អន្តរជាតិ
រូបភាព៖ Xinhua
×![]()
ដោយ: ថ្មីៗ
ប្រធានាធិបតីរុស្ស៊ីលោក វ្ល៉ាឌីមៀ ពូទីន បានអះអាងថា សព្វាវុធ និងសម្ភារយោធារុស្ស៊ី មានគុណភាពល្អបំផុតលើពិភពលោក។ អាវុធដែលមានសមត្ថភាពខ្ពស់នេះ អាចជួយធានាសុវត្ថិភាព និងស្ថិរភាពរុស្ស៊ីបានពេញលេញដែរ។
នាពិធីបុណ្យជាតិរុស្ស៊ី «ថ្ងៃនៃអ្នកការពារជាតិ» ដែលត្រូវរៀបចំធ្វើឡើង នៅថ្ងៃសុក្រទី ២៣ ខែកុម្ភៈ ប្រមុខរដ្ឋរុស្ស៊ី លោក វ្ល៉ាឌីមៀ ពូទីន បានអួតអាងថា អាវុធ ក៏ដូចជាសម្ភាររុស្ស៊ី ជាប់ចំណាត់ថ្នាក់ជាផលិតផលយោធា ដែលមានសមត្ថភាពខ្ពស់ផុតគេ។
យោងតាមទីភ្នាក់ព័ត៌មានចិន Xinhua លោក ពូទីន បានអះអាងថាបន្ថែមទៀតថា សុវត្ថិភាព និងស្ថិរភាពរបស់រុស្ស៊ី ត្រូវបានធានាយ៉ាងពេញលេញផងដែរ ដោយសារសមត្ថភាព និងគុណភាពល្អដាច់គេនៃសព្វាវុធនេះ។
«ការអភិវឌ្ឍកន្លងមកបង្ហាញឲ្យឃើញថា យើងស្ថិតក្នុងចំណោមប្រទេសលំដាប់ខ្ពស់ជាងគេ ក្នុងការត្រៀមប្រយុទ្ធ ក៏ដូចជាគុណភាពនៃសព្វាវុធ និងសម្ភារយោធាផង។ ថ្ងៃនេះ យើងអាចនិយាយដោយមានទំនុកចិត្តថា សន្តិសុខរុស្ស៊ី ត្រូវបានធានាយ៉ាងពេញលេញ»។
មេដឹកនាំរុស្ស៊ីរូបនេះបានបន្ថែមថា រុស្ស៊ីក្នុងនាមជាមហាអំណាចមួយ នឹងបន្តការប្រឹងប្រែងអភិវឌ្ឍសមត្ថភាពការពារជាតិឲ្យគ្រប់ជ្រុងជ្រោយ ក្នុងនោះមានទាំងការពង្រឹងសមត្ថភាព គុណភាព ក៏ដូចជាធនធានក្នុងយុទ្ធសាស្ត្រអាវុធនុយក្លេអ៊ែរ រួមទាំងលើកកម្ពស់ការអភិវឌ្ឍប្រកបដោយប្រសិទ្ធភាព នៃអង្គភាពយោធារុស្ស៊ីដែរ។
អ្វីដែលគួរឲ្យកត់សម្គាល់ បុរសខ្លាំងរុស្ស៊ីនេះ បានឆ្លៀតឱកាសកោតសរសើរកងកម្លាំងប្រដាប់អាវុធរុស្ស៊ី ដែលបានចូលរួមចំណែកសំខាន់ ក្នុងប្រតិបត្តិការយោធានៅបរទេស ជាពិសេសនៅស៊ីរី ដោយវាបង្ហាញឲ្យឃើញច្បាស់ថា កងទ័ពរុស្ស៊ី ត្រូវបានបំពាក់បំប៉នសមត្ថភាពយ៉ាងល្អប្រសើរ និងប្តេជ្ញាចិត្តពេញលេញ និងមោះមុត ក្នុងការបំពេញកាតព្វកិច្ចរបស់ខ្លួនក្នុងសមរភូមិនោះ។
«យើងពឹងផ្អែកលើសក្តានុពលនៃឧស្សាហកម្មយោធា រួមជាមួយសហគ្រាស និងមជ្ឈមណ្ឌលការស្រាវជ្រាវ និងអភិវឌ្ឍសមត្ថភាពយោធារបស់យើងផង។ ឧស្សាហកម្មនេះ បានបង្ហាញឲ្យឃើញពីតម្លៃ និងសមត្ថភាព ក្នុងប្រកួតប្រជែងក្នុងលំដាប់ពិភពលោករួចទៅហើយដែរ»។ លោក ពូទីន បានបន្ថែមដូច្នេះ។
តាមពិតទៅ អាវុធរុស្ស៊ីចាប់ផ្តើមមានឈ្មោះបោះសំឡេងខ្លាំង នៅពេលដែលលោក ពូទីន បញ្ជាឲ្យកងទ័ពរុស្ស៊ី ចូលអន្តរាគមន៍នៅស៊ីរីនៅខែកញ្ញាឆ្នាំ ២០១៥ តបតាមការអញ្ជើញរបស់រដ្ឋាភិបាលស៊ីរី ក្រោមហេតុផលប្រឆាំងភេរវកម្ម។ ក្រេមឡាំង បានបញ្ជូនយន្តហោះចម្បាំងផង ប្រព័ន្ធការពារដែនអាកាសផង និងកងទ័ពផង ដើម្បីចូលរួមប្រតិបត្តិការសឹកនៅស៊ីរីនេះ ហើយកងទ័ពមួយចំនួន ត្រូវបានក្រសួងការពារជាតិរុស្ស៊ី ដកត្រឡប់មករុស្ស៊ីវិញហើយដែរកន្លងមក ក្រោយសម្រេចជោគជ័យ ក្នុងការកម្ចាត់ ភេរវជន និងការពាររបបដឹកនាំក្រុងដាម៉ាស៕
នាពិធីបុណ្យជាតិរុស្ស៊ី «ថ្ងៃនៃអ្នកការពារជាតិ» ដែលត្រូវរៀបចំធ្វើឡើង នៅថ្ងៃសុក្រទី ២៣ ខែកុម្ភៈ ប្រមុខរដ្ឋរុស្ស៊ី លោក វ្ល៉ាឌីមៀ ពូទីន បានអួតអាងថា អាវុធ ក៏ដូចជាសម្ភាររុស្ស៊ី ជាប់ចំណាត់ថ្នាក់ជាផលិតផលយោធា ដែលមានសមត្ថភាពខ្ពស់ផុតគេ។
យោងតាមទីភ្នាក់ព័ត៌មានចិន Xinhua លោក ពូទីន បានអះអាងថាបន្ថែមទៀតថា សុវត្ថិភាព និងស្ថិរភាពរបស់រុស្ស៊ី ត្រូវបានធានាយ៉ាងពេញលេញផងដែរ ដោយសារសមត្ថភាព និងគុណភាពល្អដាច់គេនៃសព្វាវុធនេះ។
«ការអភិវឌ្ឍកន្លងមកបង្ហាញឲ្យឃើញថា យើងស្ថិតក្នុងចំណោមប្រទេសលំដាប់ខ្ពស់ជាងគេ ក្នុងការត្រៀមប្រយុទ្ធ ក៏ដូចជាគុណភាពនៃសព្វាវុធ និងសម្ភារយោធាផង។ ថ្ងៃនេះ យើងអាចនិយាយដោយមានទំនុកចិត្តថា សន្តិសុខរុស្ស៊ី ត្រូវបានធានាយ៉ាងពេញលេញ»។
មេដឹកនាំរុស្ស៊ីរូបនេះបានបន្ថែមថា រុស្ស៊ីក្នុងនាមជាមហាអំណាចមួយ នឹងបន្តការប្រឹងប្រែងអភិវឌ្ឍសមត្ថភាពការពារជាតិឲ្យគ្រប់ជ្រុងជ្រោយ ក្នុងនោះមានទាំងការពង្រឹងសមត្ថភាព គុណភាព ក៏ដូចជាធនធានក្នុងយុទ្ធសាស្ត្រអាវុធនុយក្លេអ៊ែរ រួមទាំងលើកកម្ពស់ការអភិវឌ្ឍប្រកបដោយប្រសិទ្ធភាព នៃអង្គភាពយោធារុស្ស៊ីដែរ។
អ្វីដែលគួរឲ្យកត់សម្គាល់ បុរសខ្លាំងរុស្ស៊ីនេះ បានឆ្លៀតឱកាសកោតសរសើរកងកម្លាំងប្រដាប់អាវុធរុស្ស៊ី ដែលបានចូលរួមចំណែកសំខាន់ ក្នុងប្រតិបត្តិការយោធានៅបរទេស ជាពិសេសនៅស៊ីរី ដោយវាបង្ហាញឲ្យឃើញច្បាស់ថា កងទ័ពរុស្ស៊ី ត្រូវបានបំពាក់បំប៉នសមត្ថភាពយ៉ាងល្អប្រសើរ និងប្តេជ្ញាចិត្តពេញលេញ និងមោះមុត ក្នុងការបំពេញកាតព្វកិច្ចរបស់ខ្លួនក្នុងសមរភូមិនោះ។
«យើងពឹងផ្អែកលើសក្តានុពលនៃឧស្សាហកម្មយោធា រួមជាមួយសហគ្រាស និងមជ្ឈមណ្ឌលការស្រាវជ្រាវ និងអភិវឌ្ឍសមត្ថភាពយោធារបស់យើងផង។ ឧស្សាហកម្មនេះ បានបង្ហាញឲ្យឃើញពីតម្លៃ និងសមត្ថភាព ក្នុងប្រកួតប្រជែងក្នុងលំដាប់ពិភពលោករួចទៅហើយដែរ»។ លោក ពូទីន បានបន្ថែមដូច្នេះ។
តាមពិតទៅ អាវុធរុស្ស៊ីចាប់ផ្តើមមានឈ្មោះបោះសំឡេងខ្លាំង នៅពេលដែលលោក ពូទីន បញ្ជាឲ្យកងទ័ពរុស្ស៊ី ចូលអន្តរាគមន៍នៅស៊ីរីនៅខែកញ្ញាឆ្នាំ ២០១៥ តបតាមការអញ្ជើញរបស់រដ្ឋាភិបាលស៊ីរី ក្រោមហេតុផលប្រឆាំងភេរវកម្ម។ ក្រេមឡាំង បានបញ្ជូនយន្តហោះចម្បាំងផង ប្រព័ន្ធការពារដែនអាកាសផង និងកងទ័ពផង ដើម្បីចូលរួមប្រតិបត្តិការសឹកនៅស៊ីរីនេះ ហើយកងទ័ពមួយចំនួន ត្រូវបានក្រសួងការពារជាតិរុស្ស៊ី ដកត្រឡប់មករុស្ស៊ីវិញហើយដែរកន្លងមក ក្រោយសម្រេចជោគជ័យ ក្នុងការកម្ចាត់ ភេរវជន និងការពាររបបដឹកនាំក្រុងដាម៉ាស៕
Tag:
វ្ល៉ាឌីមៀ ពូទីន
រុស្ស៊ី
ស៊ីរី
សព្វាវុធ
© រក្សាសិទ្ធិដោយ thmeythmey.com
