ពីនេះ ពីនោះ
ប្រើខុសគ្នាបែបណារវាងពាក្យ «ធន ធន់ និង ធុន»?
× ស្មេរទូទៅ បានសន្មតថាពាក្យទាំងបីនេះមានន័យដូចគ្នា និងមានសូរសព្ទដូចគ្នាដែរ។ វចនានុក្រមសម្តេចព្រះសង្ឃរាជ ជួន ណាត បានបញ្ជាក់ពាក្យទាំងនេះ មានន័យខុសគ្នាហើយអត្ថន័យក៏ខុសគ្នាដែរ។
ពាក្យទី១ «ធន» ជានាមសព្ទ សម្រាប់ប្រើជាមួយពាក្យ «ធាន» សម្គាល់លើទ្រព្យសម្បត្តិ ធនធាន។ ធនធានធម្មជាតិ, ធនធានរ៉ែ ។ល។
ពាក្យទី២ «ធន់» ជាកិរិយាសព្ទ មានន័យថា ទ្រាំ អត់ធ្មត់, ស៊ូ។ ធន់ជំងឺ, ធន់ក្តៅ, ធន់ត្រជាក់, គាត់ប្រើឲ្យធ្វើការងារធ្ងន់ណាស់ ខ្ញុំមិនអាចធន់នឹងការងារនោះបានទេ។
ចំណែកពាក្យទី៣ នាមសព្ទ«ធុន» មានន័យថា ជាពាក្យផ្សំគ្នាដែលមានកំណើតជាមួយគ្នា។ ដូចជា ចានមួយធុន កែវមួយធុន។ល៕
© រក្សាសិទ្ធិដោយ thmeythmey.com