ជាតិ
សង្រ្កាន្តឆ្នាំថ្មី
អ្នកដែលគ្មានគម្រោងទៅតាមខេត្ត អាចសប្បាយរីករាយជាមួយ «សង្ក្រាន្តវត្តភ្នំ» នៅភ្នំពេញ
× ភ្នំពេញ៖ រាជធានីភ្នំពេញ នឹងមិនមានភាពស្ងប់ស្ងាត់ទេ នាឱកាសពិធីបុណ្យចូលឆ្នាំថ្មី ប្រពៃណីខ្មែរខាងមុខនេះ។ រដ្ឋបាលរាជធានីភ្នំពេញ នឹងរៀបចំព្រឹត្តិការណ៍ «សង្ក្រាន្តវត្តភ្នំ» ជាលើកទី ២ រយៈពេល ៣ថ្ងៃ ចាប់ពីថ្ងៃទី ១៤-១៥-១៦ ខែមេសា នារមណីយដ្ឋានប្រវត្តិសាស្ត្រវត្តភ្នំ។
ដើម្បីអបអរពិធីបុណ្យចូលឆ្នាំថ្មី ប្រពៃណីជាតិខ្មែរ រដ្ឋបាលរាជធានីភ្នំពេញ នឹងរៀបចំព្រឹត្តិការណ៍ «សង្ក្រាន្តវត្តភ្នំ»។ ព្រឹត្តិការណ៍នេះ រៀបចំឡើងក្នុងគោលបំណងបង្កើនការភាពសប្បាយរីករាយជូនប្រជាពលរដ្ឋ និងភ្ញៀវទេសចរ នាឱកាសចូលឆ្នាំថ្មីប្រពៃណីជាតិខ្មែរ។ «សង្ក្រាន្តវត្តភ្នំ»នេះ មានរយៈពេល ៣ថ្ងៃ ចាប់ពីថ្ងៃទី ១៤-១៦ មេសា នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ។
លោក ម៉េត មាសភក្ដី អ្នកនាំពាក្យសាលារាជធានីភ្នំពេញ បានប្រាប់សារព័ត៌មានថ្មីតាមទូរសព្ទថា ព្រឹត្តិការណ៍ «សង្ក្រាន្តវត្តភ្នំ» ឆ្នាំ២០១៨នេះ មានពិធីទទួលទេវតាឆ្នាំថ្មី ការលេងល្បែងប្រជាប្រិយខ្មែរ ការតាំងពិព័រណ៍ផលិតផល និងការប្រគំតន្ត្រីជាដើម។ បើតាមលោក មាសភក្ដី ព្រឹត្តិការណ៍នេះ នឹងមានការតាំងបង្ហាញអំពីស្ថាបត្យកម្មសំណង់របស់ខ្មែរតាំងពីសម័យបុរាណ ដែលបង្ហាញពីអត្តសញ្ញាណជាតិផងដែរ។
អ្នកនាំពាក្យរូបនេះ បញ្ជាក់ថា តាមរយៈព្រឹត្តិការណ៍ «សង្ក្រាន្តវត្តភ្នំ»នេះ នឹងចូលរួមអភិរក្ស និងផ្សព្វផ្សាយពីវប្បធម៌ខ្មែរ ពិសេសការចូលរួមថែរក្សានូវតម្លៃវប្បធម៌ និងប្រពៃណី ដូចជា ល្បែងប្រជាប្រិយ របាំប្រជាប្រិយខ្មែរជាដើម។ លោក ម៉េត មាសភក្ដី បន្តថា ល្បែងប្រជាប្រិយខ្មែរជាង ១០ប្រភេទ នឹងមានក្នុងព្រឹត្តិការណ៍នេះ ដើម្បីបង្កភាពសប្បាយរីករាយ។ តាមរយៈជោគជ័យក្នុងព្រឹត្តិការណ៍ «សង្ក្រាន្តវត្តភ្នំ» កាលពីឆ្នាំ២០១៧កន្លងទៅ លោក ម៉េត មាសភក្ដី រំពឹងថា ព្រឹត្តិការណ៍ «សង្ក្រាន្តវត្តភ្នំ» ឆ្នាំ២០១៨នេះ នឹងមានអ្នកចូលរួមច្រើនជាងឆ្នាំមុន។
សូមបញ្ជាក់ថា ព្រឹត្តិការណ៍ «សង្ក្រាន្តវត្តភ្នំ» ឆ្នាំ២០១៧ ក្នុងរយៈពេល ៣ថ្ងៃ មានប្រជាពលរដ្ឋចូលរួមកម្សាន្តជិត ១០ម៉ឺននាក់។ «សង្ក្រាន្តវត្តភ្នំ» រៀបចំដោយរដ្ឋបាលរាជធានីភ្នំពេញ និងមានការចូលរួមពីសំណាក់ខណ្ឌទាំង១២៕
សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖
១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។
២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។
៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។
៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។ Tag:
សង្ក្រាន្តឆ្នាំថ្មី
ចូលឆ្នាំខ្មែរ
វត្តភ្នំ
© រក្សាសិទ្ធិដោយ thmeythmey.com