អន្តរជាតិ
របបសឹកថៃមិនបារម្ភដំណើរនៅទ្វីបអាស៊ីរបស់អតីតនាយករដ្ឋមន្ត្រីត្រកូល ស៊ីណាវ៉ាត់
រូបភាព៖ AFP
×![]()
ដោយ: តន ចាន់រិទ្ធារ៉ា
របបយោធាថៃមិនមានការបារម្ភអ្វីឡើយចំពោះដំណើរនៅតំបន់អាស៊ីរបស់អតីតនាយករដ្ឋមន្ត្រីលោក ថាក់ស៊ីន ស៊ីណាវ៉ាត់ និងលោកស្រី យីងឡាក់ ស៊ីណាវ៉ាត់ ។ អតីតនាយករដ្ឋមន្ត្រីត្រកូល ថាក់ស៊ីន ដែលរត់ទៅក្រៅស្រុកដើម្បីគេចពីការកាត់ទោសរបស់តុលាការ បានជួបជាមួយមន្ត្រីរបស់បក្សភឿថៃជាបន្តបន្ទាប់ ហើយដែលគេជឿថា ជាការប្រុងប្រៀបសម្រាប់ការបោះឆ្នោត។ មន្ត្រីបក្សភឿថៃខ្លះអះអាងថា ជំនួបជាមួយលោក ថាក់ស៊ីន មិនមែនជារឿងនយោបាយឡើយ។
លោក ថាក់ស៊ីន ស៊ីណាវ៉ាត់ និងប្អូនស្រីលោកស្រី យីងឡាក់ ស៊ីណាវ៉ាត់ ដែលជាអតីតនាយករដ្ឋមន្ត្រី និងកំពុងរត់ភៀសខ្លួនពីការកាត់ទោស បានធ្វើដំណើរមកតំបន់អាស៊ីក្នុងខែកុម្ភៈនេះ។ បងប្អូនត្រកូល ស៊ីណាវ៉ាត់ បានទៅទីក្រុងប៉េកាំង ប្រទេសចិន រួចបន្តទៅទីក្រុងតូក្យូ ប្រទេសជប៉ុន មុនធ្វើដំណើរទៅក្រុងហុងកុង។ នៅថ្ងៃទី២០ ខែកុម្ភៈ គេប្រទះឃើញអ្នកនយោបាយទាំងពីរនេះនៅឯសណ្ឋាគារមួយនៅសិង្ហបុរី។
យ៉ាងណាមិញ របបសឹកថៃហាក់មិនចាប់អារម្មណ៍វត្តមានរបស់អតីតមេដឹកនាំទាំងពីរនេះនៅអាស៊ីឡើយ។ លោក Piyapong Klinpan អ្នកនាំពាក្យក្រុមប្រឹក្សាសន្តិភាព និងសណ្ដាប់ធ្នាប់ (NCPO) ដែលកំពុងដឹកនាំថៃ បានប្រាប់ទីភ្នាក់ងារព័ត៌មាន Reuters ថា អាជ្ញាធរមិនបារម្ភពីដំណើររបស់អតីតនាយករដ្ឋមន្ត្រីត្រកូល ស៊ីណាវ៉ាត់ ទាំងពីរនាក់ឡើយ តែនឹងតាមដានបុគ្គលដែលមានដីកាចាប់ខ្លួនប៉ុណ្ណោះ។
ទាំងលោក ថាក់ស៊ីន ទាំងលោកស្រី យីងឡាក់ ជាប្អូនស្រី សុទ្ធតែអស់អំណាចដោយសារក្រុមយោធាដូចគ្នា។ លោក ថាក់ស៊ីន ត្រូវកងទ័ពថៃធ្វើរដ្ឋប្រហារទម្លាក់ពីតំណែងក្នុងឆ្នាំ២០០៦ និងរត់ទៅក្រៅប្រទេសនៅឆ្នាំ២០០៨ ក្រោយរងការចោទប្រកាន់ពីតុលាការ។ ឯរដ្ឋាភិបាលស៊ីវិលរបស់ដឹកនាំដោយបក្សភឿថៃវិញ ក៏ត្រូវរបបសឹកសព្វថ្ងៃធ្វើរដ្ឋប្រហារដណ្ដើមអំណាចក្នុងឆ្នាំ២០១៤ ។ លោក ថាក់ស៊ីន តែងស្នាក់នៅទីក្រុងឌូបៃ ចំណែកលោកស្រី យីងឡាក់ ត្រូវបានអះអាងថា ស្នាក់នៅអង់គ្លេស។
វត្តមានរបស់អតីតនាយករដ្ឋមន្ត្រីទាំងពីរនេះ ត្រូវបានមន្ត្រីបក្សភឿថៃនិយាយថា មិនជាប់ទាក់ទងរឿងនយោបាយអ្វីឡើយ ទោះជាបានជួបជាមួយមន្ត្រីជាន់ខ្ពស់បក្សក្ដី។ អតីតរដ្ឋមន្ត្រីពាណិជ្ជកម្ម Wattana Muagnsook និយាយថា ជំនួបរវាងលោក ថាក់ស៊ីន នៅហុងកុងមិនបានផ្ដោតលើប្រធានបទនយោបាយឡើយ ព្រោះលោក ថាក់ស៊ីន បរទេសយូរឆ្នាំហើយ ដូចនេះលោកមិនយល់ពីស្ថានការណ៍ក្នុងប្រទេសទេ។
តាមពិតទៅ មន្ត្រីបក្សភឿថៃដែលបានជួបប្រាស្រ័យជាមួយមេដឹកនាំរបស់ខ្លួននៅបរទេស ហាក់លាក់បាំងគោលដៅនៃជំនួបនេះ ព្រោះខ្លាចរងទោសទណ្ឌ។ ច្បាប់ស្ដីពីបក្សនយោបាយដែលចូលធរមានឆ្នាំ២០១៧ បានហាមបុគ្គលដែលមិនមែនជាសមាជិកបក្ស គ្រប់គ្រង ឬក៏បញ្ជាបក្សណាមួយ។ នេះមានន័យថា បើជំនួបជាមួយលោក ថាក់ស៊ីន និយាយរឿងនយោបាយ សមាជិកបក្សដែលធ្វើដំណើរទៅជួបលោកនៅបរទេសពិតជាជួបបញ្ហាមិនខាន៕
លោក ថាក់ស៊ីន ស៊ីណាវ៉ាត់ និងប្អូនស្រីលោកស្រី យីងឡាក់ ស៊ីណាវ៉ាត់ ដែលជាអតីតនាយករដ្ឋមន្ត្រី និងកំពុងរត់ភៀសខ្លួនពីការកាត់ទោស បានធ្វើដំណើរមកតំបន់អាស៊ីក្នុងខែកុម្ភៈនេះ។ បងប្អូនត្រកូល ស៊ីណាវ៉ាត់ បានទៅទីក្រុងប៉េកាំង ប្រទេសចិន រួចបន្តទៅទីក្រុងតូក្យូ ប្រទេសជប៉ុន មុនធ្វើដំណើរទៅក្រុងហុងកុង។ នៅថ្ងៃទី២០ ខែកុម្ភៈ គេប្រទះឃើញអ្នកនយោបាយទាំងពីរនេះនៅឯសណ្ឋាគារមួយនៅសិង្ហបុរី។
យ៉ាងណាមិញ របបសឹកថៃហាក់មិនចាប់អារម្មណ៍វត្តមានរបស់អតីតមេដឹកនាំទាំងពីរនេះនៅអាស៊ីឡើយ។ លោក Piyapong Klinpan អ្នកនាំពាក្យក្រុមប្រឹក្សាសន្តិភាព និងសណ្ដាប់ធ្នាប់ (NCPO) ដែលកំពុងដឹកនាំថៃ បានប្រាប់ទីភ្នាក់ងារព័ត៌មាន Reuters ថា អាជ្ញាធរមិនបារម្ភពីដំណើររបស់អតីតនាយករដ្ឋមន្ត្រីត្រកូល ស៊ីណាវ៉ាត់ ទាំងពីរនាក់ឡើយ តែនឹងតាមដានបុគ្គលដែលមានដីកាចាប់ខ្លួនប៉ុណ្ណោះ។
ទាំងលោក ថាក់ស៊ីន ទាំងលោកស្រី យីងឡាក់ ជាប្អូនស្រី សុទ្ធតែអស់អំណាចដោយសារក្រុមយោធាដូចគ្នា។ លោក ថាក់ស៊ីន ត្រូវកងទ័ពថៃធ្វើរដ្ឋប្រហារទម្លាក់ពីតំណែងក្នុងឆ្នាំ២០០៦ និងរត់ទៅក្រៅប្រទេសនៅឆ្នាំ២០០៨ ក្រោយរងការចោទប្រកាន់ពីតុលាការ។ ឯរដ្ឋាភិបាលស៊ីវិលរបស់ដឹកនាំដោយបក្សភឿថៃវិញ ក៏ត្រូវរបបសឹកសព្វថ្ងៃធ្វើរដ្ឋប្រហារដណ្ដើមអំណាចក្នុងឆ្នាំ២០១៤ ។ លោក ថាក់ស៊ីន តែងស្នាក់នៅទីក្រុងឌូបៃ ចំណែកលោកស្រី យីងឡាក់ ត្រូវបានអះអាងថា ស្នាក់នៅអង់គ្លេស។
វត្តមានរបស់អតីតនាយករដ្ឋមន្ត្រីទាំងពីរនេះ ត្រូវបានមន្ត្រីបក្សភឿថៃនិយាយថា មិនជាប់ទាក់ទងរឿងនយោបាយអ្វីឡើយ ទោះជាបានជួបជាមួយមន្ត្រីជាន់ខ្ពស់បក្សក្ដី។ អតីតរដ្ឋមន្ត្រីពាណិជ្ជកម្ម Wattana Muagnsook និយាយថា ជំនួបរវាងលោក ថាក់ស៊ីន នៅហុងកុងមិនបានផ្ដោតលើប្រធានបទនយោបាយឡើយ ព្រោះលោក ថាក់ស៊ីន បរទេសយូរឆ្នាំហើយ ដូចនេះលោកមិនយល់ពីស្ថានការណ៍ក្នុងប្រទេសទេ។
តាមពិតទៅ មន្ត្រីបក្សភឿថៃដែលបានជួបប្រាស្រ័យជាមួយមេដឹកនាំរបស់ខ្លួននៅបរទេស ហាក់លាក់បាំងគោលដៅនៃជំនួបនេះ ព្រោះខ្លាចរងទោសទណ្ឌ។ ច្បាប់ស្ដីពីបក្សនយោបាយដែលចូលធរមានឆ្នាំ២០១៧ បានហាមបុគ្គលដែលមិនមែនជាសមាជិកបក្ស គ្រប់គ្រង ឬក៏បញ្ជាបក្សណាមួយ។ នេះមានន័យថា បើជំនួបជាមួយលោក ថាក់ស៊ីន និយាយរឿងនយោបាយ សមាជិកបក្សដែលធ្វើដំណើរទៅជួបលោកនៅបរទេសពិតជាជួបបញ្ហាមិនខាន៕
Tag:
ថៃ
ថាក់ស៊ីន ស៊ីណាវ៉ាត់
យីងឡាក់
ស៊ីណាវ៉ាត់
© រក្សាសិទ្ធិដោយ thmeythmey.com
