ជាតិ
ប្រមុខរដ្ឋាភិបាល ព្រមានចលនាសង្គ្រោះជាតិថា ចេញម្នាក់ វាយម្នាក់ ចេញពីរនាក់វាយពីរនាក់
សម្តេច ហ៊ុន សែន និងលោក សម រង្ស៊ី នាជំនួបនៅរដ្ឋសភា កាលពីថ្ងៃទី២៨ ខែកុម្ភៈ ឆ្នាំ២០០៦ ។ រូបថត AFP
×![]()
ដោយ: ម៉ៅ សុផា
ភ្នំពេញ៖ សម្តេចនាយករដ្ឋមន្ត្រី ប្រកាសថា សមាជិកឬអ្នកគាំទ្រនៃចលនាសង្គ្រោះជាតិ ច្បាស់ជារងនូវការបង្ក្រាបជាមិនខាន បើបញ្ចេញសកម្មភាពនៅប្រទេសកម្ពុជា។ ប្រធានចលនាសង្គ្រោះជាតិ បានសម្តែងក្តីបារម្ភ ហើយបានផ្ញើសារមកកាន់អ្នកគាំទ្រថា មិនត្រូវបញ្ចេញអត្តសញ្ញាណឡើយ ដើម្បីធានាសុវត្ថិភាពផ្ទាល់ខ្លួន។
ដោយមិនបញ្ឆិតបញ្ឆៀង សម្តេច ហ៊ុន សែន ប្រមុខរដ្ឋាភិបាល និងជាប្រធានគណបក្សប្រជាជនកម្ពុជា បានព្រមានចំៗតែម្តងថា ចលនាសង្គ្រោះជាតិ ដែលស្ថិតនៅក្រោមការដឹកនាំរបស់លោក សម រង្ស៊ី នឹងរងនូវការកម្ទេចចោល ប្រសិនបើមានសកម្មភាពណាមួយកើតឡើងនៅក្នុងប្រទេសកម្ពុជា។ ប្រមុខរដ្ឋាភិបាល ថ្លែងការពារថា ការធ្វើបែបនេះ មិនមែនជាការគាបសង្កត់នូវសិទ្ធិសេរីភាពនោះទេ ប៉ុន្តែ វា ជាការប្រុងប្រយ័ត្នចំពោះអង្គការខុសច្បាប់ ដែលអាចបង្កអសន្តិសុខដល់ប្រទេសជាតិ។
ក្នុងពិធីជួបសំណាលសំណាលជាមួយកម្មករ-កម្មការិនីដូចសព្វដង ដែលរៀបចំឡើងនៅតំបន់វត្តទឹកថ្លា នាព្រឹកថ្ងៃទី២១ ខែកុម្ភៈ ឆ្នាំ២0១៨ ប្រធានគណក្សប្រជាជនកម្ពុជារូបនេះ បានព្រមានធ្ងន់ៗទៅកាន់ចលនាសង្គ្រោះជាតិយ៉ាងដូច្នេះថា៖«ឃើញមួយវាយមួយ ឃើញពីរវាយពីរ។ ប្រាប់ឲ្យហើយទៅ កុំចេញមុខឲ្យសោះ។ ឲ្យតែចេញមក គឺត្រូវហើយ។ នេះជាអង្គការភេរវកម្ម ដែលបំផ្លាញជាតិ»។
ក្រោយព្រមានរួចហើយ ប្រធានគណបក្សកាន់អំណាច ក៏ព្រលយសាជាថ្មីថា ផ្លូវល្អសម្រាប់អតីតក្រុមអ្នកប្រឆាំងនាពេលនេះ គឺមានតែរួមគ្នាបង្កើតគណបក្សថ្មីមួយ ហើយចូលរួមក្នុងការបោះឆ្នោត។ ប៉ុន្តែ អតីតថ្នាក់ដឹកនាំទាំង១១៨នាក់នៃគណបក្សប្រឆាំង ដែលត្រូវបានតុលាការ បិទសិទ្ធិនយោបាយ រួមទាំងអ្នកផ្សេងទៀត ដែលកំពុងមានទោសទណ្ឌ ប្រហែលជាមិនអាចបង្កើតគណបក្សបានឡើយ។
សម្តេច ហ៊ុន សែន និយាយក្នុងន័យបើកផ្លូវឲ្យអតីតក្រុមអ្នកប្រឆាំងដែលនៅមានសិទ្ធិធ្វើនយោបាយបែបនេះថា៖«បើអ្នកឯងពូកែ មកនាំគ្នាធ្វើគណបក្ស ហើយចូលរួមបោះឆ្នោតទៅ។ បើមិនចូលទេ ក៏មិនមែនមុខដូចម៉ែខ្ញុំដែរ។ ចង់ព្រាត់ប្រាសទៅណា ក៏ទៅទៅ។ ចង់មក ក៏មកទៅ»។
លោក សម រង្ស៊ី អតីតប្រធានគណបក្សសង្គ្រោះជាតិ និងបច្ចុប្បន្នជាប្រធានចលនាសង្គ្រោះជាតិ បានប្រកាសថា ចលនាសង្គ្រោះជាតិ មានការគាំទ្រពីប្រជាពលរដ្ឋខ្មែរទាំងក្នុងនិងក្រៅប្រទេស រួមទាំងសហគមន៍អន្តរជាតិផងដែរ។ ប៉ុន្តែ លោក អំពាវនាវឲ្យអ្នកគាំទ្រ សមាជិក រហូតដល់ថ្នាក់ដឹកនាំនៃគណបក្សសង្គ្រោះជាតិនៅក្នុងប្រទេសកម្ពុជា រក្សាភាពស្ងៀមស្ងាត់ ដោយមិនត្រូវបញ្ចេញសកម្មភាព ឬបង្ហាញមុខនោះទេ។ ចំពោះលោក ការមិនចេញមុខមាត់បែបនេះ អាចការពារសុវត្ថិភាពរបស់ពួកគេបាន។
លោក សម រង្ស៊ី បានសរសេរសារលើទំព័រហ្វេសប៊ុកនាពេលកន្លងមកយ៉ាងដូច្នេះ«សូមថ្នាក់ដឹកនាំសំខាន់ៗ កុំប្រកាសគាំទ្រ ចំពោះចលនាសង្គ្រោះជាតិ ដើម្បីធានាសុវត្ថិភាព និងប្រសិទ្ធភាពការងារ ដែលត្រូវរៀបចំជាបណ្តាញនៅទូទាំងប្រទេសកម្ពុជា។ មិនចាំបាច់បញ្ចេញមុខ និងបញ្ចេញឈ្មោះជាសាធារណៈនោះទេ»។
លោក សម រង្ស៊ី ក៏ធ្លាប់ឆ្លើយតបមកកាន់សម្តេច ហ៊ុន សែន និងថ្នាក់ដឹកនាំកម្ពុជាវិញដែរ ថាលោក មិនមែនជាភេរវករ នោះទេ។ អតីតប្រធានគណបក្សប្រឆាំងរូបនេះ បានផ្តល់ហេតុផលបែបនេះថា៖«បើខ្ញុំជាភេរវករ និងជាមនុស្សឧទ្ទាម មែននោះ មិនមែនប្រជាពលរដ្ឋខ្មែរគ្រប់មជ្ឍដ្ឋាន សាទរវត្តមានរបស់ខ្ញុំទេ ជាពិសេសនៅតាមវត្តអារាមខ្មែរទូទាំងពិភពលោក ហើយក៏មិនមែនឥស្សរជននៅគ្រប់ប្រទេស គោរពខ្ញុំដែរ នៅពេលខ្ញុំទៅធ្វើទស្សនកិច្ច»។
លោក សម រង្ស៊ី បកស្រាយទៅកាន់អ្នកគាំទ្រថា គណបក្សសង្គ្រោះជាតិ ត្រូវជាប់គាំង ដោយមិនអាចធ្វើកិច្ចការអ្វីបានទាំងអស់ ក្រោយពីរងការរំលាយចោលកាលពីថ្ងៃទី១៦ ខែវិច្ឆិកា ឆ្នាំ២0១៧។ នេះជាមូលហេតុ ដែលជំរុញឲ្យលោក បង្កើតចលនាសង្គ្រោះជាតិ ដើម្បីបន្តធ្វើសកម្មភាពនយោបាយ និងជំរុញឲ្យសហគមន៍អន្តរជាតិ ដាក់ទណ្ឌកម្មបន្ថែមមកលើរដ្ឋាភិបាលកម្ពុជា។
លោក ប្រកាសជារឿយៗថា គោលបំណងរបស់ចលនាសង្គ្រោះជាតិ គឺដើម្បីទាមទារឲ្យដោះលែងលោក កឹម សុខា និងបើកផ្លូវឲ្យគណបក្សសង្គ្រោះជាតិ ធ្វើសកម្មភាពឡើងវិញ ដើម្បីបានចូលរួមក្នុងការបោះឆ្នោតនៅឆ្នាំ២0១៨។
ចាប់តាំងពីត្រូវបានបង្កើតឡើង ចលនាសង្គ្រោះជាតិ បានរងនូវការគំរាមជាបន្តបន្ទាប់ពីសំណាក់មន្ត្រីជាន់ខ្ពស់ជាច្រើនរបស់រដ្ឋាភិបាលកម្ពុជា រាប់ទាំងមេទ័ព និងមេនគរបាល។ មិនខុសពីប្រមុខរដ្ឋាភិបាល មេទ័ពនិងមេនគរបាលទាំងនោះ ក៏ចាត់ទុកចលនាសង្គ្រោះជាតិ ថាជាក្រុមឧទ្ទាមដែរ។ ក្រសួងមហាផ្ទៃ ដែលតំណាងឲ្យរដ្ឋាភិបាល បានដាក់បណ្តឹងទៅកាន់តុលាការ ដើម្បីប្តឹងមេដឹកនាំ និងសមាជិកនៃចលនានេះ។ បច្ចុប្បន្ន តុលាការកំពុងចាត់ការ តាមពាក្យបណ្តឹងរបស់ក្រសួងមហាផ្ទៃ៕
ដោយមិនបញ្ឆិតបញ្ឆៀង សម្តេច ហ៊ុន សែន ប្រមុខរដ្ឋាភិបាល និងជាប្រធានគណបក្សប្រជាជនកម្ពុជា បានព្រមានចំៗតែម្តងថា ចលនាសង្គ្រោះជាតិ ដែលស្ថិតនៅក្រោមការដឹកនាំរបស់លោក សម រង្ស៊ី នឹងរងនូវការកម្ទេចចោល ប្រសិនបើមានសកម្មភាពណាមួយកើតឡើងនៅក្នុងប្រទេសកម្ពុជា។ ប្រមុខរដ្ឋាភិបាល ថ្លែងការពារថា ការធ្វើបែបនេះ មិនមែនជាការគាបសង្កត់នូវសិទ្ធិសេរីភាពនោះទេ ប៉ុន្តែ វា ជាការប្រុងប្រយ័ត្នចំពោះអង្គការខុសច្បាប់ ដែលអាចបង្កអសន្តិសុខដល់ប្រទេសជាតិ។
ក្នុងពិធីជួបសំណាលសំណាលជាមួយកម្មករ-កម្មការិនីដូចសព្វដង ដែលរៀបចំឡើងនៅតំបន់វត្តទឹកថ្លា នាព្រឹកថ្ងៃទី២១ ខែកុម្ភៈ ឆ្នាំ២0១៨ ប្រធានគណក្សប្រជាជនកម្ពុជារូបនេះ បានព្រមានធ្ងន់ៗទៅកាន់ចលនាសង្គ្រោះជាតិយ៉ាងដូច្នេះថា៖«ឃើញមួយវាយមួយ ឃើញពីរវាយពីរ។ ប្រាប់ឲ្យហើយទៅ កុំចេញមុខឲ្យសោះ។ ឲ្យតែចេញមក គឺត្រូវហើយ។ នេះជាអង្គការភេរវកម្ម ដែលបំផ្លាញជាតិ»។
ក្រោយព្រមានរួចហើយ ប្រធានគណបក្សកាន់អំណាច ក៏ព្រលយសាជាថ្មីថា ផ្លូវល្អសម្រាប់អតីតក្រុមអ្នកប្រឆាំងនាពេលនេះ គឺមានតែរួមគ្នាបង្កើតគណបក្សថ្មីមួយ ហើយចូលរួមក្នុងការបោះឆ្នោត។ ប៉ុន្តែ អតីតថ្នាក់ដឹកនាំទាំង១១៨នាក់នៃគណបក្សប្រឆាំង ដែលត្រូវបានតុលាការ បិទសិទ្ធិនយោបាយ រួមទាំងអ្នកផ្សេងទៀត ដែលកំពុងមានទោសទណ្ឌ ប្រហែលជាមិនអាចបង្កើតគណបក្សបានឡើយ។
សម្តេច ហ៊ុន សែន និយាយក្នុងន័យបើកផ្លូវឲ្យអតីតក្រុមអ្នកប្រឆាំងដែលនៅមានសិទ្ធិធ្វើនយោបាយបែបនេះថា៖«បើអ្នកឯងពូកែ មកនាំគ្នាធ្វើគណបក្ស ហើយចូលរួមបោះឆ្នោតទៅ។ បើមិនចូលទេ ក៏មិនមែនមុខដូចម៉ែខ្ញុំដែរ។ ចង់ព្រាត់ប្រាសទៅណា ក៏ទៅទៅ។ ចង់មក ក៏មកទៅ»។
លោក សម រង្ស៊ី អតីតប្រធានគណបក្សសង្គ្រោះជាតិ និងបច្ចុប្បន្នជាប្រធានចលនាសង្គ្រោះជាតិ បានប្រកាសថា ចលនាសង្គ្រោះជាតិ មានការគាំទ្រពីប្រជាពលរដ្ឋខ្មែរទាំងក្នុងនិងក្រៅប្រទេស រួមទាំងសហគមន៍អន្តរជាតិផងដែរ។ ប៉ុន្តែ លោក អំពាវនាវឲ្យអ្នកគាំទ្រ សមាជិក រហូតដល់ថ្នាក់ដឹកនាំនៃគណបក្សសង្គ្រោះជាតិនៅក្នុងប្រទេសកម្ពុជា រក្សាភាពស្ងៀមស្ងាត់ ដោយមិនត្រូវបញ្ចេញសកម្មភាព ឬបង្ហាញមុខនោះទេ។ ចំពោះលោក ការមិនចេញមុខមាត់បែបនេះ អាចការពារសុវត្ថិភាពរបស់ពួកគេបាន។
លោក សម រង្ស៊ី បានសរសេរសារលើទំព័រហ្វេសប៊ុកនាពេលកន្លងមកយ៉ាងដូច្នេះ«សូមថ្នាក់ដឹកនាំសំខាន់ៗ កុំប្រកាសគាំទ្រ ចំពោះចលនាសង្គ្រោះជាតិ ដើម្បីធានាសុវត្ថិភាព និងប្រសិទ្ធភាពការងារ ដែលត្រូវរៀបចំជាបណ្តាញនៅទូទាំងប្រទេសកម្ពុជា។ មិនចាំបាច់បញ្ចេញមុខ និងបញ្ចេញឈ្មោះជាសាធារណៈនោះទេ»។
លោក សម រង្ស៊ី ក៏ធ្លាប់ឆ្លើយតបមកកាន់សម្តេច ហ៊ុន សែន និងថ្នាក់ដឹកនាំកម្ពុជាវិញដែរ ថាលោក មិនមែនជាភេរវករ នោះទេ។ អតីតប្រធានគណបក្សប្រឆាំងរូបនេះ បានផ្តល់ហេតុផលបែបនេះថា៖«បើខ្ញុំជាភេរវករ និងជាមនុស្សឧទ្ទាម មែននោះ មិនមែនប្រជាពលរដ្ឋខ្មែរគ្រប់មជ្ឍដ្ឋាន សាទរវត្តមានរបស់ខ្ញុំទេ ជាពិសេសនៅតាមវត្តអារាមខ្មែរទូទាំងពិភពលោក ហើយក៏មិនមែនឥស្សរជននៅគ្រប់ប្រទេស គោរពខ្ញុំដែរ នៅពេលខ្ញុំទៅធ្វើទស្សនកិច្ច»។
លោក សម រង្ស៊ី បកស្រាយទៅកាន់អ្នកគាំទ្រថា គណបក្សសង្គ្រោះជាតិ ត្រូវជាប់គាំង ដោយមិនអាចធ្វើកិច្ចការអ្វីបានទាំងអស់ ក្រោយពីរងការរំលាយចោលកាលពីថ្ងៃទី១៦ ខែវិច្ឆិកា ឆ្នាំ២0១៧។ នេះជាមូលហេតុ ដែលជំរុញឲ្យលោក បង្កើតចលនាសង្គ្រោះជាតិ ដើម្បីបន្តធ្វើសកម្មភាពនយោបាយ និងជំរុញឲ្យសហគមន៍អន្តរជាតិ ដាក់ទណ្ឌកម្មបន្ថែមមកលើរដ្ឋាភិបាលកម្ពុជា។
លោក ប្រកាសជារឿយៗថា គោលបំណងរបស់ចលនាសង្គ្រោះជាតិ គឺដើម្បីទាមទារឲ្យដោះលែងលោក កឹម សុខា និងបើកផ្លូវឲ្យគណបក្សសង្គ្រោះជាតិ ធ្វើសកម្មភាពឡើងវិញ ដើម្បីបានចូលរួមក្នុងការបោះឆ្នោតនៅឆ្នាំ២0១៨។
ចាប់តាំងពីត្រូវបានបង្កើតឡើង ចលនាសង្គ្រោះជាតិ បានរងនូវការគំរាមជាបន្តបន្ទាប់ពីសំណាក់មន្ត្រីជាន់ខ្ពស់ជាច្រើនរបស់រដ្ឋាភិបាលកម្ពុជា រាប់ទាំងមេទ័ព និងមេនគរបាល។ មិនខុសពីប្រមុខរដ្ឋាភិបាល មេទ័ពនិងមេនគរបាលទាំងនោះ ក៏ចាត់ទុកចលនាសង្គ្រោះជាតិ ថាជាក្រុមឧទ្ទាមដែរ។ ក្រសួងមហាផ្ទៃ ដែលតំណាងឲ្យរដ្ឋាភិបាល បានដាក់បណ្តឹងទៅកាន់តុលាការ ដើម្បីប្តឹងមេដឹកនាំ និងសមាជិកនៃចលនានេះ។ បច្ចុប្បន្ន តុលាការកំពុងចាត់ការ តាមពាក្យបណ្តឹងរបស់ក្រសួងមហាផ្ទៃ៕
អត្ថបទទាក់ទង
Tag:
ហ៊ុន សែន
សម រង្ស៊ី
ចលនាសង្គ្រោះជាតិ
© រក្សាសិទ្ធិដោយ thmeythmey.com
