ជាតិ
២៥ខេត្ត/រាជធានី
គ.ជ.ប ប្រកាសផ្ដល់បណ្ណដល់អ្នកសារព័ត៌មាន សម្រាប់ការបោះឆ្នោត នីតិកាលទី៦
× ភ្នំពេញ៖ គណៈកម្មាធិការជាតិរៀបចំការបោះឆ្នោត(គ.ជ.ប) បានប្រកាសផ្ដល់បណ្ណដល់អ្នកសារព័ត៌មានជាតិ និងអន្តរជាតិ សម្រាប់ការបោះឆ្នោត នីតិកាលទី៦។ បើតាមគ.ជ.ប អ្នកសារព័ត៌មាន ដែលចង់ចុះយកព័ត៌មានក្នុងដំណើរការបោះឆ្នោត ត្រូវមានបណ្ណសម្គាល់ខ្លួនដែលចេញដោយ គ.ជ.ប។
ការបោះឆ្នោតជ្រើសតាំងតំណាងរាស្ត្រ នីតិកាលទី៦ នឹងឈានមកដល់ក្នុងខែកក្កដាខាងមុខនេះ គ.ជ.ប បានចេញសេចក្ដីប្រកាសពីការផ្ដល់បណ្ណដល់អ្នកសារព័ត៌មាន។ អ្នកសារព័ត៌មានជាតិ និងអន្តរជាតិ ដែលមានបំណងចុះយកព័ត៌មានក្នុងដំណើរការនៃការបោះឆ្នោត នីតិកាលទី៦ ត្រូវដាក់ពាក្យសុំចុះឈ្មោះជាអ្នកសារព័ត៌មាន នៅនាយកដ្ឋានព័ត៌មាន និងទំនាក់ទំនងសាធារណៈនៃគ.ជ.ប។ បន្ថែមលើនេះ បន្ទាប់ពីបំពេញបែបបទរួច អ្នកសារព័ត៌មានអាចយកពាក្យមកដាក់ដោយផ្ទាល់នៅ គ.ជ.ប ឬតាមរយៈ អ៊ីម៉ែល
.kh។
ការដាក់ពាក្យសុំចុះឈ្មោះធ្វើបណ្ណអ្នកសារព័ត៌មាននេះ នឹងផុតកំណត់នៅថ្ងៃទី ១៩ ខែកក្កដា ឆ្នាំ២០១៨ សម្រាប់អ្នកសារព័ត៌មានជាតិ។ ចំណែកអ្នកសារព័ត៌មានអន្តរជាតិវិញ នឹងផុតកំណត់នៅថ្ងៃទី ២៦ ខែកក្កដា។ សូមបញ្ជាក់ថា ការបោះឆ្នោតជ្រើសតាំងតំណាងរាស្ត្រ នីតិកាលទី៦ នឹងប្រព្រឹត្តទៅនៅថ្ងៃទី ២៩ ខែកក្កដា ឆ្នាំ២០១៨៕
Tag:
ភ្នំពេញ
គ.ជ.ប
បណ្ណបោះឆ្នោត
© រក្សាសិទ្ធិដោយ thmeythmey.com