អន្តរជាតិ
អគ្គលេខាធិការអង្គការសហប្រជាជាតិ អាន់តូនីញ៉ូ ហ្គូតេរ៉េស ថ្លែងក្នុងសន្និសីទនៅអាល្លឺម៉ង់ (រូបភាព៖ AFP)
×![]()
ដោយ: តន ចាន់រិទ្ធារ៉ា
កូរ៉េខាងជើង នៅថ្ងៃទី២២ ខែកុម្ភៈ បានចោទប្រកាន់អគ្គលេខាធិការអង្គការសហប្រជាជាតិលោក អាន់តូនីញ៉ូ ហ្គូតេរ៉េស ថា ជាមនុស្សរបស់អាមេរិក ព្រោះលោកចង់ឲ្យមានការដាក់ទណ្ឌកម្មលើខ្លួន។ ការចោទរបស់កូរ៉េខាងជើង ធ្វើឡើងក្រោយលោក ហ្គូតេរ៉េស ថ្លែងក្នុងកិច្ចប្រជុំសន្តិសុខអន្តរជាតិនៅអាល្លឺម៉ង់កាលពីសប្ដាហ៍មុនថា ទណ្ឌកម្មលើកូរ៉េខាងជើង ជារឿងសំខាន់ ហើយដែលត្រូវតែរក្សាទុកទៀត។
តំណាងបេសកកម្មកូរ៉េខាងជើងប្រចាំអង្គការសហប្រជាជាតិ នៅថ្ងៃទី២២ ខែកុម្ភៈ បានចេញសេចក្ដីថ្លែងការណ៍រិះគន់លោកអគ្គលេខាធិការ អាន់តូនីញ៉ូ ហ្គូតេរ៉េស ដែលប្រកាន់ជំហរដាក់ទណ្ឌកម្មលើខ្លួន។ កូរ៉េខាងជើងចាត់ទុកជាការអធិប្បាយរបស់លោក ហ្គូតេរ៉េស គឺជារឿងធ្វេសប្រហែស ធ្វើតាមអាមេរិក និងបានប្រើប្រាស់តួនាទីរបស់ខ្លួនខុសគោលដៅ ព្រមទាំងស្នើឲ្យអគ្គលេខាធិការជនជាតិព័រទុយហ្កាល់រូបនេះ ឈប់ធ្វើទង្វើរបៀបនេះទៀត។
ប្រតិកម្មរបស់កូរ៉េខាងជើង កើតឡើងបន្ទាប់ពីលោក ហ្គូតេរ៉េស ថ្លែងសុន្ទរកថាក្នុងសន្និសីទសន្តិសុខមុយនិកនៅអាល្លឺម៉ង់កាលពីសប្ដាហ៍មុន។ ចំពោះមុខមន្ត្រីទទួលបន្ទុកកិច្ចការសន្តិសុខមកពីជុំវិញពិភពលោក អគ្គលេខាធិការរូបនេះបានលើកសរសើរក្រុមប្រឹក្សាសន្តិសុខអង្គការសហប្រជាជាតិដែលទទួលជោគជ័យក្នុងការដាក់សម្ពាធលើកូរ៉េខាងជើង ហើយលោកគិតថា ការដាក់សម្ពាធនេះជារឿងដែលត្រូវរក្សាឲ្យបានដាច់ខាត។
បើតាមទីភ្នាក់ងារព័ត៌មាន AFP បេសកកម្មកូរ៉េខាងជើងប្រចាំក្រុងញូវយ៉កអះអាងថា សម្ដីរបស់លោក ហ្គូតេរ៉េស ជារឿងគ្មានប្រយោជន៍ ហើយខុសពីតួនាទីជាអគ្គលេខាធិការអង្គការសហប្រជាជាតិទៅទៀត។ ម្យ៉ាងទៀត ការអធិប្បាយបែបនេះ ធ្វើឲ្យកូរ៉េខាងជើងគិតថា លោក ហ្គូតេរ៉េស គឺជាអ្នកគាំទ្រតំណាងឲ្យអាមេរិក និងមានបំណងមិនល្អឡើយ។ កូរ៉េខាងជើងក៏បានប្រាប់ឲ្យអគ្គលេខាធិការរូបនេះឈប់ធ្វើទង្វើបែបមនុស្សមមើទៀត។
ក្រោមការដឹកនាំរបស់អាមេរិក ក្រុមប្រឹក្សាសន្តិសុខបានដាក់ទណ្ឌកម្មឥតមានល្ហែលើកូរ៉េខាងជើង ដើម្បីបង្ខំឲ្យរដ្ឋកុម្មុយនីស្តមួយនេះបោះបង់កម្មវិធីអភិវឌ្ឍនុយក្លេអ៊ែរ និងការសាកល្បងមីស៊ីលរបស់ខ្លួន។ មិនត្រឹមតែតាមរយៈយន្តការក្រុមប្រឹក្សាសន្តិសុខឡើយ ក្រុងវ៉ាស៊ីនតោនក៏បានដាក់ទណ្ឌកម្មឯកតោភាគីជាច្រើនទៀតលើរបបដឹកនាំក្រុងព្យុងយ៉ាង សំដៅអូសទាញរដ្ឋឯកោនេះឲ្យចូលតុចរចាជាមួយអន្តរជាតិវិញ។
តាមពិតទៅ លោក ហ្គូតេរ៉េស ផ្ទាល់ បានគាំទ្រការប្រសើរឡើងវិញក្នុងទំនាក់ទំនងរវាងកូរ៉េទាំងពីរ ជាពិសេសអំឡុងពេលព្រឹត្តិការណ៍អូឡាំពិក។ អំឡុងពេលលាងសាយភោជន៍រៀបចំដោយប្រធានាធិបតីកូរ៉េខាងត្បូង លោក ហ្គូតេរ៉េស បានជួបជាមួយប្រមុខរដ្ឋកូរ៉េខាងជើង គីម យ៉ុងណាម ផងដែរ។ ប្រមុខអង្គការសហប្រជាជាតិដដែលនេះចង់ឲ្យទំនាក់ទំនងនេះបន្តទៅមុខទៀត ដើម្បីឈានដល់ការចរចាកម្រិតទូលាយ៕
តំណាងបេសកកម្មកូរ៉េខាងជើងប្រចាំអង្គការសហប្រជាជាតិ នៅថ្ងៃទី២២ ខែកុម្ភៈ បានចេញសេចក្ដីថ្លែងការណ៍រិះគន់លោកអគ្គលេខាធិការ អាន់តូនីញ៉ូ ហ្គូតេរ៉េស ដែលប្រកាន់ជំហរដាក់ទណ្ឌកម្មលើខ្លួន។ កូរ៉េខាងជើងចាត់ទុកជាការអធិប្បាយរបស់លោក ហ្គូតេរ៉េស គឺជារឿងធ្វេសប្រហែស ធ្វើតាមអាមេរិក និងបានប្រើប្រាស់តួនាទីរបស់ខ្លួនខុសគោលដៅ ព្រមទាំងស្នើឲ្យអគ្គលេខាធិការជនជាតិព័រទុយហ្កាល់រូបនេះ ឈប់ធ្វើទង្វើរបៀបនេះទៀត។
ប្រតិកម្មរបស់កូរ៉េខាងជើង កើតឡើងបន្ទាប់ពីលោក ហ្គូតេរ៉េស ថ្លែងសុន្ទរកថាក្នុងសន្និសីទសន្តិសុខមុយនិកនៅអាល្លឺម៉ង់កាលពីសប្ដាហ៍មុន។ ចំពោះមុខមន្ត្រីទទួលបន្ទុកកិច្ចការសន្តិសុខមកពីជុំវិញពិភពលោក អគ្គលេខាធិការរូបនេះបានលើកសរសើរក្រុមប្រឹក្សាសន្តិសុខអង្គការសហប្រជាជាតិដែលទទួលជោគជ័យក្នុងការដាក់សម្ពាធលើកូរ៉េខាងជើង ហើយលោកគិតថា ការដាក់សម្ពាធនេះជារឿងដែលត្រូវរក្សាឲ្យបានដាច់ខាត។
បើតាមទីភ្នាក់ងារព័ត៌មាន AFP បេសកកម្មកូរ៉េខាងជើងប្រចាំក្រុងញូវយ៉កអះអាងថា សម្ដីរបស់លោក ហ្គូតេរ៉េស ជារឿងគ្មានប្រយោជន៍ ហើយខុសពីតួនាទីជាអគ្គលេខាធិការអង្គការសហប្រជាជាតិទៅទៀត។ ម្យ៉ាងទៀត ការអធិប្បាយបែបនេះ ធ្វើឲ្យកូរ៉េខាងជើងគិតថា លោក ហ្គូតេរ៉េស គឺជាអ្នកគាំទ្រតំណាងឲ្យអាមេរិក និងមានបំណងមិនល្អឡើយ។ កូរ៉េខាងជើងក៏បានប្រាប់ឲ្យអគ្គលេខាធិការរូបនេះឈប់ធ្វើទង្វើបែបមនុស្សមមើទៀត។
ក្រោមការដឹកនាំរបស់អាមេរិក ក្រុមប្រឹក្សាសន្តិសុខបានដាក់ទណ្ឌកម្មឥតមានល្ហែលើកូរ៉េខាងជើង ដើម្បីបង្ខំឲ្យរដ្ឋកុម្មុយនីស្តមួយនេះបោះបង់កម្មវិធីអភិវឌ្ឍនុយក្លេអ៊ែរ និងការសាកល្បងមីស៊ីលរបស់ខ្លួន។ មិនត្រឹមតែតាមរយៈយន្តការក្រុមប្រឹក្សាសន្តិសុខឡើយ ក្រុងវ៉ាស៊ីនតោនក៏បានដាក់ទណ្ឌកម្មឯកតោភាគីជាច្រើនទៀតលើរបបដឹកនាំក្រុងព្យុងយ៉ាង សំដៅអូសទាញរដ្ឋឯកោនេះឲ្យចូលតុចរចាជាមួយអន្តរជាតិវិញ។
តាមពិតទៅ លោក ហ្គូតេរ៉េស ផ្ទាល់ បានគាំទ្រការប្រសើរឡើងវិញក្នុងទំនាក់ទំនងរវាងកូរ៉េទាំងពីរ ជាពិសេសអំឡុងពេលព្រឹត្តិការណ៍អូឡាំពិក។ អំឡុងពេលលាងសាយភោជន៍រៀបចំដោយប្រធានាធិបតីកូរ៉េខាងត្បូង លោក ហ្គូតេរ៉េស បានជួបជាមួយប្រមុខរដ្ឋកូរ៉េខាងជើង គីម យ៉ុងណាម ផងដែរ។ ប្រមុខអង្គការសហប្រជាជាតិដដែលនេះចង់ឲ្យទំនាក់ទំនងនេះបន្តទៅមុខទៀត ដើម្បីឈានដល់ការចរចាកម្រិតទូលាយ៕
Tag:
អាមេរិក
កូរ៉េខាងជើង
UN
អាន់តូនីញ៉ូ ហ្គូតេរ៉េស
© រក្សាសិទ្ធិដោយ thmeythmey.com
