អាជ្ញាធរដុតបំផ្លាញ ថ្នាំពេទ្យ, គ្រឿងសំអាង, ភេសជ្ជៈ និងទំនិញខុសច្បាប់ផ្សេងទៀត ជាង១១តោន

ជាតិ

សេដ្ឋកិច្ច

អាជ្ញាធរដុតបំផ្លាញ ថ្នាំពេទ្យ, គ្រឿងសំអាង, ភេសជ្ជៈ និងទំនិញខុសច្បាប់ផ្សេងទៀត ជាង១១តោន

06, Mar 2018 , 8:19 pm

រូបភាព

ដោយ: ថ្មីៗ

ទំនិញ៦ប្រភេទ មានថ្នាំពេទ្យ, គ្រឿងសំអាង, ភេសជ្ជៈប៉ូវកម្លាំង និងសំបកវេខ្ចប់, បៀរនីឡុង(ROYAL), ប្រេងម៉ាស៊ីន(HXS-FORMULAR-1) និងស្រាកែច្នៃ ពុំត្រឹមត្រូវតាមបទដ្ឋានបច្ចេកទេស សរុបទាំងអស់ជាង១១តោន ត្រូវបានអាជ្ញាធរដុតបំផ្លាញចោល នៅថ្ងៃទី៦ ខែមីនា។

នេះជាលើកទី២៦ហើយ ដែលនាយកដ្ឋាននគរបាលប្រឆាំងបទល្មើសសេដ្ឋកិច្ច បានដុតបំផ្លាញចោល នូវមុខផលិតផលទំនិញហាមឃាត់ ដូចជាទំនិញខូចគុណភាព ទំនិញ និងផលិតផលក្លែងក្លាយ ទំនិញ និងផលិតផលនាំចូលគ្មានច្បាប់អនុញ្ញាតិ ផលិតផលគ្រឿងសំអាងលាយសារធាតុគីមីខុសច្បាប់ ឱសថក្លែងក្លាយ ចំណីអាហារ និងសាច់ខូចគុណភាព ព្រមទាំងសារធាតុគីមីខុសច្បាប់ផ្សេងៗ។ ទន្ទឹមនឹងនេះ ស្ថាប័នជំនាញដដែល ក៏ប្តេជ្ញាបន្តកិច្ចខំប្រឹងប្រែងក្នុងការបង្ក្រាបរាល់បទល្មើសទាំងនេះ ដើម្បីចៀសវាងការប៉ះពាល់ដល់សេដ្ឋកិច្ចជាតិ និងជាពិសេសប៉ះពាល់សុខភាពពលរដ្ឋ៕