អន្តរជាតិ
ចិនមិនទាន់អស់ចិត្តឡើយលើករណីយុវជនអាមេរិកលួចកាច់ម្រាមដៃទ័ព Terracotta
×![]()
ដោយ: ធីតា
ចិន តាមរយៈបណ្តាញព័ត៌មានរដ្ឋរបស់ខ្លួន មិនទាន់ស្ងប់ស្ងាត់នោះឡើយ ចំពោះករណីយុវជនជាតិអាមេរិកម្នាក់ដែលបានលួចកាច់ម្រាមដៃរូបសំណាកទ័ពសេះ Terracotta ដែលទ្រព្យសម្បត្តិជាង២ពាន់ឆ្នាំរបស់ខ្លួន។ ទូរទស្សន៍រដ្ឋ CCTV បានបញ្ជូនអ្នកយកព័ត៌មាន និងអ្នកជំនាញទៅកាន់សារមន្ទីរនៃវិទ្យាស្ថាន Franklin Institute ក្នុងរដ្ឋ Philadelphia ដើម្បីសិក្សាព័ត៌មានលម្អិត។
«វាជាកំហុសខាងសារមន្ទីរដែលបណ្តាលឲ្យមានការលួចបេតិកភណ្ឌ Terracotta របស់យើង»។ នេះជាការបន្ទោសចំៗរបស់ព័ត៌មានរដ្ឋចិន លើករណីលួចកាច់ម្រាមដៃឆ្វេងរបស់រូបសំណាកទ័ពសេះ Terracotta នៅក្នុងពិព័រណ៌កាលពីថ្ងៃទី២១ ខែធ្នូ។
យុវជនអាមេរិក ឈ្មោះ Michael Rohana អាយុ២៤ឆ្នាំ ដែលជាអ្នកបង្ករហេតុត្រូវបានចាប់ខ្លួន ហើយក្រោយមកត្រូវបានដោះលែង ដោយសារការតម្កល់ប្រាក់ធានា ចំនួន១៥០០០ដុល្លារអាមេរិក ព្រមទាំងការដកហូតលិខិតឆ្លងដែន។
ទោះបីជាមានការសុំទោសពីភាគីសារមន្ទីរក៏ដោយ ក៏សារព័ត៌មានចិន ក៏ដូចជាមជ្ឈមណ្ឌល Cultural Heritage Promotion Center របស់ខេត្ត Shaanxi បន្តទាមទារឲ្យវិទ្យាស្ថាន Franklin ទទួលខុសត្រូវទាំងស្រុងលើការខូចខាត ដោយតម្លៃរូបសំណាកជាង២០០០ឆ្នាំនេះ ត្រូវបាន FBI វាយតម្លៃថា មានប្រមាណ៤.៥លានដុល្លារអាមេរិក។
បន្ទាប់ពីត្រួតពិនិត្យការរៀបចំដាក់ Terracotta នៅសារមន្ទីរ CCTV និងអ្នកជំនាញពីររូបទៀត បានចោទប្រកាន់សារមន្ទីរអាមេរិកថា មិនបានរៀបចំទុកដាក់ ឬបំពាក់ប្រព័ន្ធការពារសុវត្ថិភាពឲ្យបានត្រឹមត្រូវនោះឡើយ ដែលធ្វើឲ្យរូបសំណាក ងាយទទួលរងការបែកបាក់ និងបាត់បង់៕
«វាជាកំហុសខាងសារមន្ទីរដែលបណ្តាលឲ្យមានការលួចបេតិកភណ្ឌ Terracotta របស់យើង»។ នេះជាការបន្ទោសចំៗរបស់ព័ត៌មានរដ្ឋចិន លើករណីលួចកាច់ម្រាមដៃឆ្វេងរបស់រូបសំណាកទ័ពសេះ Terracotta នៅក្នុងពិព័រណ៌កាលពីថ្ងៃទី២១ ខែធ្នូ។
យុវជនអាមេរិក ឈ្មោះ Michael Rohana អាយុ២៤ឆ្នាំ ដែលជាអ្នកបង្ករហេតុត្រូវបានចាប់ខ្លួន ហើយក្រោយមកត្រូវបានដោះលែង ដោយសារការតម្កល់ប្រាក់ធានា ចំនួន១៥០០០ដុល្លារអាមេរិក ព្រមទាំងការដកហូតលិខិតឆ្លងដែន។
ទោះបីជាមានការសុំទោសពីភាគីសារមន្ទីរក៏ដោយ ក៏សារព័ត៌មានចិន ក៏ដូចជាមជ្ឈមណ្ឌល Cultural Heritage Promotion Center របស់ខេត្ត Shaanxi បន្តទាមទារឲ្យវិទ្យាស្ថាន Franklin ទទួលខុសត្រូវទាំងស្រុងលើការខូចខាត ដោយតម្លៃរូបសំណាកជាង២០០០ឆ្នាំនេះ ត្រូវបាន FBI វាយតម្លៃថា មានប្រមាណ៤.៥លានដុល្លារអាមេរិក។
បន្ទាប់ពីត្រួតពិនិត្យការរៀបចំដាក់ Terracotta នៅសារមន្ទីរ CCTV និងអ្នកជំនាញពីររូបទៀត បានចោទប្រកាន់សារមន្ទីរអាមេរិកថា មិនបានរៀបចំទុកដាក់ ឬបំពាក់ប្រព័ន្ធការពារសុវត្ថិភាពឲ្យបានត្រឹមត្រូវនោះឡើយ ដែលធ្វើឲ្យរូបសំណាក ងាយទទួលរងការបែកបាក់ និងបាត់បង់៕
Tag:
Terracotta
© រក្សាសិទ្ធិដោយ thmeythmey.com
