ជាតិ
រថយន្ត
សុវត្តិភាព ចរាចរណ៍
គ្រោះថ្នាក់ចរាចរណ៍ឆក់យកជីវិតមនុស្ស ១៤៣នាក់ ក្នុងរយៈពេល២៥ថ្ងៃ នៃខែកុម្ភៈ
× ភ្នំពេញ៖ របាយការណ៍នាយកដ្ឋានចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានឲ្យដឹងថារយៈពេល ២៥ថ្ងៃ ចាប់ពីថ្ងៃទី១ ដល់ថ្ងៃទី២៥ ខែកុម្ភៈ នេះ គ្រោះថ្នាក់ចរាចរណ៍កើតឡើងទូទាំងប្រទេសចំនួន ២៣២លើក ដែលបានបណ្តាលឲ្យមនុស្សចំនួន ១៤៣នាក់ស្លាប់ និងជាង៣៦០នាក់របួស។
ចំនួនគ្រោះថ្នាក់សរុប បានថយចុះ ៨លើក ស្មើនឹង ៨ភាគរយ បើធៀបនឹងរយៈពេលដូចគ្នាក្នុងខែមករា ឆ្នាំ២០១៨ ប៉ុន្តែអ្នកស្លាប់កើន ៩នាក់ ស្មើនឹង៧ភាគរយ ខណៈអ្នករបួសកើនឡើង ៤២នាក់ ស្មើនឹង ១០ភាគរយ។ នេះតាមរបាយការណ៍ដដែល ដោយបានបញ្ជាក់ពីមូលហេតុថា បណ្ដាលមកពី បើកបរលើសល្បឿនកំណត់ ស្រវឹង វ៉ាជែង បត់ឆ្វេង-ស្ដាំ បើកបរមិនប្រកាន់ស្ដាំ មិនគោរពសិទ្ធិអាទិភាពគ្នា ងងុយដេក និងកត្តាយានយន្ត។
លទ្ធផលត្រួតពិនិត្យការអនុវត្តច្បាប់ចរាចរណ៍ថ្ងៃទី២៥ កុម្ភៈ ២០១៨ គិតពីម៉ោង១៤ ថ្ងៃទី២៤ កុម្ភៈ ដល់ម៉ោង១៤ ថ្ងៃទី២៥ កុម្ភៈ ២០១៨ រួមមាន ៖ មធ្យោបាយចូលគោលដៅ ២១២១ គ្រឿង (ម៉ូតូ៦០%) , មធ្យោបាយល្មើស ២៨៧ គ្រឿង (ម៉ូតូ៦៨%) ,អប់រំ ១៦១គ្រឿង ស្មើរ៥៦% , ពិន័យ ១២៦ គ្រឿង (បង់ប្រាក់៩៧%) ។
រីឯលទ្ធផលត្រួតពិនិត្យការអនុវត្តច្បាប់ចរាចរណ៍ផ្លូវគោករយៈពេល ១៦ថ្ងៃ ចាប់ពីថ្ងៃទី១ដល់១៦ ខែកុម្ភៈនេះ មធ្យោបាយចូលគោលដៅមាន ៦២,២៦៩គ្រឿង ក្នុងនេះម៉ូតូ ៥៦ភាគរយ និងមធ្យោបាយល្មើស ៨,៥៨០គ្រឿង ក្នុងនេះម៉ូត ៧១ភាគរយ ហើយនិងអប់រំ ៩,៩៨១គ្រឿង ក្នុងនេះម៉ូតូ ៥៨ភាគរយ ចំពោះមធ្យោបាយពិន័យ ៣៥៩៩គ្រឿង ក្នុងនេះម៉ូតូ ៨៨ភាគរយ។
ចំណែកការត្រួតពិនិត្យយានយន្តនៅរាជធានីភ្នំពេញ រយៈពេល ១៦ថ្ងៃ ចាប់ពីថ្ងៃទី១ដល់១៦ ខែកុម្ភៈនេះ ឃាត់យានយន្តសរុបចំនួន ៧,៤៤៤គ្រឿង ក្នុងចំនួននេះដែរ ជិះម៉ូតូបញ្ច្រាស ១៩១២គ្រឿងចំនួននេះ ពិន័យរួច ១៣១៨គ្រឿង និងមិនទាន់ពិន័យ ៥៩៤គ្រឿង និងមិនពាក់មួកសុវត្ថិភាព ៤៩៦៩គ្រឿង ចំនួននេះពិន័យរួច ២៧៤០គ្រឿង និងមិនទាន់ពិន័យ ២២២៩គ្រឿង ហើយនិងម៉ូតូគ្មានស្លាកលេខ ៧៧គ្រឿង ពិន័យរួច ៥៦គ្រឿង និងមិនទាន់ពិន័យ ២១គ្រឿង។
ចំពោះការត្រួតពិនិត្យរថយន្តធុនធ្ងន់ នៅតាមរាជធានី-ខេត្ត រយៈពេល ៧ថ្ងៃ ចាប់ពីថ្ងៃទី១០ ដល់១៦ ខែកុម្ភៈ នេះ មានចំនួន ១៥,៩៨៩គ្រឿង ក្នុងចំនួននេះ រថយន្ដល្មើស ១,១០៦គ្រឿង និងកាត់ទ្រុងតនៅនឹងកន្លែង ៥៩៨គ្រឿង ហើយនិងល្មើសឯកសារ ៣២៥គ្រឿង៕
Tag:
គ្រោះថ្នាក់ចរាចរណ៍-ស្លាប់
យានយន្ត
© រក្សាសិទ្ធិដោយ thmeythmey.com