ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ពីនេះ ពីនោះ
សំរាមថង់ប្លាស្ទិកវាយលុកទន្លេសាប រំខានជីវិតមច្ឆជាតិ
17, Apr 2018 ,
8:39 am
រូបភាព
×
ដោយ:
ថ្មីៗ
ទន្លេសាប មានប្រវែង ១២០គីឡូម៉ែត្រ គឺជាទន្លេដែលតភ្ជាប់ទន្លេ មេគង្គ និងបឹងទន្លេសាប។ ក្នុងកំឡុងពេលរដូវភ្លៀងមូសុងវស្សា ចាប់ពីខែ កក្កដា ដល់ខែវិច្ឆិកាជាប្រចាំឆ្នាំ ទឹកទន្លេមេគង្គចាប់ផ្តើមឡើង ទឹកក៏ហូរចូលក្នុងទន្លេសាប និងបន្តហូរចូលទៅក្នុងបឹងទន្លេសាបទៀត។
នៅពេលដែលភ្លៀងមូសុងវស្សាថយចុះក្នុងវិច្ឆិកា ទឹកទន្លេមេគង្គស្រកចុះ ទឹកបឹងទន្លេសាប ក៏ហូរចេញមកឆ្លងកាត់ទន្លេសាប ចូលក្នុងទន្លេមេគង្គវិញដែរ។ ក្នុងនោះ ហ្វូងមច្ឆជាតិដ៏ច្រើនឥតគណនា ក៏បានធ្វើចរាចរផ្លាស់ទី ចេញពីបឹងទន្លេសាប ត្រឡប់ចូលទៅក្នុងទន្លេមេគង្គវិញផងដែរ។
ត្រីរៀល ដែលជាប្រភេទត្រីធ្វើចរាចរផ្លាស់ទីដ៏ច្រើនលើសលប់ ចេញពីបឹងទន្លេសាប
យោងតាមប្រសាសន៍របស់លោកបណ្ឌិត ហ្សេប ហូហ្គេន ជាសមាជិក និងជាអ្នករៀបចំកម្មវិធីទូរទស្សន៍ភូមិសាស្ត្រជាតិ (National Geographic) និង ជាអ្នកដឹកនាំគម្រោងអច្ឆរិយភាពនៃទន្លេមេគង្គ (Wonders of the Mekong) ដែលបានដកស្រង់ចេញពី៖
https://news.nationalgeographic.com/2017/03/mekong-river-fish-migrations/
បានឲ្យដឹងថា «ទន្លេសាប គឺជាទីតាំងធ្វើចរាចរផ្លាស់ទីដ៏ធំបំផុតក្នុងលោក របស់មច្ឆជាតិ ដែលអាចប្រៀបប្រដូចបានទៅនឹងពពួកគោព្រៃ ដែលធ្វើចរាចរផ្លាស់ទីនៅតំបន់វាលទំនាបអាហ្វ្រិកខាងកើត និងពពួកសត្វក្តាន់ធ្វើចរាចរផ្លាស់ទី ឆ្លងកាត់តំបន់វាលទឹកកកអាឡាស្កា Alaska ដូច្នោះដែរ។
ក្នុងនោះផងដែរ ក៏មានការប្រៀបប្រដូចមួយទៀត គឺការធ្វើដំណើរតាមផ្លូវអាកាស នៃពពួកមេអំបៅរាជា ដែលស្វែងរកទីជម្រកនៅលើភ្នំ នៅក្នុងប្រទេសម៉ិកស៊ិកកូ ឬក៏ពពួកចាបបៃតង ដែលធ្វើដំណើររាប់ពាន់គីឡូម៉ែត្រ ដើម្បីទៅដល់ទីជម្រករដូវរងារ ក្នុងតំបន់ត្រូពិករបស់ពួកវា។
ប៉ុន្តែ ការធ្វើចរាចរផ្លាស់ទីដ៏សំខាន់បំផុតមួយ គឺជាការធ្វើចរាចរផ្លាស់ទីដ៏ធំ ដែលមានចំនួនមច្ឆជាតិចូលរួមច្រើនបំផុត បានកើតឡើងដោយយើងមិនអាចមើលឃើញនោះ គឺនៅក្នុងបាតទន្លេសាប។ ត្រីរាប់ពាន់ លានក្បាល បានធ្វើចរាចរផ្លាស់ទី ជារៀងរាល់ឆ្នាំ ដែលជាការផ្លាស់ទីដ៏ធំអស្ចារ្យបំផុតមួយ មិនគួរឲ្យជឿនៅលើភពផែនដីនេះ»។ លោកបណ្ឌិត ហ្សេប ហូហ្គេន បានបន្តទៀតថា «វាគឺជាព្រឹត្តិការណ៍ដ៏ធំអស្ចារ្យដែលមនុស្សភាគច្រើនមិនដែលបានដឹង មិនដែលបានឮអំពីវា»។
សម្រាមថង់ប្លាសិ្ទកដែលហូរចូលក្នុងឧបករណ៍នេសាទ «ដាយត្រី» នៅក្នុងទន្លេសាបក្បែររាជធានីភ្នំពេញ
ប៉ុន្តែ រយៈពេលចុងក្រោយនេះ ប្រទេសកម្ពុជាមានការរីកចម្រើន ក្នុងនោះ ថង់ប្លាសិ្ទកត្រូវបានគេនិយមប្រើប្រាស់យ៉ាងទូលំទូលាយ និងគ្រប់ទីកន្លែងផងដែរ។ ដោយសារតែវាមានតម្លៃថោក ងាយស្រួលរក និងងាយស្រួលប្រើ ថង់ប្លាស្ទិកនៅក្នុងប្រទេសកម្ពុជា គេអាចឃើញវានៅស្ទើរគ្រប់ទីកន្លែង។ ចាប់ផ្តើមចេញពីទីផ្សារ ឬកន្លែងលក់ដូរនានា បន្ទាប់មក ត្រូវបានគេបោះចោលនៅតាមផ្លូវ តាមទន្លេ អូរ ស្ទឹង បឹងបួរជាដើម។ នៅក្នុងទន្លេសាប ពេលខ្លះ អ្នកនេសាទ ចាប់បានសម្រាមថង់ប្លាសិ្ទក ច្រើនជាងត្រី។
តើនឹងមានអ្វីកើតឡើង រយៈពេល១០ឆ្នាំក្រោយ នៅក្នុងទន្លេ ដែលអ្នកជីវវិទ្យាដ៏ល្បីចាត់ទុកថា ជាការធ្វើចរាចរផ្លាស់ទីដ៏ធំ និងអស្ចារ្យបំផុតមួយ និងមិនគួរឲ្យជឿនៅលើភពផែនដី បើទម្លាប់នៃការប្រើប្រាស់ថង់ប្លាសិ្ទក និងការបោះចោលសម្រាមចូលទៅក្នុងទន្លេ មិនមានការកែប្រែនោះ?
សម្រាមថង់ប្លាសិ្ទកនៅក្នុងទន្លេសាបក្បែររាជធានីភ្នំពេញ ដែលហូរតាមទឹកចូលក្នុងឧបករណ៍នេសាទ «ដាយត្រី»
(អត្ថបទ និងរូបភាពដោយ Chhut Chheana USAID Wonders of the Mekong).
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
4 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
2 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
4 ថ្ងៃ
អត្ថបទពេញនិយមបន្ថែម