កីឡាអន្តរជាតិ
អន្តរជាតិ
×![]()
ដោយ: ទេព ពិទូរ្យ
លោក Mauricio Pochettino ទទួលស្គាល់ថាក្រុម Tottenham Hotspur មានកំហុសឆ្គងធំៗ ២ លើក ក្រោយចាញ់ Juventus ២-១ ក្នុងការប្រកួតជើងទី២ វគ្គ ១៦ក្រុមចុងក្រោយ នៃពានរង្វាន់ UEFA Champions League នៅរាត្រីថ្ងៃទី ៧ ខែមីនា។ នេះបើតាមការផ្សាយរបស់ទីភ្នាក់ងារព័ត៌មាន AFP។
ក្នុងជំនួបនៅកីឡដ្ឋាន Wembley បើទោះបីធ្វើបានល្អក្នុងការប្រកួតតង់ទី១ ក៏ដោយ ប៉ុន្តែ Spurs នៅតែមិនអាចបញ្ឈប់ការរកគ្រាប់បាល់ចំនួន២គ្រាប់ពីសំណាក់ក្រុមសេះបង្កង់ Juventus នៅក្នុងតង់ទី២ឡើយ។
កូនក្រុមរបស់លោក Pochettino បានបើកការវាយសម្រុកយ៉ាងខ្លាំងក្នុងវគ្គទី១ ជាមួយនឹងឱកាសរកគ្រាប់បាល់ជាច្រើន។ ខ្សែប្រយុទ្ធសញ្ជាតិកូរ៉េខាងត្បូង Heung-Min Son ជាអ្នកបំប៉ោងសំណាញ់ទីជួយឲ្យមាន់ខ្នាយមាសនាំមុខមុននៅនាទី៣៩ មុនចប់តង់ទី១។
ចូលដល់តង់ទី២ ក្រុមម្ចាស់ផ្ទះធ្វើមិនល្អដូចវគ្គទី១ឡើយ ដោយក្រុមភ្ញៀវអាចវាយសម្រុករកគ្រាប់បាល់តាមស្មើវិញនៅនាទី ៦៤ ពីការស៊ុតរបស់ខ្សែប្រយុទ្ធ Gonzalo Higuain។ ៣នាទីក្រោយមកខ្សែប្រយុទ្ធវ័យក្មេង Paulo Dybala បានរកគ្រាប់បាល់ជ័យជម្នះឲ្យក្រុមនាំមុខ Tottenham ២-១ វិញ ជួយឲ្យក្រុមរបស់លោក Massimiliano Allegri អាចឈានទៅវគ្គ១/៤ ផ្តាច់ព្រ័ត្រពានលំដាប់កំពូលអឺរ៉ុប ក្នុងលទ្ធផលទាំងពីរជើង Juventus ៤-៣ Spurs។
អ្នកចាត់ការសញ្ជាតិអាហ្សង់ទីន វ័យ៤៦ឆ្នាំ បានមើលឃើញពីចំនុចខ្សោយ របស់កូនក្រុមក្រោយបរាជ័យនេះ ក្នុងនាមក្រុមក្មេងខ្ចី និងខ្វះបទពិសោធន៍ច្រើនសម្រាប់ពានរង្វាន់ Champions League បើទោះក្រុមលោកលេងបានល្អយ៉ាងណាក៏ដោយ។
Pochettino បានអះអាងថា៖«ក្នុងពេលតិចជាង៣នាទីយើងបានបណ្តោយឲ្យមានគ្រាប់បាល់រហូតដល់ទៅ២គ្រាប់ ដោយក្នុងនោះមានកំហុសធំៗ ២លើក ដែលជាមូលហេតុនាំឲ្យយើងត្រូវធ្លាក់ចេញ។ យើងសមនឹងទទួលបានគ្រាប់បាល់ច្រើនជាងនេះ ខ្ញុំមើលឃើញដូច្នេះ។ ប៉ុន្តែយើងមិនអាចធ្វើបាន ហើយយើងមានបញ្ហានៅតំបន់ការពារថែមទៀត»។
ដោយឡែកការប្រកួតមួយគូរទៀតកាលពីយប់នេះដែរ ក្រុម Manchester City បានចាញ់ក្រុមម្ចាស់ផ្ទះ Basel ២-១ ក្នុងជើងទី២ ប៉ុន្តែពួកគេនៅតែអាចឡើងទៅវគ្គ ៨ក្រុមចុងក្រោយ ដ្បិតក្រុមដែលដឹកនាំដោយលោក Pep Guardiola បានយកឈ្នះក្នុងជើងទី១ រហូតដល់ទៅ ៤-០ ឯណោះ។ ដូច្នេះលទ្ធផលទាំងពីរជើង Man City ៥-២ Basel ៕
ក្នុងជំនួបនៅកីឡដ្ឋាន Wembley បើទោះបីធ្វើបានល្អក្នុងការប្រកួតតង់ទី១ ក៏ដោយ ប៉ុន្តែ Spurs នៅតែមិនអាចបញ្ឈប់ការរកគ្រាប់បាល់ចំនួន២គ្រាប់ពីសំណាក់ក្រុមសេះបង្កង់ Juventus នៅក្នុងតង់ទី២ឡើយ។
កូនក្រុមរបស់លោក Pochettino បានបើកការវាយសម្រុកយ៉ាងខ្លាំងក្នុងវគ្គទី១ ជាមួយនឹងឱកាសរកគ្រាប់បាល់ជាច្រើន។ ខ្សែប្រយុទ្ធសញ្ជាតិកូរ៉េខាងត្បូង Heung-Min Son ជាអ្នកបំប៉ោងសំណាញ់ទីជួយឲ្យមាន់ខ្នាយមាសនាំមុខមុននៅនាទី៣៩ មុនចប់តង់ទី១។
ចូលដល់តង់ទី២ ក្រុមម្ចាស់ផ្ទះធ្វើមិនល្អដូចវគ្គទី១ឡើយ ដោយក្រុមភ្ញៀវអាចវាយសម្រុករកគ្រាប់បាល់តាមស្មើវិញនៅនាទី ៦៤ ពីការស៊ុតរបស់ខ្សែប្រយុទ្ធ Gonzalo Higuain។ ៣នាទីក្រោយមកខ្សែប្រយុទ្ធវ័យក្មេង Paulo Dybala បានរកគ្រាប់បាល់ជ័យជម្នះឲ្យក្រុមនាំមុខ Tottenham ២-១ វិញ ជួយឲ្យក្រុមរបស់លោក Massimiliano Allegri អាចឈានទៅវគ្គ១/៤ ផ្តាច់ព្រ័ត្រពានលំដាប់កំពូលអឺរ៉ុប ក្នុងលទ្ធផលទាំងពីរជើង Juventus ៤-៣ Spurs។
អ្នកចាត់ការសញ្ជាតិអាហ្សង់ទីន វ័យ៤៦ឆ្នាំ បានមើលឃើញពីចំនុចខ្សោយ របស់កូនក្រុមក្រោយបរាជ័យនេះ ក្នុងនាមក្រុមក្មេងខ្ចី និងខ្វះបទពិសោធន៍ច្រើនសម្រាប់ពានរង្វាន់ Champions League បើទោះក្រុមលោកលេងបានល្អយ៉ាងណាក៏ដោយ។
Pochettino បានអះអាងថា៖«ក្នុងពេលតិចជាង៣នាទីយើងបានបណ្តោយឲ្យមានគ្រាប់បាល់រហូតដល់ទៅ២គ្រាប់ ដោយក្នុងនោះមានកំហុសធំៗ ២លើក ដែលជាមូលហេតុនាំឲ្យយើងត្រូវធ្លាក់ចេញ។ យើងសមនឹងទទួលបានគ្រាប់បាល់ច្រើនជាងនេះ ខ្ញុំមើលឃើញដូច្នេះ។ ប៉ុន្តែយើងមិនអាចធ្វើបាន ហើយយើងមានបញ្ហានៅតំបន់ការពារថែមទៀត»។
ដោយឡែកការប្រកួតមួយគូរទៀតកាលពីយប់នេះដែរ ក្រុម Manchester City បានចាញ់ក្រុមម្ចាស់ផ្ទះ Basel ២-១ ក្នុងជើងទី២ ប៉ុន្តែពួកគេនៅតែអាចឡើងទៅវគ្គ ៨ក្រុមចុងក្រោយ ដ្បិតក្រុមដែលដឹកនាំដោយលោក Pep Guardiola បានយកឈ្នះក្នុងជើងទី១ រហូតដល់ទៅ ៤-០ ឯណោះ។ ដូច្នេះលទ្ធផលទាំងពីរជើង Man City ៥-២ Basel ៕
Tag:
បាល់ទាត់
UEFA Champions League
Tottenham Hotspur
Juventus
© រក្សាសិទ្ធិដោយ thmeythmey.com
