កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
កំពូលអ្នកប្រដាល់ម៉ិកស៊ិក Saul Canelo Alvarez ដែលនឹងត្រូវឡើងជម្រះបញ្ជីគ្នាក្នុងជំនួបលើកទី២ ជាមួយម្ចាស់ជើងឯកទម្ងន់មធ្យមពិភពលោក Gennady Golovkin ត្រូវបានរកឃើញថាមានផ្ទុកសារធាតុហាមឃាត់បន្ទាប់ពីបរិភោគសាច់កខ្វក់។ នេះបើតាមសម្តីរបស់អ្នកផ្គូរផ្គងកីឡាប្រដាល់ Golden Boy (លោក Oscar De La Hoya) កាលពីថ្ងៃទី៥ ខែមីនា។
ទីភ្នាក់ងារព័ត៌មាន Reuters បានផ្សាយដូច្នេះថា ការធ្វើតេស្តដោយស្ម័គ្រចិត្តមួយបានបង្ហាញថា Alvarez មានស្នាមកាកសំណល់នៃសារធាតុ Clenbuterol ក្នុងខ្លួនរបស់គេបន្ទាប់ពីបានបរិភោគសាច់កខ្វក់ ដែលសារធាតុនេះត្រូវបានហាមឃាត់ប្រើប្រាស់ក្នុងសកម្មភាពកីឡា។ Clenbuterol ត្រូវបានគេប្រើដើម្បីព្យាបាលជំងឺហឺតប៉ុន្តែវាក៏អាចជួយបង្កើតម៉ាសសាច់ដុំខ្លាញ់ និងដុតជាតិខ្លាញ់ពីរាងកាយផងដែរ។
ក្រោយការពិនិត្យឃើញសារធាតុនេះអ្នកប្រដាល់សវ័យ២៧ឆ្នាំ បាននិយាយថា៖«ខ្ញុំជាអត្តពលិកដែលគោរពកីឡាហើយរឿងនេះធ្វើឲ្យខ្ញុំភ្ញាក់ផ្អើល និងរំខានខ្ញុំព្រោះវាមិនដែលកើតឡើងចំពោះខ្ញុំទេ។ ខ្ញុំនឹងដាក់រាល់ការធ្វើតេស្តទាំងអស់ដែលតម្រូវឲ្យខ្ញុំបញ្ជាក់ពីស្ថានភាពដ៏អាម៉ាស់នេះ ហើយខ្ញុំជឿជាក់ថានៅទីបញ្ចប់សេចក្តីពិតនឹងត្រូវបង្ហាញ»។
លើសពីនេះទៀតនោះ អ្នកប្រដាល់ដែលធ្លាប់ប្រកួត ៥១ដង ឈ្នះ៤៩ ស្មើ១ និងចាញ់ម្តង ក៏បានបន្ទោសទៅលើការចម្លងរោគសាច់ដែលបានប៉ះពាល់ដល់អត្តពលិករាប់សិបនាក់នៅម៉ិកស៊ិកក្នុងរយៈពេលប៉ុន្មានឆ្នាំចុងក្រោយនេះ។ ហើយដោយសារបញ្ហានេះ បច្ចុប្បន្ន Alvarez ត្រូវផ្លាស់ទីហ្វឹកហាត់របស់គេ ពីម៉ិកស៊ីកូទៅសហរដ្ឋអាមេរិកវិញ និងបន្តពិនិត្យរកសារធាតុហាមឃាត់ទៀត។
បើទោះបីជា Alvarez មានផ្ទុកសារធាតុនេះក៏ដោយ ប៉ុន្តែការប្រកួតរបស់គេ ទល់នឹងអ្នកប្រដាល់មិនស្គាល់ចាញ់សញ្ជាតិកាហ្សាក់ស្ថាន Gennady Gennadyevich Golovkin នៅថ្ងៃទី៥ ខែឧសភា ឆ្នាំ២០១៨ នៅតែបន្តដរដែល៕
ទីភ្នាក់ងារព័ត៌មាន Reuters បានផ្សាយដូច្នេះថា ការធ្វើតេស្តដោយស្ម័គ្រចិត្តមួយបានបង្ហាញថា Alvarez មានស្នាមកាកសំណល់នៃសារធាតុ Clenbuterol ក្នុងខ្លួនរបស់គេបន្ទាប់ពីបានបរិភោគសាច់កខ្វក់ ដែលសារធាតុនេះត្រូវបានហាមឃាត់ប្រើប្រាស់ក្នុងសកម្មភាពកីឡា។ Clenbuterol ត្រូវបានគេប្រើដើម្បីព្យាបាលជំងឺហឺតប៉ុន្តែវាក៏អាចជួយបង្កើតម៉ាសសាច់ដុំខ្លាញ់ និងដុតជាតិខ្លាញ់ពីរាងកាយផងដែរ។
ក្រោយការពិនិត្យឃើញសារធាតុនេះអ្នកប្រដាល់សវ័យ២៧ឆ្នាំ បាននិយាយថា៖«ខ្ញុំជាអត្តពលិកដែលគោរពកីឡាហើយរឿងនេះធ្វើឲ្យខ្ញុំភ្ញាក់ផ្អើល និងរំខានខ្ញុំព្រោះវាមិនដែលកើតឡើងចំពោះខ្ញុំទេ។ ខ្ញុំនឹងដាក់រាល់ការធ្វើតេស្តទាំងអស់ដែលតម្រូវឲ្យខ្ញុំបញ្ជាក់ពីស្ថានភាពដ៏អាម៉ាស់នេះ ហើយខ្ញុំជឿជាក់ថានៅទីបញ្ចប់សេចក្តីពិតនឹងត្រូវបង្ហាញ»។
លើសពីនេះទៀតនោះ អ្នកប្រដាល់ដែលធ្លាប់ប្រកួត ៥១ដង ឈ្នះ៤៩ ស្មើ១ និងចាញ់ម្តង ក៏បានបន្ទោសទៅលើការចម្លងរោគសាច់ដែលបានប៉ះពាល់ដល់អត្តពលិករាប់សិបនាក់នៅម៉ិកស៊ិកក្នុងរយៈពេលប៉ុន្មានឆ្នាំចុងក្រោយនេះ។ ហើយដោយសារបញ្ហានេះ បច្ចុប្បន្ន Alvarez ត្រូវផ្លាស់ទីហ្វឹកហាត់របស់គេ ពីម៉ិកស៊ីកូទៅសហរដ្ឋអាមេរិកវិញ និងបន្តពិនិត្យរកសារធាតុហាមឃាត់ទៀត។
បើទោះបីជា Alvarez មានផ្ទុកសារធាតុនេះក៏ដោយ ប៉ុន្តែការប្រកួតរបស់គេ ទល់នឹងអ្នកប្រដាល់មិនស្គាល់ចាញ់សញ្ជាតិកាហ្សាក់ស្ថាន Gennady Gennadyevich Golovkin នៅថ្ងៃទី៥ ខែឧសភា ឆ្នាំ២០១៨ នៅតែបន្តដរដែល៕
អត្ថបទទាក់ទង
Tag:
ប្រដាល់
សារធាតុហាមឃាត់
Saul Canelo Alvarez
Gennady Golovkin
© រក្សាសិទ្ធិដោយ thmeythmey.com
