កីឡាជាតិ
ជាតិ
លោក កែវ កុសល គ្រូបង្វឹកក្រុមបឹងកេត(ស្តាំ)និយាយក្នុងសន្និសីទសារព័ត៌មានមុនការប្រកួតកាលពីថ្ងៃទី៥ មីនា
×![]()
ក្រុមបឹងកេតត្រូវតទល់ជាមួយក្រុម Home United របស់សិង្ហបុរី នាជំនួបវគ្គសន្សំពិន្ទុពូល F នៃព្រឹត្តិការណ៍ AFC Cup ប្រចាំឆ្នាំ២០១៨ នាវេលាម៉ោង៦:៣០នាទីល្ងាចថ្ងៃទី៦ ខែមីនា ឆ្នាំ២០១៨ នៅពហុកីឡដ្ឋានជាតិ។ ជាមួយគ្នានេះ បឹងកេតរំពឹងប្រើភាពមានប្រៀបក្នុងនាមជាម្ចាស់ផ្ទះយកឈ្នះលើគូប្រជែង ដើម្បីបង្កើនទំនុកចិត្តឡើងវិញសម្រាប់អ្នកគាំទ្រ បន្ទាប់ពីខកចិត្តផ្ទួនៗគ្នា។
បឹងកេតរំពឹងថា ខ្លួនអាចប្រើភាពមានប្រៀបជាម្ចាស់ផ្ទះយកឈ្នះក្រុម Home United របស់សិង្ហបុរី ដើម្បីប៉ះប៉ូវចិត្តអ្នកគាំទ្រ ក៏ដូចជាស្តារស្ថានការណ៍អាក្រក់ឲ្យមានភាពល្អប្រសើរឡើងនៅល្ងាចនេះ។ ការរំពឹងបែបនេះ បន្ទាប់ពីបឹងកេតបានធ្វើឲ្យអ្នកគាំទ្ររងការខកចិត្តជាបន្តបន្ទាប់ តាមរយៈការចាញ់ក្រុម Ceres Negros របស់ហ្វីលីពីន ៩-0 នៅក្រៅទឹកដី និងចាញ់ Shan United របស់មីយ៉ាន់ម៉ា ១-០ នៅលើទឹកដីខ្លួនឯង។
ក្នុងសន្និសីទសារព័ត៌មានកាលពីថ្ងៃទី៥ មីនា គ្រូបង្វឹកបឹងកេត លោក កែវ កុសល បានបញ្ជាក់យ៉ាងដូច្នេះថា៖«គ្រប់ការប្រកួតយើងតែងតែត្រៀមខ្លួនដើម្បីយកឈ្នះលើគូប្រកួតជានិច្ច។ ដូច្នេះ ថ្ងៃនេះជាការប្រកួតក្នុងទឹកដីរបស់យើង យើងនឹងប្រឹងប្រែងឲ្យអស់ពីសមត្ថភាព ដើម្បីធ្វើឲ្យអ្នកគាំទ្រយើងសប្បាយចិត្ត ព្រោះពីរប្រកួតកន្លងមកយើងមិនទាន់មាន១ពិន្ទុនោះទេ»។
ប៉ុន្តែវាមិនមែនជារឿងងាយស្រួលសម្រាប់បឹងកេតក្នុងការយកឈ្នះនោះឡើយ ព្រោះ Home United ជាក្រុមខ្លាំងដែលកំពុងឈរលេខរៀងទី២ក្នុងពូល F ដោយមាន៤ពិន្ទុស្មើក្រុមកំពូលតារាង Ceres Negros។ លើសពីនេះ ពីរប្រកួតកន្លងមកក្រុមនេះមិនដែលស្គាល់ពាក្យថាបរាជ័យឡើយ។ នាការប្រកួតបើកឆាកក្រុមនេះបានយកឈ្នះក្រុមម្ចាស់ផ្ទះ Shan United ក្នុងលទ្ធផល ១-០ ហើយបានបន្តស្មើ ១-១ ជាមួយក្រុម Ceres Negros ដែលបានយកឈ្នះបឹងកេត ៩-០ ទៀតផង។
ទន្ទឹមនឹងសង្ឃឹមប្រើភាពមានប្រៀបក្នុងនាមជាម្ចាស់ផ្ទះយកឈ្នះលើគូប្រកួត បឹងកេតក៏បានបង្ហាញពីក្តីកង្វល់ចំពោះបញ្ហារបួសរបស់កីឡាករផងដែរ។ បើយោងតាម លោក កែវ កុសល គ្រូបង្វឹកក្រុមបឹងកេត ក្នុងជំនួបតទល់ជាក្រុមសិង្ហបុរីល្ងាចនេះ កីឡាករបឹងកេត៤ទៅ៥នាក់កំពុងញាំញីដោយរបួស ដែលបានប៉ះទង្គិចក្នុងជំនួបជាមួយក្រុមអាស៊ីអឺរ៉ុប នាការក្របខណ្ឌលីគកំពូលកម្ពុជាកាលពីថ្ងៃអាទិត្យ សប្តាហ៍មុន។
បឹងកេតត្រូវបើកទ្វារពហុកីឡដ្ឋានជាតិស្វាគមន៍ក្រុមភ្ញៀវ Home United សម្រាប់ជំនួបវគ្គសន្សំពិន្ទុពូល F នៃព្រឹត្តិការណ៍ AFC Cup 2018 នាវេលាម៉ោង ៦:៣០នាទីល្ងាចថ្ងៃអង្គារ៍ទី៦ មីនា នេះ។ ជាមួយគ្នានេះ ក្រុម Ceres Negros ប្រជែងជាមួយក្រុម Shan United នាវេលាម៉ោង៦:៣០នាទី(ម៉ោងនៅកម្ពុជា)នៅកីឡដ្ឋាន Panaad Park and Stadium ប្រទេសហ្វីលីពីន៕
បឹងកេតរំពឹងថា ខ្លួនអាចប្រើភាពមានប្រៀបជាម្ចាស់ផ្ទះយកឈ្នះក្រុម Home United របស់សិង្ហបុរី ដើម្បីប៉ះប៉ូវចិត្តអ្នកគាំទ្រ ក៏ដូចជាស្តារស្ថានការណ៍អាក្រក់ឲ្យមានភាពល្អប្រសើរឡើងនៅល្ងាចនេះ។ ការរំពឹងបែបនេះ បន្ទាប់ពីបឹងកេតបានធ្វើឲ្យអ្នកគាំទ្ររងការខកចិត្តជាបន្តបន្ទាប់ តាមរយៈការចាញ់ក្រុម Ceres Negros របស់ហ្វីលីពីន ៩-0 នៅក្រៅទឹកដី និងចាញ់ Shan United របស់មីយ៉ាន់ម៉ា ១-០ នៅលើទឹកដីខ្លួនឯង។
ក្នុងសន្និសីទសារព័ត៌មានកាលពីថ្ងៃទី៥ មីនា គ្រូបង្វឹកបឹងកេត លោក កែវ កុសល បានបញ្ជាក់យ៉ាងដូច្នេះថា៖«គ្រប់ការប្រកួតយើងតែងតែត្រៀមខ្លួនដើម្បីយកឈ្នះលើគូប្រកួតជានិច្ច។ ដូច្នេះ ថ្ងៃនេះជាការប្រកួតក្នុងទឹកដីរបស់យើង យើងនឹងប្រឹងប្រែងឲ្យអស់ពីសមត្ថភាព ដើម្បីធ្វើឲ្យអ្នកគាំទ្រយើងសប្បាយចិត្ត ព្រោះពីរប្រកួតកន្លងមកយើងមិនទាន់មាន១ពិន្ទុនោះទេ»។
ប៉ុន្តែវាមិនមែនជារឿងងាយស្រួលសម្រាប់បឹងកេតក្នុងការយកឈ្នះនោះឡើយ ព្រោះ Home United ជាក្រុមខ្លាំងដែលកំពុងឈរលេខរៀងទី២ក្នុងពូល F ដោយមាន៤ពិន្ទុស្មើក្រុមកំពូលតារាង Ceres Negros។ លើសពីនេះ ពីរប្រកួតកន្លងមកក្រុមនេះមិនដែលស្គាល់ពាក្យថាបរាជ័យឡើយ។ នាការប្រកួតបើកឆាកក្រុមនេះបានយកឈ្នះក្រុមម្ចាស់ផ្ទះ Shan United ក្នុងលទ្ធផល ១-០ ហើយបានបន្តស្មើ ១-១ ជាមួយក្រុម Ceres Negros ដែលបានយកឈ្នះបឹងកេត ៩-០ ទៀតផង។
ទន្ទឹមនឹងសង្ឃឹមប្រើភាពមានប្រៀបក្នុងនាមជាម្ចាស់ផ្ទះយកឈ្នះលើគូប្រកួត បឹងកេតក៏បានបង្ហាញពីក្តីកង្វល់ចំពោះបញ្ហារបួសរបស់កីឡាករផងដែរ។ បើយោងតាម លោក កែវ កុសល គ្រូបង្វឹកក្រុមបឹងកេត ក្នុងជំនួបតទល់ជាក្រុមសិង្ហបុរីល្ងាចនេះ កីឡាករបឹងកេត៤ទៅ៥នាក់កំពុងញាំញីដោយរបួស ដែលបានប៉ះទង្គិចក្នុងជំនួបជាមួយក្រុមអាស៊ីអឺរ៉ុប នាការក្របខណ្ឌលីគកំពូលកម្ពុជាកាលពីថ្ងៃអាទិត្យ សប្តាហ៍មុន។
បឹងកេតត្រូវបើកទ្វារពហុកីឡដ្ឋានជាតិស្វាគមន៍ក្រុមភ្ញៀវ Home United សម្រាប់ជំនួបវគ្គសន្សំពិន្ទុពូល F នៃព្រឹត្តិការណ៍ AFC Cup 2018 នាវេលាម៉ោង ៦:៣០នាទីល្ងាចថ្ងៃអង្គារ៍ទី៦ មីនា នេះ។ ជាមួយគ្នានេះ ក្រុម Ceres Negros ប្រជែងជាមួយក្រុម Shan United នាវេលាម៉ោង៦:៣០នាទី(ម៉ោងនៅកម្ពុជា)នៅកីឡដ្ឋាន Panaad Park and Stadium ប្រទេសហ្វីលីពីន៕
Tag:
AFC Cup 2018
បឹងកេត
កែវ កុសល
© រក្សាសិទ្ធិដោយ thmeythmey.com
