កីឡាជាតិ
ជាតិ
អត្តពលិក៤៤រូបមកពី៦ក្លិប-សមាគមប្រជែងគ្នាដណ្តើមពានរង្វាន់សម្តេច ស ខេង
×![]()
ការប្រកួតកីឡាសូហ្វតិន្នីសដណ្តើមពានរង្វាន់សម្តេច ស ខេង លើកទី៥ បានបើកការប្រកួតរបស់ខ្លួនកាលពីព្រឹកថ្ងៃទី១៤ មីនា ឆ្នាំ២០១៨ នេះ ដោយមានកីឡាករកីឡាការិនីចំនួន៤៤រូបមកពី៦ក្លិប-សមាគមចូលរួម។ លោក ជា ប៊ុនហេង អនុប្រធានទី១នៃសហព័ន្ធកីឡាសូហ្វតិន្នីសកម្ពុជាបានបញ្ជាក់ថា ការប្រកួតនេះមិនបើកសេរីសម្រាប់ការចូលរួមនោះឡើយ ពោលគឺអនុញ្ញាតឲ្យតែក្លិប-សមាគមដែលមានសមត្ថភាពខ្លាំងចូលរួមតែប៉ុណ្ណោះ។
កីឡាករកីឡាការិនីចំនួន៤៤នាក់(ស្រី២១នាក់)មកពី៦ក្លិប-សមាគមបានមកជួបជុំគ្នានៅទីលានវាយកូនបាល់ និងសូហ្វតិន្នីសក្នុងពហុកីឡដ្ឋានជាតិ ដើម្បីប្រកួតប្រជែងគ្នាដណ្តើមជើងឯកពានរង្វាន់សម្តេច ស ខេង ប្រចាំឆ្នាំ២០១៨។ ការប្រកួតនេះប្រព្រឹត្តទៅចាប់ពីថ្ងៃទី១៤-១៦ ខែមីនា ឆ្នាំ២០១៨ មាន៧ប្រភេទវិញ្ញាសាចូលរួម ហើយបែងចែកជា៣កម្រិត គឺ ក១, ក២ និងយុវជនអាយុក្រោម១៨ឆ្នាំ។
តាមពិតសហព័ន្ធកីឡាសូហ្វតិន្នីសកម្ពុជាមានក្លិប-សមាគមជាសមាជិកនៅតាមបណ្តាខេត្ត និងរាជធានីជាច្រើន ប៉ុន្តែការប្រកួតនេះសហព័ន្ធកំណត់យកតែ៦ក្លិបដែលមានកីឡាករខ្លាំងចូលរួមតែប៉ុណ្ណោះ។ ពាក់ព័ន្ធនឺងបញ្ហានេះអនុប្រធានទី១សហព័ន្ធកីឡាសូហ្វតិន្នីសកម្ពុជាលោក ជា ប៊ុនហេង បានបញ្ជាក់ថា ដោយសារក្លិប-សមាគមទាំងនោះពុំទាន់មានសមត្ថភាពគ្រប់គ្រាន់ក្នុងការប្រកួតប្រជែង។
«ឆ្នាំនេះយើងផ្តោតទៅលើគុណភាព ដូច្នេះយើងអនុញ្ញាតឲ្យតែ៦ក្លិប-សមាគមដែលមានកីឡាករខ្លាំងៗចូលរួមតែប៉ុណ្ណោះ។ បើយើងអនុញ្ញាតឲ្យកីឡាករចូលរួមច្រើនពេកវាអូសបន្លាយពេលវេលា ណាមួយកីឡាករទាំងនោះពុំទាន់មានសមត្ថភាពគ្រាប់ក្រាន់ក្នុងការប្រកួតប្រជែង។ ដូច្នេះយើងនឹងដាក់ឲ្យពួកគាត់ចូលរួមប្រកួតជើងឯកថ្នាក់ជាតិប្រចាំឆ្នាំ២០១៨ នាចុងខែមីនា ខាងមុខ»។ នេះជាការលើកឡើងរបស់លោក ជា ប៊ុនហេង។
អនុប្រធានទី១រូបនេះបានបន្តថា ការប្រកួតនេះធ្វើឡើងដើម្បីចម្រាញ់កីឡាករជើងខ្លាំងត្រៀមចូលរួមជាមួយក្រុមជម្រើសជាតិ។ បច្ចុប្បន្នសហព័ន្ធកីឡាសូហ្វតិន្នីសកម្ពុជាទទួលបានគោលការណ៍អនុញ្ញាតពីក្រសួងអប់រំក្នុងការប្រមូលផ្តុំជម្រើសចំនួន២៤រូបរួមមានឈុតធំ១២រូបនិងថ្នាល១២រូប។
ក្លិប-សមាគមទាំង៦ដែលចូលរួមនៅឆ្នាំនេះមកពីរាជធានីចំនួន៥ និងខេត្តកំពង់ស្ពចំនួន១។ ការប្រកួតកីឡាសូហ្វតិន្នីសជ្រើសរើសជើងឯកពានរង្វាន់សម្តេច ស ខេង គ្រោងនឹងបិទការប្រកួតនៅព្រឹកថ្ងៃទី១៦ ខែមីនា ឆ្នាំ២០១៨៕
កីឡាករកីឡាការិនីចំនួន៤៤នាក់(ស្រី២១នាក់)មកពី៦ក្លិប-សមាគមបានមកជួបជុំគ្នានៅទីលានវាយកូនបាល់ និងសូហ្វតិន្នីសក្នុងពហុកីឡដ្ឋានជាតិ ដើម្បីប្រកួតប្រជែងគ្នាដណ្តើមជើងឯកពានរង្វាន់សម្តេច ស ខេង ប្រចាំឆ្នាំ២០១៨។ ការប្រកួតនេះប្រព្រឹត្តទៅចាប់ពីថ្ងៃទី១៤-១៦ ខែមីនា ឆ្នាំ២០១៨ មាន៧ប្រភេទវិញ្ញាសាចូលរួម ហើយបែងចែកជា៣កម្រិត គឺ ក១, ក២ និងយុវជនអាយុក្រោម១៨ឆ្នាំ។
តាមពិតសហព័ន្ធកីឡាសូហ្វតិន្នីសកម្ពុជាមានក្លិប-សមាគមជាសមាជិកនៅតាមបណ្តាខេត្ត និងរាជធានីជាច្រើន ប៉ុន្តែការប្រកួតនេះសហព័ន្ធកំណត់យកតែ៦ក្លិបដែលមានកីឡាករខ្លាំងចូលរួមតែប៉ុណ្ណោះ។ ពាក់ព័ន្ធនឺងបញ្ហានេះអនុប្រធានទី១សហព័ន្ធកីឡាសូហ្វតិន្នីសកម្ពុជាលោក ជា ប៊ុនហេង បានបញ្ជាក់ថា ដោយសារក្លិប-សមាគមទាំងនោះពុំទាន់មានសមត្ថភាពគ្រប់គ្រាន់ក្នុងការប្រកួតប្រជែង។
«ឆ្នាំនេះយើងផ្តោតទៅលើគុណភាព ដូច្នេះយើងអនុញ្ញាតឲ្យតែ៦ក្លិប-សមាគមដែលមានកីឡាករខ្លាំងៗចូលរួមតែប៉ុណ្ណោះ។ បើយើងអនុញ្ញាតឲ្យកីឡាករចូលរួមច្រើនពេកវាអូសបន្លាយពេលវេលា ណាមួយកីឡាករទាំងនោះពុំទាន់មានសមត្ថភាពគ្រាប់ក្រាន់ក្នុងការប្រកួតប្រជែង។ ដូច្នេះយើងនឹងដាក់ឲ្យពួកគាត់ចូលរួមប្រកួតជើងឯកថ្នាក់ជាតិប្រចាំឆ្នាំ២០១៨ នាចុងខែមីនា ខាងមុខ»។ នេះជាការលើកឡើងរបស់លោក ជា ប៊ុនហេង។
អនុប្រធានទី១រូបនេះបានបន្តថា ការប្រកួតនេះធ្វើឡើងដើម្បីចម្រាញ់កីឡាករជើងខ្លាំងត្រៀមចូលរួមជាមួយក្រុមជម្រើសជាតិ។ បច្ចុប្បន្នសហព័ន្ធកីឡាសូហ្វតិន្នីសកម្ពុជាទទួលបានគោលការណ៍អនុញ្ញាតពីក្រសួងអប់រំក្នុងការប្រមូលផ្តុំជម្រើសចំនួន២៤រូបរួមមានឈុតធំ១២រូបនិងថ្នាល១២រូប។
ក្លិប-សមាគមទាំង៦ដែលចូលរួមនៅឆ្នាំនេះមកពីរាជធានីចំនួន៥ និងខេត្តកំពង់ស្ពចំនួន១។ ការប្រកួតកីឡាសូហ្វតិន្នីសជ្រើសរើសជើងឯកពានរង្វាន់សម្តេច ស ខេង គ្រោងនឹងបិទការប្រកួតនៅព្រឹកថ្ងៃទី១៦ ខែមីនា ឆ្នាំ២០១៨៕
Tag:
សូហ្វតិន្នីស
ជា ប៊ុនហេង
ពានរង្វាន់សម្តេច ស ខេង ឆ្នាំ២០១៨
© រក្សាសិទ្ធិដោយ thmeythmey.com
