ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
លោក លី រស្មី សិក្សាផ្នែកស្ថាបត្យកម្មបុរាណ ដើម្បីថែរក្សាកេរមរតកខ្មែរ
25, Mar 2018 ,
7:19 pm
រូបភាព
×
ដោយ:
ភ្នំពេញ៖ លោក លី រស្មី ជាព្រឹទ្ធបុរសនៃមហាវិទ្យាល័យ ស្ថាបត្យកម្ម និងរូបនីយវិទ្យា នៃសកលវិទ្យាល័យបញ្ញាសាស្ត្រកម្ពុជា បានចែករំលែកបទពិសោធដល់និស្សិតកម្ពុជា ក្នុងកម្មវិធី «ស្តីពីសំណង់ស្ថាបត្យកម្មបុរាណខ្មែរក្នុងព្រះពុទ្ធសាសនា»។ បទពិសោធរបស់លោក លី រស្មី បានក្លាយជាគំរូដល់យុវជនជំនាន់ក្រោយ យល់ដឹងពីផ្នែកនៃសំណង់ស្ថាបត្យកម្មបុរាណខ្មែរ។ ក្នុងនាមលោកជាអ្នកបង្រៀននៅសាកលវិទ្យាល័យបញ្ញាសាស្ត្រកម្ពុជា និងជាអ្នកមានស្នាដៃដ៏ប៉ិនប្រសប់ផ្នែករចនាប័ទ្មបុរាណ ការតាំងចិត្តរបស់លោក គឺសិក្សាអំពីសំណង់ស្ថាបត្យកម្មបុរាណ និងជាអ្នកផ្ទេរចំណេះដឹងទៅនិស្សិតកម្ពុជា ដើម្បីជាគ្រឹះក្នុងការថែរក្សាស្នាដៃសំណង់សិល្បៈបុរាណខ្មែរ។
រចនាប័ទ្មបុរាណក្បាច់ភ្ញីភ្លើង ជាប្រភេទមេក្បាច់ក្នុងសិល្បៈខ្មែរ ហើយស្នាប់ដងក្តារ និងពេជ្រជារចនាប័ទ្មដំបូលកឹង ដែលមានដំបូលកណ្តាលដកឡើងរបៀបហោត្រៃប្រាសាទអង្គរវត្ត។ រចនាប័ទ្មបែបនេះ មាននៅលើប្រាសាទថ្មជាច្រើន ដែលជាស្នាដៃរបស់បុព្វបុរសដូនតាខ្មែរ។ ស្នាប់ដងក្តារ និងពេជ្រដងក្តារនេះ លោក បានច្នៃធ្វើពីស្ពាន់ក្បាច់ភ្ញីទេស ដើម្បីកាន់តែធ្វើឲ្យដងក្តារមានសោភ័ណភាព។ ទាំងអស់នេះជាស្នាដៃរបស់លោក ដែលបានច្នៃឡើងសម្រាប់ផ្សព្វផ្សាយដល់កូនខ្មែរ ឲ្យបានយល់ដឹងពីសម្បត្តិវប្បធម៌របស់ខ្មែរ។ លើសពីនេះលោក ក៏ជាអ្នកជំនាញជាច្រើនខាងសិក្សាផ្នែកសិលាចារឹកផងដែរ។
លោក លី រស្មី បញ្ជាក់ថា ការសិក្សាផ្នែកសំណង់បុរាណ ជាអ្នកដើរតួនាទីសំខាន់ដើម្បីថែរក្សាកេរមរតកពីដូនតា។ ទោះបីពុំសូវមានអ្នកជំនាញផ្នែកនេះក៏ដោយ ក៏លោក លី រស្មី មានទំនុកចិត្ត និងមានការតាំងចិត្តខ្ពស់ក្នុងការផ្តល់ពុទ្ធិដល់និស្សិតកម្ពុជា ឲ្យប្រែក្លាយជាអ្នកជំនាញសំណង់បុរាណដើម្បីជាគំរូបន្តដល់និស្សិតជំនាន់ក្រោយឲ្យកសាងស្នាដៃសិល្បៈបុរាណខ្មែរឲ្យកាន់តែច្រើន។ មិនត្រឹមតែលោកទេ ដែលជាអ្នកផ្តល់ចំណេះដឹង និងជាអ្នកថែរក្សា សូម្បីតែនិស្សិត និងព្រះសង្ឃ ក៏មានតួនាទីជាអ្នកអភិរក្សរចនាប័ទ្មបុរាណផងដែរ។
ព្រឹទ្ធបុរសពោរពេញដោយពហុជំនាញរូបនេះ និយាយទាំងម៉ឹងម៉ាត់ថា៖«ប្រាកដណាស់ យើងបាត់បង់សំណង់ស្ថាបត្យកម្ម ដូចជារចនាប័ទ្មព្រះវិហារមុខដាច់ របស់យើងយូរហើយ ពេលឃើញវិញ ចេះតែថារបស់គេ។ នេះជាហេតុ ដែលធ្វើឲ្យសំណង់ខ្លួនឯងកាន់តែរួញទៅៗ។ យើងត្រូវសិក្សាពីប្រវត្តិសិល្បៈសំណង់ដើម្បីស្គាល់ពីខ្លួនឯង និងអ្នកដទៃ ជាមុនសិន មុននឹងមានគំនិតវិនិច្ឆ័យ។ បើមិនដូចច្នេះ មរតកដូនតាយើង នឹងបាត់បង់អស់ ព្រោះតែយើងមិនស្គាល់ពីខ្លួនឯង។ រយៈពេលជាច្រើនឆ្នាំមកហើយ ខ្ញុំចំណាយពេលសិក្សាចងក្រងនូវស្នាដៃសំណង់បុរាណ ដែលបានច្នៃគូសប្លង់រចនាប័ទ្មពីសម័យអង្គរនានាឡើងវិញ ដើម្បីក្រើនរម្លឹកស្នាដៃដ៏អស្ចារ្យពីបុរាណខ្មែរ ជាការរក្សាព្រលឹងជាតិឡើងវិញ។ យើងមិនគួររំលងនូវស្នាដៃទាំងអស់នោះទេ»៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
លី រស្មី
សំណង់បុរាណ
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
4 ម៉ោង
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
6 ថ្ងៃ
អត្ថបទពេញនិយមបន្ថែម