អេស៊ីលីដា ថា មានជនខិលខូចបន្លំយកឈ្មោះធនាគារខ្លួន ទៅឆបោកប្រាក់ពីអតិថិជន

ជាតិ

អេស៊ីលីដា ថា មានជនខិលខូចបន្លំយកឈ្មោះធនាគារខ្លួន ទៅឆបោកប្រាក់ពីអតិថិជន

24, Feb 2018 , 3:19 pm

រូបភាព

ដោយ: ថ្មីៗ

ភ្នំពេញ៖ ធនាគារ អេស៊ីលីដា ភីអិលស៊ី បានប្រកាសពីករណីមានជនខិលខូចមួយចំនួនយកឈ្មោះធនាគារមួយនេះ ទៅទារប្រាក់ពីអតិថិជន និងសាធារណជន ជាថ្នូរនឹងថ្លៃរត់ការដើម្បីឲ្យអតិថិជននោះទទួលបានរង្វាន់ជាទឹកប្រាក់។ នេះបើតាមសេចក្ដីប្រកាសព័ត៌មានដែលផ្សព្វផ្សាយលើគេហទំព័ររបស់ធនាគារអេស៊ីលីដា។

សេចក្ដីប្រកាសព័ត៌មានដដែលនេះបានឲ្យដឹងយ៉ាងដូច្នេះថា៖«ក្នុងរយៈពេលកន្លងទៅថ្មីៗនេះ មានជនខិលខូចមួយចំនួនបានអះអាងថាខ្លួនជាបុគ្គលិករបស់ធនាគារអេស៊ីលីដា ឬយកឈ្មោះធនាគារអេស៊ីលីដា ទៅប្រើប្រាស់ដើម្បីឆបោកប្រាក់ពីអតិថិជន និងសាធារណជនមួយចំនួន តាមរយៈទូរស័ព្ទ ឬតាមមធ្យោបាយផ្សេងៗទៀត ដោយតម្រូវឲ្យអតិថិជន និងសាធារណជនផ្ទេរប្រាក់មួយចំនួនជាមុនសិន ដើម្បីចំណាយរត់ការ ជាថ្នូរនឹងការទទួលបានរង្វាន់ជាទឹកប្រាក់ពីធនាគារអេស៊ីលីដា»។

ធនាគារអេស៊ីលីដា ពុំមានកម្មវិធីចាប់ឆ្នោតផ្សងសំណាង ឬផ្ដល់រង្វាន់ជាទឹកប្រាក់ណាមួយជូនអតិថិជន និងសាធារណជនឡើយ។ នេះបើតាមសេចក្ដីប្រកាសព័ត៌មានខាងលើ ដែលបានបន្តថា បើសាធារណជនមានចម្ងល់ពីបញ្ហានេះ អាចទាក់ទងទៅធនាគារនេះដោយផ្ទាល់៕

ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ

6 ថ្ងៃ

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

3 ថ្ងៃ

តើពាក្យ«បច្ច័យ»មានន័យច្បាស់លាស់ដូចម្តេច?

1 សប្តាហ៍

សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង

5 ថ្ងៃ

«មជ្ឈការ»មានន័យខុសពី«វិមជ្ឈការ»ដូចម្តេច?

1 ថ្ងៃ

អត្ថបទពេញនិយមបន្ថែម