព្រះបាទ នរោត្តម សីហមុនី នឹងថ្វាយព្រះភ្លើងគប់សម្រាប់ការបើកកីឡាជាតិនៅឆ្នាំនេះ។ ព្រោះបើតាមប្រវត្តិកីឡាអូឡាំពិកភ្លើងគប់កើតចេញពីព្រះអាទិត្យ ដែលគេចាត់ទុកជាអង្គព្រះអាទិទេព តាមជំនឿព្រហ្មញ្ញសាសនា។
ផ្តល់បទសម្ភាសដល់សារព័ត៌មាន thmeythmey.com លោក វ៉ាត់ ចំរើន អគ្គលេខាធិការ NOCC បានរៀបរាប់យ៉ាងដូច្នេះថា៖«ការរត់ភ្លើងគប់បើកកីឡាជាតិឆ្នាំនេះ យើងគ្រោងធ្វើឲ្យត្រូវទម្រង់នៃប្រវត្តិកីឡាអូឡាំពិក។ កីឡាអូឡាំពិកគេយកភ្លើងអាទិទេពពីព្រះអាទិត្យ ហើយនៅកម្ពុជាអង្គព្រះមហាក្សត្រជាអង្គព្រះអាទិទេព ដូច្នេះយើងត្រូវទៅសុំភ្លើងពីព្រះអង្គ នៅព្រះបរមរាជវាំងរួចរត់ទៅកាន់ពហុកីឡដ្ឋានជាតិ ដែលជាកន្លែងរៀបចំពិធីបើក»។
លោកបានបន្តថា ការដុតភ្លើងគប់នៅឆ្នាំនេះមានលក្ខណៈប្លែកនិងអស្ចារ្យជាងលើកមុន ដោយកីឡាករមិនបាច់រត់ទៅដុតដោយផ្ទាល់ដូចលើកមុននោះទេ គ្រាន់តែដុតកាំជ្រួចដែលរៀបចំដោយអ្នកជំនាញ រួចហើយកាំជ្រួចនោះនឹងរត់នៅដុតភ្លើងគប់បើកការប្រកួតកីឡាជាតិដោយស្វ័យប្រវត្តិតែម្តង។
ប៉ុន្តែគម្រោងរត់ភ្លើងគប់ពីមុខព្រះបរមរាជវាំងមកកាន់ពហុកីឡដ្ឋានជាតិ មិនទាន់លេចចេញជារូបរាងផ្លូវការនៅឡើយទេ ព្រោះគម្រោងនេះមិនទាន់ទទួលបានការអនុញ្ញាតពីព្រះបរមរាជវាំង ក៏ដូចជារាជរដ្ឋាភិបាលកម្ពុជានៅឡើយ។
សម្រាប់ការប្រកួតកីឡាជាតិលើកទី១កាលពីឆ្នាំ២០១៦ សម្តេចនាយករដ្ឋមន្ត្រី ហ៊ុន សែន បានប្រគល់ភ្លើងគប់ឲ្យអតីតកីឡាករ និងកីឡាករឆ្នើមកម្ពុជា ដើម្បីដុតភ្លើងគប់បើកការប្រកួតនៅពហុកីឡដ្ឋានជាតិ។ សម្តេច ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ក៏នឹងធ្វើជាអធិបតីក្នុងពិធីបើកការប្រកួតកីឡាជាតិនៅឆ្នាំនេះផងដែរ។
កីឡាជាតិលើកទី២នឹងប្រព្រឹត្តទៅចាប់ពីថ្ងៃទី២៥ ឧសភា ដល់ថ្ងៃទី៦ មិថុនា ឆ្នាំ២០១៨ ដោយថ្នាក់ដឹកនាំកីឡាកម្ពុជាកំណត់យក២៧ប្រភេទកីឡាចូលរួម ដែលចំនួនមានការកើនឡើងជិតពាក់កណ្តាលបើធៀបនឹងឆ្នាំមុនមាន១៥ប្រភេទកីឡា៕
គណៈកម្មាធិការជាតិអូឡាំពិកកម្ពុជា ដែលទទួលបន្ទុកផ្នែកពិធីបើក និងបិទកីឡាជាតិ គ្រោងរៀបចំពិធីរត់ភ្លើងគប់បើកការប្រកួតកីឡាជាតិលើកទី២ឆ្នាំនេះ ឲ្យមានលំនាំដូចនឹងប្រវត្តិនៃពិធិបើកការប្រកួតកីឡាអូឡាំពិក។ បើដូច្នេះមែន ព្រះមហាក្សត្រកម្ពុជាព្រះបាទ នរោត្តម សីហមុនី នឹងថ្វាយព្រះភ្លើងគប់សម្រាប់ការបើកកីឡាជាតិនៅឆ្នាំនេះ។ ព្រោះបើតាមប្រវត្តិកីឡាអូឡាំពិកភ្លើងគប់កើតចេញពីព្រះអាទិត្យ ដែលគេចាត់ទុកជាអង្គព្រះអាទិទេព តាមជំនឿព្រហ្មញ្ញសាសនា។
ផ្តល់បទសម្ភាសដល់សារព័ត៌មាន thmeythmey.com លោក វ៉ាត់ ចំរើន អគ្គលេខាធិការ NOCC បានរៀបរាប់យ៉ាងដូច្នេះថា៖«ការរត់ភ្លើងគប់បើកកីឡាជាតិឆ្នាំនេះ យើងគ្រោងធ្វើឲ្យត្រូវទម្រង់នៃប្រវត្តិកីឡាអូឡាំពិក។ កីឡាអូឡាំពិកគេយកភ្លើងអាទិទេពពីព្រះអាទិត្យ ហើយនៅកម្ពុជាអង្គព្រះមហាក្សត្រជាអង្គព្រះអាទិទេព ដូច្នេះយើងត្រូវទៅសុំភ្លើងពីព្រះអង្គ នៅព្រះបរមរាជវាំងរួចរត់ទៅកាន់ពហុកីឡដ្ឋានជាតិ ដែលជាកន្លែងរៀបចំពិធីបើក»។
លោកបានបន្តថា ការដុតភ្លើងគប់នៅឆ្នាំនេះមានលក្ខណៈប្លែកនិងអស្ចារ្យជាងលើកមុន ដោយកីឡាករមិនបាច់រត់ទៅដុតដោយផ្ទាល់ដូចលើកមុននោះទេ គ្រាន់តែដុតកាំជ្រួចដែលរៀបចំដោយអ្នកជំនាញ រួចហើយកាំជ្រួចនោះនឹងរត់នៅដុតភ្លើងគប់បើកការប្រកួតកីឡាជាតិដោយស្វ័យប្រវត្តិតែម្តង។
ប៉ុន្តែគម្រោងរត់ភ្លើងគប់ពីមុខព្រះបរមរាជវាំងមកកាន់ពហុកីឡដ្ឋានជាតិ មិនទាន់លេចចេញជារូបរាងផ្លូវការនៅឡើយទេ ព្រោះគម្រោងនេះមិនទាន់ទទួលបានការអនុញ្ញាតពីព្រះបរមរាជវាំង ក៏ដូចជារាជរដ្ឋាភិបាលកម្ពុជានៅឡើយ។
សម្រាប់ការប្រកួតកីឡាជាតិលើកទី១កាលពីឆ្នាំ២០១៦ សម្តេចនាយករដ្ឋមន្ត្រី ហ៊ុន សែន បានប្រគល់ភ្លើងគប់ឲ្យអតីតកីឡាករ និងកីឡាករឆ្នើមកម្ពុជា ដើម្បីដុតភ្លើងគប់បើកការប្រកួតនៅពហុកីឡដ្ឋានជាតិ។ សម្តេច ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ក៏នឹងធ្វើជាអធិបតីក្នុងពិធីបើកការប្រកួតកីឡាជាតិនៅឆ្នាំនេះផងដែរ។
កីឡាជាតិលើកទី២នឹងប្រព្រឹត្តទៅចាប់ពីថ្ងៃទី២៥ ឧសភា ដល់ថ្ងៃទី៦ មិថុនា ឆ្នាំ២០១៨ ដោយថ្នាក់ដឹកនាំកីឡាកម្ពុជាកំណត់យក២៧ប្រភេទកីឡាចូលរួម ដែលចំនួនមានការកើនឡើងជិតពាក់កណ្តាលបើធៀបនឹងឆ្នាំមុនមាន១៥ប្រភេទកីឡា៕
Tag:
កីឡាជាតិលើកទី២
វ៉ាត់ ចំរើន
រត់ភ្លើងគប់
© រក្សាសិទ្ធិដោយ thmeythmey.com
