អន្តរជាតិ
សមាជិកសភាកូរ៉េខាងត្បូងទារឲ្យប្រហារជីវិតមន្ត្រីយោធាកូរ៉េខាងជើងដែលចូលរួមបិទកីឡាអូឡាំពិក
មន្រ្តីកូរ៉េខាងជើងលោក Kim Yong-chol ដែលសមាជិកសភាកូរ៉េខាងត្បូងទាមទារឲ្យប្រហារជីវិត (រូបភាព៖ AFP)
×![]()
ដោយ: តន ចាន់រិទ្ធារ៉ា
សមាជិកសភាបក្សប្រឆាំងដ៏ធំនៅកូរ៉េខាងត្បូង បានទាមទារឲ្យរដ្ឋាភិបាលប្រធានាធិបតី មូន ចេអ៊ីន កាត់ទោសប្រហារជីវិតលោក Kim Yong-chol ប្រធានប្រតិភូកូរ៉េខាងជើងដែលគ្រោងចូលរួមកម្មវិធីបិទព្រឹត្តិការណ៍អូឡាំពិកនៅថ្ងៃទី២៥ ខែកុម្ភៈ។ លោក Kim Yong-chol ត្រូវជាប់សង្ស័យថា នៅពីក្រោយការវាយប្រហារលើកប៉ាល់កងទ័ពកូរ៉េខាងត្បូងក្នុងឆ្នាំ២០១០ ។ សមាជិកសភាកូរ៉េខាងត្បូងក៏ស្នើឲ្យរដ្ឋាភិបាលលុបចោលទស្សនកិច្ចរបស់មន្ត្រីកូរ៉េខាងជើងរូបនេះ។
នៅថ្ងៃទី២៣ ខែកុម្ភៈ សមាជិកសភាកូរ៉េខាងត្បូងប្រមាណ៧០នាក់មកពីបក្សកូរ៉េសេរី (LKP) ដែលជាបក្សប្រឆាំង បានធ្វើបាតុកម្មនៅខាងមុខវិមានប្រធានាធិបតី Cheong Wa Dae ដើម្បីតវ៉ាគម្រោងទស្សនកិច្ចនៅកូរ៉េខាងត្បូងរបស់លោក Kim Yong-chol អនុប្រធានគណៈកម្មាធិការមជ្ឈិមបក្សពលករ។ តាមគម្រោង លោក Kim នឹងដឹកនាំប្រតិភូចំនួន៨នាក់ និងទៅដល់ទឹកដីកូរ៉េខាងត្បូងនៅថ្ងៃទី២៥ ដើម្បីចូលរួមបិទព្រឹត្តិការណ៍អូឡាំពិករដូវរងានៅទីក្រុងព្យុងឆាង។
រដ្ឋាភិបាលកូរ៉េខាងត្បូងបានប្រកាសពីដំណើទស្សនកិច្ចបីថ្ងៃរបស់លោក Kim នៅថ្ងៃទី២២ ខែកុម្ភៈ ដោយយល់ថា វត្តមានរបស់មន្ត្រីជាន់ខ្ពស់កូរ៉េខាងជើងរូបនេះនឹងបង្កលក្ខណៈល្អប្រសើរសម្រាប់ព្រឹត្តិការណ៍អូឡាំពិក។ ប៉ុន្តែអ្នកនយោបាយកូរ៉េខាងត្បូងបានជំទាស់គម្រោងទស្សនកិច្ចនេះ និងបានទាមទារឲ្យលុបចោលគម្រោងនេះជាបន្ទាន់ ឬក៏ចាប់ខ្លួនលោក Kim តែម្ដង ពេលលោកចូលទឹកដីកូរ៉េខាងត្បូងនោះ។
លោក Kim ដែលជាឧត្តមសេនីយ៍កូរ៉េខាងជើង ជាអតីតប្រធានការិយាល័យឈ្លបការណ៍ ហើយលោកត្រូវបានជឿថា ជាអ្នករៀបចំផែនការបាញ់ពន្លិចកប៉ាល់ Cheonan ដែលសម្លាប់យោធាកូរ៉េខាងត្បូង៤៦នាក់ក្នុងឆ្នាំ២០១០ ។ បើតាមទីភ្នាក់ងារព័ត៌មាន AFP លោក Kim Sung-tae មេដឹកនាំបក្ស LKP នៅក្នុងសភា ចាត់ទុកឧក្រិដ្ឋជនសង្គ្រាម ដែលបានវាយប្រហារកូរ៉េខាងត្បូង និងសមតែមានទោសប្រហារជីវិតដោយព្យួរករនៅតាមផ្លូវ។
សមាជិកសភាកូរ៉េខាងត្បូងដដែលនេះបញ្ជាក់ថា ទោះជាមេឃត្រូវរយះជាពីរក៏ដោយ ក៏ការអញ្ជើញលោក Kim Yong-chol ឲ្យចូលរួមបិទព្រឹត្តិការណ៍អូឡាំពិកនៅក្រុងព្យុងឆាង គឺជារឿងមិនគួរកើត ឡើងឡើយ។ យ៉ាងណាមិញ មេដឹកនាំបក្សប្រឆាំងខាងលើលើកឡើងថា បើលោកប្រធានាធិបតី មូន ចេអ៊ីន ចចេសចង់ឃើញទស្សនកិច្ចរបស់មន្ត្រីកូរ៉េខាងជើង លោកគួរធ្វើបន្ទាប់ពីកូរ៉េខាងជើងសន្យាបោះបង់នុយក្លេអ៊ែរសិន។
ដោយឡែក លោក Baek Tae-hyun អ្នកនាំពាក្យក្រសួងបង្រួបបង្រួមកូរ៉េបាននិយាយការពារការសម្រេចចិត្តទទួលលោក Kim Yong-chol ។ អ្នកនាំពាក្យរូបនេះបកស្រាយថា រដ្ឋាភិបាលបានដឹងពីការមិនពេញចិត្តវត្តមានលោក Kim ប៉ុន្តែទស្សនកិច្ចរបស់លោក Kim ជាឱកាសជួយពង្រឹងទំនាក់ទំនងអន្តរកូរ៉េ និងការដោះស្រាយបញ្ហាដោយសន្តិភាព។ យ៉ាងណាក្ដី បក្សប្រឆាំងកូរ៉េខាងត្បូងបានប្រកាសថា ខ្លួននឹងប្រើមធ្យោបាយគ្រប់យ៉ាងដើម្បីរារាំងទស្សនកិច្ចមន្ត្រីជាន់ខ្ពស់កូរ៉េខាងជើង៕
នៅថ្ងៃទី២៣ ខែកុម្ភៈ សមាជិកសភាកូរ៉េខាងត្បូងប្រមាណ៧០នាក់មកពីបក្សកូរ៉េសេរី (LKP) ដែលជាបក្សប្រឆាំង បានធ្វើបាតុកម្មនៅខាងមុខវិមានប្រធានាធិបតី Cheong Wa Dae ដើម្បីតវ៉ាគម្រោងទស្សនកិច្ចនៅកូរ៉េខាងត្បូងរបស់លោក Kim Yong-chol អនុប្រធានគណៈកម្មាធិការមជ្ឈិមបក្សពលករ។ តាមគម្រោង លោក Kim នឹងដឹកនាំប្រតិភូចំនួន៨នាក់ និងទៅដល់ទឹកដីកូរ៉េខាងត្បូងនៅថ្ងៃទី២៥ ដើម្បីចូលរួមបិទព្រឹត្តិការណ៍អូឡាំពិករដូវរងានៅទីក្រុងព្យុងឆាង។
រដ្ឋាភិបាលកូរ៉េខាងត្បូងបានប្រកាសពីដំណើទស្សនកិច្ចបីថ្ងៃរបស់លោក Kim នៅថ្ងៃទី២២ ខែកុម្ភៈ ដោយយល់ថា វត្តមានរបស់មន្ត្រីជាន់ខ្ពស់កូរ៉េខាងជើងរូបនេះនឹងបង្កលក្ខណៈល្អប្រសើរសម្រាប់ព្រឹត្តិការណ៍អូឡាំពិក។ ប៉ុន្តែអ្នកនយោបាយកូរ៉េខាងត្បូងបានជំទាស់គម្រោងទស្សនកិច្ចនេះ និងបានទាមទារឲ្យលុបចោលគម្រោងនេះជាបន្ទាន់ ឬក៏ចាប់ខ្លួនលោក Kim តែម្ដង ពេលលោកចូលទឹកដីកូរ៉េខាងត្បូងនោះ។
លោក Kim ដែលជាឧត្តមសេនីយ៍កូរ៉េខាងជើង ជាអតីតប្រធានការិយាល័យឈ្លបការណ៍ ហើយលោកត្រូវបានជឿថា ជាអ្នករៀបចំផែនការបាញ់ពន្លិចកប៉ាល់ Cheonan ដែលសម្លាប់យោធាកូរ៉េខាងត្បូង៤៦នាក់ក្នុងឆ្នាំ២០១០ ។ បើតាមទីភ្នាក់ងារព័ត៌មាន AFP លោក Kim Sung-tae មេដឹកនាំបក្ស LKP នៅក្នុងសភា ចាត់ទុកឧក្រិដ្ឋជនសង្គ្រាម ដែលបានវាយប្រហារកូរ៉េខាងត្បូង និងសមតែមានទោសប្រហារជីវិតដោយព្យួរករនៅតាមផ្លូវ។
សមាជិកសភាកូរ៉េខាងត្បូងដដែលនេះបញ្ជាក់ថា ទោះជាមេឃត្រូវរយះជាពីរក៏ដោយ ក៏ការអញ្ជើញលោក Kim Yong-chol ឲ្យចូលរួមបិទព្រឹត្តិការណ៍អូឡាំពិកនៅក្រុងព្យុងឆាង គឺជារឿងមិនគួរកើត ឡើងឡើយ។ យ៉ាងណាមិញ មេដឹកនាំបក្សប្រឆាំងខាងលើលើកឡើងថា បើលោកប្រធានាធិបតី មូន ចេអ៊ីន ចចេសចង់ឃើញទស្សនកិច្ចរបស់មន្ត្រីកូរ៉េខាងជើង លោកគួរធ្វើបន្ទាប់ពីកូរ៉េខាងជើងសន្យាបោះបង់នុយក្លេអ៊ែរសិន។
ដោយឡែក លោក Baek Tae-hyun អ្នកនាំពាក្យក្រសួងបង្រួបបង្រួមកូរ៉េបាននិយាយការពារការសម្រេចចិត្តទទួលលោក Kim Yong-chol ។ អ្នកនាំពាក្យរូបនេះបកស្រាយថា រដ្ឋាភិបាលបានដឹងពីការមិនពេញចិត្តវត្តមានលោក Kim ប៉ុន្តែទស្សនកិច្ចរបស់លោក Kim ជាឱកាសជួយពង្រឹងទំនាក់ទំនងអន្តរកូរ៉េ និងការដោះស្រាយបញ្ហាដោយសន្តិភាព។ យ៉ាងណាក្ដី បក្សប្រឆាំងកូរ៉េខាងត្បូងបានប្រកាសថា ខ្លួននឹងប្រើមធ្យោបាយគ្រប់យ៉ាងដើម្បីរារាំងទស្សនកិច្ចមន្ត្រីជាន់ខ្ពស់កូរ៉េខាងជើង៕
Tag:
កូរ៉េខាងត្បូង
កូរ៉េខាងជើង
Kim Yong-chol
Olympic2018
© រក្សាសិទ្ធិដោយ thmeythmey.com
