ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
រដ្ឋាភិបាល សន្យាជួយរៀបចំផ្សារច្បារអំពៅឡើងវិញ ដើម្បីកុំឲ្យប៉ះពាល់ដល់ជីវភាពពលរដ្ឋ
21, Mar 2018 ,
4:12 pm
រូបភាព
រូបពីហ្វេស ប៊ុក លោក ម៉េត មាសភក្តី
×
ដោយ:
ភ្នំពេញ៖ ក្រោយពីឃើញការអំពាវនាវរបស់អាជីវករផ្សារច្បារអំពៅ ដែលរងការខាតបង់ដោយសារអគ្គិភ័យនោះ ប្រមុខរដ្ឋាភិបាល បានសន្យាជួយរៀបចំទីតាំងខូចខាតនេះឡើងវិញ ដើម្បីសម្រួលដល់ទុក្ខលំបាករបស់ពួកគេ។
អភិបាលរាជធានីភ្នំពេញ លោក ឃួង ស្រេង បានចុះជួបអាជីវករផ្សារច្បារអំពៅ ដើម្បីប្រាប់ឲ្យពួកគេអត់ធ្មត់ និងទ្រាំការលំបាកបន្តិចសិន ព្រោះសម្ដេចនាយករដ្ឋមន្ត្រី ហ៊ុន សែន បានសម្រេចជួយសាងសង់ឡើងវិញ នៅទីតាំងខូចខាតរបស់អាជីវករ ។ បើតាមលោក ឃួង ស្រេង ការចំណាយលើការសាងសង់នេះ គឺរដ្ឋាភិបាលជាអ្នកចំណាយទាំងស្រុង។
បន្ថែមពីលើនេះអ្នកនាំពាក្យសាលារាជធានីភ្នំពេញលោក ម៉េត មាសភក្តី បាននិយាយថា មន្ត្រីជំនាញពាក់ព័ន្ធកំពុងពន្លឿនការសម្អាតសំណល់ពីអគី្គភ័យ និងរួសរាន់រៀបចំផ្សារឡើងវិញ ដើម្បីឲ្យអាជីវករឆាប់បានចូលលក់ដូរ កុំឲ្យប៉ះពាល់ដល់ជីវភាពប្រចាំថ្ងៃរបស់ពួកគាត់។
ថ្លែងប្រាប់សារព័ត៌មានថ្មីៗ លោក ម៉េត មាសភក្តី បានបញ្ជាក់ថា រដ្ឋាភិបាលនឹងដោះស្រាយបញ្ហាអាជីវករទាំងនោះ តាមរយៈការសាងសង់ឡើងវិញ នូវដំបូលផ្សារដែលបានខូចខាត ,រៀបចំហេដ្ឋារចនាសម្ព័ន្ធផ្លូវថ្នល់ បណ្ដាញលូជុំវិញផ្សារ និងចាក់សាបក្នុងបរិវេណផ្សារ, អនុញ្ញាតឲ្យអាជីវករសាងសង់តូបដោយខ្លួនឯង តាមចំនួនតូបដែលធ្លាប់មាន (មិនឲ្យមានការលួចបន្ថែមតូបលក់ដូរឡើយ) និងសម្រួលការរៀបចំឯកសារផ្សេងៗ ដើម្បីសាងសង់ឲ្យបានឆាប់រហ័ស និងឥតគិតថ្លៃជាដើម។
សូមបញ្ជាក់ថា ផ្សារច្បារអំពៅ មានចំនួនសរុបជាង ១៥០០តូប ដោយក្នុងនោះជាង ៦០០តូប ត្រូវអគ្គិភ័យឆាបឆេះ កាលពីយប់ថ្ងៃទី១៥ ខែមីនា រហូតព្រឹកថ្ងៃទី១៦ មីនា ដោយក្រុមពន្លត់អគ្គិភ័យ បានប្រើប្រាស់ឡានទឹកអស់ជាច្រើនគ្រឿង៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ផ្សារច្បារអំពៅ
ភ្លើង
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
2 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
6 ថ្ងៃ
«បុរាណ»និង«បូរាណ» មានអត្ថន័យដូចគ្នា
6 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
4 ថ្ងៃ
អត្ថបទពេញនិយមបន្ថែម