ពីនេះ ពីនោះ
ទម្លាប់អាក្រក់ដែលមិនល្អចំពោះសុខភាពបេះដូង
×
មិនបានហាត់ប្រាណ
តើអ្នកមានហាត់ប្រាណដែរទេ? វាពិតជារឿងល្អណាស់ដែលអ្នកហាត់ប្រាណ។ ប៉ុន្តែបើសិនជាអ្នកអង្គុយជាប់ពេញមួយថ្ងៃ និងរាល់ថ្ងៃទៀតនោះ វាអាចជាបញ្ហាបាន។ អ្នកត្រូវតែមានភាពសកម្មជារៀងរាល់ថ្ងៃ។ បើសិនជាអ្នកត្រូវធ្វើការនៅការិយាល័យ ចូរចំណាយពេលដើរជារៀងរាល់ម៉ោងដើម្បីជម្រុញដល់របត់ឈាមរត់។
និយាយថា “ខ្ញុំនៅក្មេងពេក”
កុំរងចាំដល់ពេលធ្វើការចាំធ្វើឲ្យបេះដូងមានសុខភាពល្អអី។ ការហាត់ប្រាណ ញ៉ាំអាហារផ្តល់សុខភាព និងដឹងអំពីចំនួនសម្ពាធឈាម កូឡេស្តេរ៉ុល និងជាតិស្ករក្នុងឈាម គឺជារឿងល្អមួយសម្រាប់បេះដូងត្រូវការហើយ។
ញ៉ាំគ្រឿងស្រវឹងច្រើន
សម្រាប់មនុស្សភាគច្រើន ការញ៉ាំគ្រឿងស្រវឹងក្នុងកម្រិតមធ្យម គឺជារឿងធម្មតាទេ។ ការញ៉ាំគ្រឿងស្រវឹងម្តងរាល់ថ្ងៃប្រហែលជាមានប្រយោជន៍ដល់បេះដូង។ ប៉ុន្តែបើសិនជាញ៉ាំច្រើនជាងនេះវានឹងធ្វើឲ្យជាតិខ្លាញ់ក្នុងឈាមឡើងខ្ពស់ និងសម្ពាធឈាមឡើងខ្ពស់ផងដែរ។ រឿងនេះគឺជាការពិតមួយបើសិនជាអ្នកញ៉ាំគ្រឿងស្រវឹងច្រើនៗមែននោះ។
មិនបានដឹងអំពីលទ្ធផលសុខភាព
សំណួរអាចសួរថា តើកូឡេស្តេរ៉ុលក្នុងឈាមអ្នកមានប៉ុន្មាន? សម្ពាធឈាមប៉ុន្មាន? រឿងនេះអាចជាការប្រឈមមុខមួយហើយ។ វាអាចនឹងឡើងខ្ពស់ខ្លាំងដោយមិនដឹងខ្លួនផង។ ដូច្នេះ ចូរការពារខ្លួនឯងផង។ ការចាប់ផ្តើមរឿងនេះគួរតែធ្វើនៅអាយុ ២០ឆ្នាំទៅ ហើយក៏ត្រូវតែទៅជួបគ្រូពេទ្យជាទៀងទាត់ផងដែរ។
អត់មានចង្កេះ
ខ្លាញ់ក្បាលគឺជារឿងអាក្រក់មួយសម្រាប់សុខភាពបេះដូង។ ដូច្នេះចូរធ្វើយ៉ាងណាកាត់បន្ថយទំហំចង្កេះផងបើសិនជាចង់ឲ្យបេះដូងមានសុខភាពល្អ។ ស្ត្រីដែលមានរង្វាស់ចង្កេះធំជាង ៨៩សង់ទីម៉ែត្រ និងបុរសដែលមានរង្វាស់ចង្កេះធំជាង ១០១.៥សង់ទីម៉ែត្រសុទ្ធតែជាសញ្ញាគ្រោះថ្នាក់ហើយ។ ដូច្នេះយកល្អគួរតែព្យាយាមសម្រកទម្ងន់ខ្លះហើយ។
ស្រូបផ្សែងបារីពីគេ
ការស្រូបផ្សែងបារីពីនរណាម្នាក់អាចធ្វើឲ្យបេះដូង និងសរសៃឈាមមានជំងឺបាន។ អ្នកត្រូវតែចៀសវាងរឿងនេះឲ្យបានផង។ បើសិនជាអ្នកចំណាយពេលវេលាច្រើននៅជាមួយអ្នកដែលជក់បារីមែន យកល្អគួរតែកុំបន្តទៀតអីបើសិនជាចង់ឲ្យមានសុខភាពបេះដូងល្អ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com