ជាតិ
សេដ្ឋកិច្ច
ផ្លូវកាត់កំពង់ធំ-កំពង់ឆ្នាំង នឹងដាក់ឲ្យធ្វើដំណើរមុនចូលឆ្នាំខ្មែរ
× កំពង់ឆ្នាំង៖ ក្រសួងសាធារណការ និងដឹកជញ្ជូន គ្រោងដាក់ឲ្យដំណើរការផ្លូវលេខ ៥០C ដែលតភ្ជាប់ខេត្តកំពង់ធំ និងខេត្តកំពង់ឆ្នាំង នៅមុនបុណ្យចូលឆ្នាំខ្មែរនេះ។
នេះជាផ្លូវក្រាលគ្រួសក្រហម ប្រវែង ៥៣គីឡូម៉ែត្រ ដែលតភ្ជាប់ចេញពីសង្កាត់ស្រយ៉ូវ ក្រុងស្ទឹងសែន ខេត្តកំពង់ធំ ទៅកាន់ស្រុកកំពង់លែង ខេត្តកំពង់ឆ្នាំង។ ផ្លូវនេះ ត្រូវបានសាងសង់ដោយចំណាយថវិការដ្ឋ។
បើគេធ្វើដំណើរចេញពីទីរួមខេត្តកំពង់ឆ្នាំង គេត្រូវឆ្លងស្រឡាង ដើម្បីទៅដល់ទីរួមស្រុកកំពង់លែង រួចបន្តតាមផ្លូវ 50C ទៅកាន់ខេត្តកំពង់ធំ។ ប៉ុន្តែក្រសួងសាធារណការ និងដឹកជញ្ជូនបានឲ្យដឹងនៅលើទំព័រហ្វេសប៊ុករបស់ខ្លួនថា ជំហានបន្ទាប់នឹងមានការស្ថាបនាស្ពានឆ្លងកាត់ទន្លេសាបពីទីរួមខេត្តកំពង់ឆ្នាំង ទៅកំពង់លែងនេះ៕
Tag:
កំពង់ធំ
កំពង់ឆ្នាំង
© រក្សាសិទ្ធិដោយ thmeythmey.com