កីឡាការិនីគុនខ្មែរ នៅ ស្រីពៅ ឈ្នះម្ចាស់ផ្ទះមីយ៉ាន់ម៉ាក្នុង World Lethwei Championship

កីឡាជាតិ

ជាតិ

កីឡាការិនីគុនខ្មែរ នៅ ស្រីពៅ ឈ្នះម្ចាស់ផ្ទះមីយ៉ាន់ម៉ាក្នុង World Lethwei Championship

21, Feb 2018 , 12:01 pm

រូបភាព

កីឡាការិនីគុនខ្មែរ នៅ ស្រីពៅ អបអរក្រោយឈ្នះកីឡាការិនីម្ចាស់ផ្ទះមីយ៉ាន់ម៉ា

ដោយ: ថ្មីៗ

កីឡាការិនីគុនខ្មែរ នៅ ស្រីពៅ បានយកឈ្នះកីឡាការិនីមីយ៉ាន់ម៉ា Shwe Sin Min ដោយពិន្ទុ ក្នុងការប្រកួតអមព្រឹត្តិការណ៍ជើងឯក World Lethwei Championship នៅទីក្រុងយ៉ាំងហ្គោន ប្រទេសមីយ៉ាន់ម៉ា កាលពីចុងសប្តាហ៍កន្លងមក។

នៅ ស្រីពៅ បានក្លាយជាកីឡាការិនីដំបូងរបស់កម្ពុជា ដែលបានទទួលជ័យជម្នះក្នុង ព្រឹត្តិការណ៍ប្រដាល់តាមក្បួនច្បាប់មីយ៉ាន់ម៉ា ដែលរៀបចំដោយសមាគម World Lethwei Championship (WLC) នៅមីយ៉ាន់ម៉ា តាមរយៈការយកឈ្នះកីឡាការិនីម្ចាស់ផ្ទះ Shwe Sin Min។

ជំនួបរវាង ស្រីពៅ និង Sin Min ស្ថិតនៅក្នុងការប្រកួតអមជំនួបដណ្តើមខ្សែក្រវាត់ រវាងកីឡាករមីយ៉ាន់ម៉ា Too Too និងកីឡាករអ៊ុយក្រែន Vasyl Sorokin។ ជាលទ្ធផល កីឡាករម្ចាស់ផ្ទះរក្សាបានជើងឯក Middleweight World Lethwei Championship របស់ខ្លួន ក្រោមការសម្រេចក្តីជាឯកច្ឆន្ទ។

រីឯជំនួបផ្សេងទៀត Lethee Moe ឈ្នះ Thway Thi Maung នៅទឹកទី៤ Saw Darwait បំបាក់ Pat Kyaw Lin Naing នៅទឹកទី១ Ba Htoo Maung ចាញ់ Kyaw Zin Latt នៅទឹកទី៣ ខណៈ Chit Maung Maung និង Saw Ba Oo ទទួលជោគជ័យដោយពិន្ទុរៀងៗខ្លួនលើ Sithu និង Tha Pyay Nyo៕