ជាតិ
គណៈកម្មការទន្លេមេគង្គ ចាប់ផ្តើមប្រជុំរៀបចំរបៀបវារៈសំខាន់ៗត្រៀមក្នុងកិច្ចប្រជុំកំពូល
រូបភាព៖ ក្រសួងធនធានទឹក និងឧតុនិយម
×![]()
សៀមរាប៖ គណៈកម្មការទន្លេមេគង្គ បើកកិច្ចប្រជុំសន្និសីទអន្តរជាតិដើម្បីពិនិត្យពីរបៀបវារៈសំខាន់ៗ មុននឹងកិច្ចប្រជុំកំពូលគណៈកម្មការទន្លេមេគង្គលើកទី៣ចូលមកដល់។ កិច្ចប្រជុំកំពូលថ្នាក់រដ្ឋមន្ត្រីនឹងប្រព្រឹត្តិទៅចាប់ពីថ្ងៃទី៤ ដល់ទី៥ ខែមេសា ដែលកម្ពុជាធ្វើជាម្ចាស់ផ្ទះរៀបចំពិធីនេះនៅក្រុងសៀមរាប។
កិច្ចប្រជុំត្រៀមរបៀបវារៈសំខាន់ៗសម្រាប់ដាក់ជូនក្នុងកិច្ចប្រជុំកំពូលគណៈកម្មការទន្លេមេគង្គលើកទី៣ ត្រូវបានរៀបចំធ្វើនៅព្រឹកថ្ងៃទី២ ខែមេសា ដែលដឹកនាំដោយរដ្ឋមន្ត្រីក្រសួងធនធានទឹក និងឧតុនិយម និងលោក ហ្វាម ទួន ផាន (Pham Tuan Phan) នាយកប្រតិបត្តិនៃគណៈកម្មការទន្លេមេគង្គ។
ក្នុងកិច្ចប្រជុំនោះ លោក លឹម គានហោ បានថ្លែងថា លោកមានសុទិដ្ឋិនិយមថា កិច្ចប្រជុុំទន្លេមេគង្គលើកទី៣ ដែលមានកម្ពុជាធ្វើជាម្ចាស់ផ្ទះនេះ នឹងទទួលលទ្ធផលប្រសើរ ដោយនឹងនាំឱ្យដាក់ចេញនូវការទទួលខុសត្រូវរួមមួយ ដើម្បីរក្សាបាននូវស្ថេរភាព និងធនធាន របស់តំបន់អាងទន្លេមេគង្គនាពេលអនាគត។ លោករដ្ឋមន្ត្រីបន្ថែមថា គោលបំណងសំខាន់នៃកិច្ចប្រជុំនេះដែរ គឺការពង្រឹងកិច្ចខិតខំប្រឹងប្រែងរួមគ្នា និងភាពជាដៃគូ ដើម្បីការគ្រប់គ្រង អភិវឌ្ឍធនធានទឹក និងធនធានពាក់ព័ន្ធដទៃទៀត ក្នុងតំបន់អាងទន្លេមេគង្គប្រកបដោយចីរភាព។
គណៈកម្មការទន្លេមេគង្គ ជាស្ថាប័នអន្តររដ្ឋាភិបាលដែលមានតួនាទី ជំរុញលើកកម្ពស់កិច្ចពិគ្រោះយោបល់ និងកិច្ចសហប្រតិបត្តិការថ្នាក់តំបន់ក្នុងអាងទន្លេមេគង្គខ្សែទឹកខាងក្រោម ដែលត្រូវបានបង្កើតឡើងក្នុងឆ្នាំ១៩៩៥ ស្ថាប័ននេះបំពេញតួនាទី ជាវេទិកាថ្នាក់តំបន់ សម្រាប់កាទូតផ្នែកទឹក ក៏ដូចជាមជ្ឈមណ្ឌលចំណេះដឹង ស្ដីពីការគ្រប់គ្រងធនធានទឹក ដើម្បីការអភិវឌ្ឍប្រកបដោយចីរភាពរបស់តំបន់។
សូមបញ្ជាក់ថា កិច្ចប្រជុំទន្លេមេគង្គលើកទី៣ ក្រោមប្រធានបទ «ទន្លេមេគង្គតែមួយ ស្មារតីតែមួយ» ការលើកកម្ពស់កិច្ចខិតខំប្រឹងប្រែងរួមគ្នា និងភាពជាដៃគូ ដើម្បីសម្រេចបាននូវគោលដៅអភិវឌ្ឍន៍ប្រកបដោយចីរភាព ក្នុងអាងទន្លេមេគង្គ គ្រោងធ្វើឡើងរយៈពេល៤ថ្ងៃ ចាប់ពីថ្ងៃទី២ ដល់ទី៥ ខែមេសា នៅខេត្តសៀមរាប។ ពិធីបើកនៃកិច្ចប្រជុំនេះ ក្រោមវត្តមានសម្តេចនាយករដ្ឋមន្ត្រី ហ៊ុន សែន ក្នុងនាមជាប្រធានដឹកនាំកិច្ចប្រជុំកំពូលនេះ។ កិច្ចប្រជុំនេះដែរ នឹងមានការអញ្ជើញចូលរួមពីប្រមុខរាជរដ្ឋាភិបាលនៃបណ្តាប្រទេសជាសមាជិកនៃគណៈកម្មការទន្លេមេគង្គ រួមមានកម្ពុជា ឡាវ វៀតណាម និងថៃ និងក៏មានការចូលរួមផងដែរពីប្រទេសមីយ៉ាន់ម៉ា និងចិន ដែលដើរតួនជាដៃគូសហប្រតិបត្តិការក្នុងគណៈកម្មការទន្លេមេគង្គ៕
កិច្ចប្រជុំត្រៀមរបៀបវារៈសំខាន់ៗសម្រាប់ដាក់ជូនក្នុងកិច្ចប្រជុំកំពូលគណៈកម្មការទន្លេមេគង្គលើកទី៣ ត្រូវបានរៀបចំធ្វើនៅព្រឹកថ្ងៃទី២ ខែមេសា ដែលដឹកនាំដោយរដ្ឋមន្ត្រីក្រសួងធនធានទឹក និងឧតុនិយម និងលោក ហ្វាម ទួន ផាន (Pham Tuan Phan) នាយកប្រតិបត្តិនៃគណៈកម្មការទន្លេមេគង្គ។
ក្នុងកិច្ចប្រជុំនោះ លោក លឹម គានហោ បានថ្លែងថា លោកមានសុទិដ្ឋិនិយមថា កិច្ចប្រជុុំទន្លេមេគង្គលើកទី៣ ដែលមានកម្ពុជាធ្វើជាម្ចាស់ផ្ទះនេះ នឹងទទួលលទ្ធផលប្រសើរ ដោយនឹងនាំឱ្យដាក់ចេញនូវការទទួលខុសត្រូវរួមមួយ ដើម្បីរក្សាបាននូវស្ថេរភាព និងធនធាន របស់តំបន់អាងទន្លេមេគង្គនាពេលអនាគត។ លោករដ្ឋមន្ត្រីបន្ថែមថា គោលបំណងសំខាន់នៃកិច្ចប្រជុំនេះដែរ គឺការពង្រឹងកិច្ចខិតខំប្រឹងប្រែងរួមគ្នា និងភាពជាដៃគូ ដើម្បីការគ្រប់គ្រង អភិវឌ្ឍធនធានទឹក និងធនធានពាក់ព័ន្ធដទៃទៀត ក្នុងតំបន់អាងទន្លេមេគង្គប្រកបដោយចីរភាព។
គណៈកម្មការទន្លេមេគង្គ ជាស្ថាប័នអន្តររដ្ឋាភិបាលដែលមានតួនាទី ជំរុញលើកកម្ពស់កិច្ចពិគ្រោះយោបល់ និងកិច្ចសហប្រតិបត្តិការថ្នាក់តំបន់ក្នុងអាងទន្លេមេគង្គខ្សែទឹកខាងក្រោម ដែលត្រូវបានបង្កើតឡើងក្នុងឆ្នាំ១៩៩៥ ស្ថាប័ននេះបំពេញតួនាទី ជាវេទិកាថ្នាក់តំបន់ សម្រាប់កាទូតផ្នែកទឹក ក៏ដូចជាមជ្ឈមណ្ឌលចំណេះដឹង ស្ដីពីការគ្រប់គ្រងធនធានទឹក ដើម្បីការអភិវឌ្ឍប្រកបដោយចីរភាពរបស់តំបន់។
សូមបញ្ជាក់ថា កិច្ចប្រជុំទន្លេមេគង្គលើកទី៣ ក្រោមប្រធានបទ «ទន្លេមេគង្គតែមួយ ស្មារតីតែមួយ» ការលើកកម្ពស់កិច្ចខិតខំប្រឹងប្រែងរួមគ្នា និងភាពជាដៃគូ ដើម្បីសម្រេចបាននូវគោលដៅអភិវឌ្ឍន៍ប្រកបដោយចីរភាព ក្នុងអាងទន្លេមេគង្គ គ្រោងធ្វើឡើងរយៈពេល៤ថ្ងៃ ចាប់ពីថ្ងៃទី២ ដល់ទី៥ ខែមេសា នៅខេត្តសៀមរាប។ ពិធីបើកនៃកិច្ចប្រជុំនេះ ក្រោមវត្តមានសម្តេចនាយករដ្ឋមន្ត្រី ហ៊ុន សែន ក្នុងនាមជាប្រធានដឹកនាំកិច្ចប្រជុំកំពូលនេះ។ កិច្ចប្រជុំនេះដែរ នឹងមានការអញ្ជើញចូលរួមពីប្រមុខរាជរដ្ឋាភិបាលនៃបណ្តាប្រទេសជាសមាជិកនៃគណៈកម្មការទន្លេមេគង្គ រួមមានកម្ពុជា ឡាវ វៀតណាម និងថៃ និងក៏មានការចូលរួមផងដែរពីប្រទេសមីយ៉ាន់ម៉ា និងចិន ដែលដើរតួនជាដៃគូសហប្រតិបត្តិការក្នុងគណៈកម្មការទន្លេមេគង្គ៕
Tag:
មេគង្គ
សៀមរាប
© រក្សាសិទ្ធិដោយ thmeythmey.com
