ពីនេះ ពីនោះ
ព័ត៍មានសុខភាព
ការចាក់ម្ជុលវិទ្យាសាស្ត្របំបាត់ការឈឺចាប់នៅជារឿងខ្វែងគំនិតគ្នានៅឡើយ
× សេចក្តីរាយការណ៍ពីសារព័ត៌មាន Mail Online បានឲ្យដឹងថា NHS បានចំណាយលុយ២៥លានផោនជារៀងរាល់ឆ្នាំ ទៅលើការចាក់ម្ជុរវិទ្យាសាស្ត្រ ថ្វីបើអ្នកវិទ្យាសាស្ត្រជាច្រើននិយាយថា វាមិនមានអំណះអំណាងគ្រប់គ្រាន់ បញ្ជាក់ថាអាចទប់ស្កាត់ការឈឺចាប់បានក៏ដោយ។ រឿងនេះគឺជាការតស៊ូមតិមួយ ដែលបានមកពីការគំនិតពីរផ្សេងៗគ្នា ដោយមួយគាំទ្រទៅលើប្រសិទ្ធភាពម្ជុលវិទ្យាសាស្ត្រ និងមួយទៀតមិនគាំទ្រ។
អ្នកស្រាវជ្រាវម្នាក់មកពី British Medical Acupuncture Society យល់ថា ម្ជុលវិទ្យាសាស្ត្រគឺជាវិធីព្យាបាលមួយផ្សេងទៀត ដែលមានប្រសិទ្ធភាព ហើយក៏កំពុងតែស្ថិតក្នុងការស្រាវជ្រាវដែរ ដោយសារតែវាកង្វះនូវការចាប់អារម្មណ៍ ខាងការផ្សព្វផ្សាយ។ យ៉ាងណាមិញ អ្នកស្រាវជ្រាវពីរនាក់ មកពីសាកលវិទ្យាល័យ Southern Denmark បាននិយាយថា វាមិនមានអំណះអំណាងគ្រប់គ្រាន់ ទាក់ទងនឹងអត្ថប្រយោជន៍ខាងជំងឺទេ ដូច្នេះហើយការប្រឈមមុខធ្ងន់ធ្ងរ នៃការព្យាបាលដោយម្ជុលវិទ្យាសាស្ត្រ និងតម្លៃសេវាកម្មសុខភាព គឺមិនអាចយល់ថាត្រឹមត្រូវបានឡើយ។
និយាយឲ្យខ្លីទៅគឺថា អត្ថប្រយោជន៍នៃការចាក់ម្ជុលវិទ្យាសាស្ត្រ គឺមានហើយ តែវានៅមិនទាន់គ្រប់គ្រាន់នៅឡើយទេ។ វាក៏មានការបារម្ភជាច្រើន ទៅលើឥទ្ធិពលវិជ្ជមាន ដែលត្រូវបានរកឃើញក្នុងការស្រាវជ្រាវ ទាក់ទងនឹងម្ជុលវិទ្យាសាស្ត្រនោះ គឺតិចតួចបំផុត។
អ្នកចូលរួមសិក្សាដឹងថា នៅពេលណាពួកគេនឹងត្រូវព្យាបាលដោយប្រើម្ជុលវិទ្យាសាស្ត្រនេះ។ ជាមួយគ្នានេះដែរ ការសិក្សាស្រាវជ្រាវមួយចំនួនតូច បានប្រៀបធៀបវិធីព្យាបាលដោយប្រើម្ជុលវិទ្យាសាស្ត្រ ជាមួយនឹងការថែទាំសុខភាពធម្មតា ឬដំណើរការវេជ្ជសាស្ត្រផ្សេងៗទៀត។ ការព្យាបាលដោយប្រើម្ជុលវិទ្យាសាស្ត្រ សម្រាប់ការឈឺចង្កេះ ត្រូវបានគេដកចេញ ពីក្បួនណែនាំរបស់ NICE ហើយកាលពីគេធ្វើបច្ចុប្បន្នភាពឡើងវិញ ក្នុងឆ្នាំ២០១៦មកម្ល៉េះ ដោយសារតែវាមិនមានអំណះអំណាងណាមួយ ដែលគួរឲ្យទុកចិត្តថា ល្អជាងការប្រើម្ជុលចាក់ថ្នាំ។ យ៉ាងណាមិញ ក្បួនណែនាំរបស់ NICE នៅតែណែនាំការចាក់ម្ជុលវិទ្យាសាស្ត្រ សម្រាប់អាការឈឺក្បាល បែបតឹងរ៉ាំរ៉ៃ និងប្រកាំង៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com