ជាតិ
សម្ដេច ហ៊ុន សែន បញ្ជាឲ្យអាជ្ញាធរតាមចាប់ខ្លួនព្រះសង្ឃមួយអង្គ
× ភ្នំពេញ៖ ពីពិធីសំណេះសំណាលជាមួយកម្មកររោងចក្រជាង១ម៉ឺននាក់ ក្នុងខណ្ឌពោធិ៍សែនជ័យនៅថ្ងៃទី២១ មីនា សម្ដេចនាយករដ្ឋមន្ត្រី ហ៊ុន សែន បានបញ្ជាឲ្យអាជ្ញាធរតាមរកចាប់ព្រះសង្ឃមួយអង្គ ដែលនិយាយពីព័ត៌មានមិនពិត ជុំវិញបញ្ហាប្រទេសជាតិ។
សម្ដេច ហ៊ុន សែន បាននិយាយថា ព្រះសង្ឃមួយអង្គនេះ មានព្រះនាម« ម៉ារី» ដែលទំនងជាព្រះសង្ឃក្លែងក្លាយ ទើបចូលបន្លំបួសក្នុងវិស័យព្រះពុទ្ធសាសនា។ សម្ដេច ហ៊ុន សែន មិនបានលម្អិតពីមូលហេតុនៃកំហុសឆ្គងបុគ្គលសង្ឃឡើយ ដោយសម្ដេច គ្រាន់តែបញ្ជាក់ថា បុគ្គល« ម៉ារី»ចូលចិត្តនិយាយភូត និងក្លែងបន្លំព័ត៌មានប្រទេសជាតិ ឬសកម្មភាពរបស់សម្ដេច ប្រាប់ទៅមហាជនឲ្យយល់ខុសមកលើរដ្ឋាភិបាល តាមរយៈបណ្ដាញសង្គមហ្វេសប៊ុកកន្លងមក។ ប្រមុខរដ្ឋាភិបាល ដាក់ការសង្ស័យថា បុគ្គល«ម៉ារី» អាចមិនមែនជាព្រះសង្ឃពិតប្រាកដទេ តែអាចជាក្រុមចារកម្មទៅវិញ។
© រក្សាសិទ្ធិដោយ thmeythmey.com