ជាតិ
គ.ជ.ប រើសបុគ្គលិកជាប់កិច្ចសន្យារយៈពេលខ្លីចំនួន១២៤នាក់ សម្រាប់ការបោះឆ្នោតរើសតំណាងរាស្ត្រ
× ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសជ្រើសរើសបុគ្គលិកជាប់កិច្ចសន្យារយៈពេលខ្លី ចំនួន ១២៤នាក់ ដើម្បីបម្រើការងារជូនគ.ជ.ប សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨។ គ.ជ.ប នឹងឈប់ទទួលពាក្យត្រឹមថ្ងៃទី ២០ មីនាខាងមុខនេះ។
បើតាមសេចក្ដីជូនដំណឹង គ.ជ.ប ត្រូវការជ្រើសរើសបុគ្គលិកជាប់កិច្ចសន្យាចំនួន ១២៤នាក់ ដើម្បីបម្រើការងារជូនគ.ជ.ប សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨ខាងមុខនេះ។ បុគ្គលិកជាប់កិច្ចសន្យា ធ្វើការនៅនាយកដ្ឋានរដ្ឋបាលចំនួន២១នាក់, នាយកដ្ឋានប្រតិបត្តិការចំនួន ២៨នាក់, នាយកដ្ឋានគ្រប់គ្រងទិន្នន័យអ្នកបោះឆ្នោត និងបញ្ជីបោះឆ្នោតចំនួន ៩នាក់, នាយកដ្ឋានបណ្ដុះបណ្ដាលចំនួន ២៥នាក់ និងអប់រំអ្នកបោះឆ្នោត, នាយកដ្ឋានព័ត៌មាន និងទំនាក់ទំនងសាធារណៈចំនួន ២១នាក់ និងនាយកដ្ឋានសេវាកម្មច្បាប់ និងវិវាទកម្មចំនួន ២០នាក់។ បេក្ខជនដែលមានបំណងចូលបម្រើការងារ អាចដាក់ពាក្យប្រឡងនៅទីស្ដីការ គ.ជ.ប ស្ថិតនៅក្នុងក្រសួងមហាផ្ទៃ អគារ H (ខាងជើង) នៅរៀងរាល់ម៉ោងធ្វើការ។ គ.ជ.ប ចាប់ផ្ដើមចែកពាក្យ និងទទួលពាក្យសុំប្រឡង ថ្ងៃទី១៤ ខែមីនា និងឈប់ទទួលពាក្យត្រឹមថ្ងៃទី ២០ ខែមីនា ឆ្នាំ២០១៨នេះ៕
Tag:
គ.ជ.ប
បោះឆ្នោតតំណាងរាស្ត្រ
© រក្សាសិទ្ធិដោយ thmeythmey.com