ជាតិ
អគ្គិសនីសៀមរាបផ្អាកការផ្គត់ផ្គង់នៅថ្ងៃទី១៨មីនា ដើម្បីត្រួតពិនិត្យបណ្តាអនុស្ថានីយ៍
×![]()
សៀមរាប៖ អគ្គិសនីខេត្តសៀមរាប នឹងផ្អាករាល់ការផ្គត់ផ្គង់ទាំងស្រុងនៅថ្ងៃទី១៨ ខែមីនា។ ការផ្អាកនេះ ដោយសារមានការចុះត្រួតពិនិត្យ និងថែទាំ បណ្តាអនុស្ថានីយ៍ចំនួន ៥ ដែលភ្ជាប់ពីខេត្តបាត់ដំបង បន្ទាយមានជ័យ និងសៀមរាប។
យោងតាមសេចក្តីជូនដំណឹងរបស់អគ្គិសនីសៀមរាប ចុះថ្ងៃទី១៥ ខែមីនា ការផ្អាកនេះនឹងធ្វើឡើងនៅថ្ងៃទី១៨ ខែមីនា ចាប់ពីម៉ោង ៧ព្រឹក ដល់ម៉ោង ៥រសៀល នៅអនុស្ថានីយ៍អគ្គិសនីសៀមរាបទី១ និងអនុស្ថានីយ៍អគ្គិសនីសៀមរាបទី២ ចាប់ពីម៉ោង ៧ព្រឹកដល់ម៉ោង ២រសៀល តែតំបន់ខ្លះក្នុងក្រុងសៀមរាបអាចនឹងមានអគ្គិសីប្រើធម្មតា ដែលផ្គត់ផ្គង់ដោយថាមពលរោងចក្រអគ្គិសនីកម្លាំង ១០MW។
ក្នុងនោះដែរ អគ្គិសនីសៀមរាប នឹងផ្លាស់ប្តូរប្រភពផ្គត់ផ្គង់អគ្គិសនី នៅទីតាំងអនុស្ថានីយ៍សៀមរាបទី១ និងទី២ ដែលមានប្រភពពីប្រទេសថៃ នៅថ្ងៃទី១៧ មីនា នៅវេលាម៉ោង ៥ព្រឹក ដោយប្តូរមកប្រភពផ្គត់ផ្គង់ដូចដើមវិញនៅម៉ោង ៥រសៀល។
អគ្គិសនីកម្ពុជាប្រាប់ពីមូលហេតុថា ការផ្អាកនៅអនុស្ថានីយ៍នៅខេត្តសៀមរាប ដោយសារខេត្តនេះ មានប្រភពមួយខ្សែ ដែលមានកម្លាំង ១១៥ KV (គីឡូវ៉ាត់) ពីបន្ទាយមានជ័យ នោះ គឺដើម្បីត្រួតពិនិត្យ ថែ ព្រោះកន្លងមកអគ្គិសនីបានលើកការត្រួតពិនិត្យនេះរយៈពេល៣ឆ្នាំមកហើយ តែឆ្នាំនេះ ត្រូវការត្រួតពិនិត្យជាចាំបាច់។
តាមសេចក្តីជូនដំណឹង អគ្គិសនីកម្ពុជាចុះថ្ងៃទី១៤ រាជរដ្ឋាភិបាលបានដាក់ទិសដៅក្នុងការសាងសង់ខ្សែបញ្ជូនតង់ស្យុងខ្ពស់ ២៣០KV ពីខេត្តបាត់ដំបង មកខេត្តសៀមរាប ដើម្បីផ្តល់ប្រភពផ្គត់ផ្គង់មួយទៀត ដែលមានស្ថេរភាព និងកម្លាំងធំជាងមុន ដែលគ្រោងនឹងបញ្ចប់នៅចុងឆ្នាំ២០១៨។ អគ្គិសនីកម្ពុជាបន្ថែមថា នៅពេលខ្សែបញ្ជូនថ្មីនេះដំណើរការ ការផ្គត់ផ្គង់នឹងមាននិរន្តរភាពជាងពេលបច្ចុប្បន្ន ហើយនៅពេលមានការត្រួតពិនិត្យ ជួសជុលថែទាំបែបនេះ នឹងមិនមានការអាក់ខានការផ្គត់ផ្គង់ជាទ្រង់ទ្រាយធំបែបនេះឡើយ៕
យោងតាមសេចក្តីជូនដំណឹងរបស់អគ្គិសនីសៀមរាប ចុះថ្ងៃទី១៥ ខែមីនា ការផ្អាកនេះនឹងធ្វើឡើងនៅថ្ងៃទី១៨ ខែមីនា ចាប់ពីម៉ោង ៧ព្រឹក ដល់ម៉ោង ៥រសៀល នៅអនុស្ថានីយ៍អគ្គិសនីសៀមរាបទី១ និងអនុស្ថានីយ៍អគ្គិសនីសៀមរាបទី២ ចាប់ពីម៉ោង ៧ព្រឹកដល់ម៉ោង ២រសៀល តែតំបន់ខ្លះក្នុងក្រុងសៀមរាបអាចនឹងមានអគ្គិសីប្រើធម្មតា ដែលផ្គត់ផ្គង់ដោយថាមពលរោងចក្រអគ្គិសនីកម្លាំង ១០MW។
ក្នុងនោះដែរ អគ្គិសនីសៀមរាប នឹងផ្លាស់ប្តូរប្រភពផ្គត់ផ្គង់អគ្គិសនី នៅទីតាំងអនុស្ថានីយ៍សៀមរាបទី១ និងទី២ ដែលមានប្រភពពីប្រទេសថៃ នៅថ្ងៃទី១៧ មីនា នៅវេលាម៉ោង ៥ព្រឹក ដោយប្តូរមកប្រភពផ្គត់ផ្គង់ដូចដើមវិញនៅម៉ោង ៥រសៀល។
អគ្គិសនីកម្ពុជាប្រាប់ពីមូលហេតុថា ការផ្អាកនៅអនុស្ថានីយ៍នៅខេត្តសៀមរាប ដោយសារខេត្តនេះ មានប្រភពមួយខ្សែ ដែលមានកម្លាំង ១១៥ KV (គីឡូវ៉ាត់) ពីបន្ទាយមានជ័យ នោះ គឺដើម្បីត្រួតពិនិត្យ ថែ ព្រោះកន្លងមកអគ្គិសនីបានលើកការត្រួតពិនិត្យនេះរយៈពេល៣ឆ្នាំមកហើយ តែឆ្នាំនេះ ត្រូវការត្រួតពិនិត្យជាចាំបាច់។
តាមសេចក្តីជូនដំណឹង អគ្គិសនីកម្ពុជាចុះថ្ងៃទី១៤ រាជរដ្ឋាភិបាលបានដាក់ទិសដៅក្នុងការសាងសង់ខ្សែបញ្ជូនតង់ស្យុងខ្ពស់ ២៣០KV ពីខេត្តបាត់ដំបង មកខេត្តសៀមរាប ដើម្បីផ្តល់ប្រភពផ្គត់ផ្គង់មួយទៀត ដែលមានស្ថេរភាព និងកម្លាំងធំជាងមុន ដែលគ្រោងនឹងបញ្ចប់នៅចុងឆ្នាំ២០១៨។ អគ្គិសនីកម្ពុជាបន្ថែមថា នៅពេលខ្សែបញ្ជូនថ្មីនេះដំណើរការ ការផ្គត់ផ្គង់នឹងមាននិរន្តរភាពជាងពេលបច្ចុប្បន្ន ហើយនៅពេលមានការត្រួតពិនិត្យ ជួសជុលថែទាំបែបនេះ នឹងមិនមានការអាក់ខានការផ្គត់ផ្គង់ជាទ្រង់ទ្រាយធំបែបនេះឡើយ៕
Tag:
អគ្គិសនីសៀមរាប
© រក្សាសិទ្ធិដោយ thmeythmey.com
