ជាតិ
គ.ជ.ប នឹងប្រកាសលទ្ធផលបឋមនៃការបោះឆ្នោតព្រឹទ្ធសភា នៅម៉ោង៣រសៀលស្អែក
× ភ្នំពេញ៖ ការបោះឆ្នោតជ្រើសតាំងសមាជិកព្រឹទ្ធសភា នីតីកាលទី៤ នឹងប្រព្រឹត្តទៅ នៅថ្ងៃអាទិត្យ ទី២៥ ខែកុម្ភៈ ឆ្នាំ២០១៨។ នៅម៉ោង៣រសៀលថ្ងៃស្អែក គណៈកម្មាធិការជាតិរៀបចំការបោះឆ្នោត (គ.ជ.ប) នឹងរៀបចំកិច្ចប្រជុំផ្សព្វផ្សាយជាមួយភាគីពាក់ព័ន្ធ ដើម្បីសរុបព្រឹត្តិការណ៍ទូទៅ ព្រមទាំងរៀបចំប្រកាសផ្សាយលទ្ធផលបឋមនៃការបោះឆ្នោតនេះ។
បើតាមសេចក្ដីជូនដំណឹងរបស់គ.ជ.ប អ្នកចូលរួមក្នុងកម្មវិធីនេះ រួមមាន តំណាងក្រុមប្រឹក្សាធម្មនុញ្ញ ក្រសួងពាក់ព័ន្ធនានា តំណាងគណបក្សនយោបាយ អង្គការមិនមែនរដ្ឋាភិបាល តំណាងស្ថានទូតជប៉ុន ជំនាញការ នៃអង្គការ JICA របស់ជប៉ុន និងជំនាញការកូរ៉េប្រចាំនៅ គ.ជ.ប រួមទាំងអ្នកសារព័ត៌មានជាតិ និងអន្តរជាតិ៕
Tag:
បោះឆ្នោតព្រឹទ្ធសភា
© រក្សាសិទ្ធិដោយ thmeythmey.com