ជាតិ
ភាគពាយ័ព្យអាចរងបាតុភូតផ្គរ រន្ទះ និងខ្យល់កន្ត្រាក់ដោយសារជ្រលងសម្ពាធពីថៃ និងសមុទ្រចិនខាងត្បូង
ភ្លៀងធ្លាក់កន្លងមកនៅខេត្តសៀមរាប។ រូបថតឯកសារ (រ៉ហានី)
×![]()
បណ្តាខេត្តមួយចំនួននៅកម្ពុជានឹងរងឥទ្ធិពលអាកាសធាតុនៃការប្រសព្វគ្នារវាងជ្រលងសម្ពាធខ្ពស់ពីប្រទេសថៃ និងជ្រលងសម្ពាធទាបពីសមុទ្រចិនខាងត្បូង។ នេះបើតាមសេចក្តីជូនដំណឹងបន្ថែមស្តីពីអាកាសធាតុ របស់ក្រសួងធនធានទឹក និងឧតុនិយម។
ខណ្ឌ ស្រុក ក្រុងមួយចំនួននៃបណ្តាខេត្តនៅតំបន់វាលទំនាប តំបន់ខ្ពង់រាប និងបណ្តាខេត្តជាប់តំបន់មាត់សមុទ្រ នៅកម្ពុជា នឹងរងឥទ្ធិពលនៃការប្រសព្វគ្នារវាង ជ្រលងសម្ពាធខ្ពស់ពីប្រទេសថៃ និងជ្រលងសម្ពាសទាបពីសមុទ្រចិនខាងត្បូង នឹងបង្កឲ្យមានភ្លៀងកក់ខែធ្លាក់រាយប៉ាយ ចាប់ពីថ្ងៃទី១៧ ដល់ថ្ងៃទី ២២ ខែមីនា ឆ្នាំ២០១៨។
ក្នុងសេចក្តីជូនដំណឹងចុះថ្ងៃទី១៧ ខែមីនា ផងដែរនោះ ក្រសួងធនធានទឹក និងឧតុនិយម បានណែនាំពលរដ្ឋដែលរស់នៅភាគពាយ័ព្យ រួមមាន ខេត្តបាត់ដំបង ប៉ៃលិន សៀមរាប បន្ទាយមានជ័យ និងខេត្តឧត្តរមានជ័យ ឲ្យមានការប្រុងប្រយ័ត្នខ្ពស់បំផុត ព្រោះតំបន់ទាំងនោះអាចនឹងមានភ្លៀងធ្លាក់លាយឡំជាមួយបាតុភូតផ្គរ រន្ទះ និងខ្យល់កន្ត្រាក់ ចាប់ពីថ្ងៃទី ២០ ដល់ ថ្ងៃទី២២ ខែមីនា ឆ្នាំ២០១៨៕
Tag:
អាកាសធាតុ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
