ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
អភិបាលខេត្តសៀមរាបរំពឹងថា ព្រឹត្តិការណ៍អង្គរសង្ក្រាន្តឆ្នាំនេះនឹងទាក់ទាញទេសចរ២លាននាក់
10, Apr 2018 ,
9:59 pm
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ អភិបាលខេត្តសៀមរាប លោក ឃឹម ប៊ុនសុង មានជំនឿចិត្តថា ភ្ញៀវទេសចរនឹងជ្រើសរើសគោលដៅខេត្តសៀមរាប សម្រាប់ដំណើរកម្សាន្តអំឡុងពេលចូលឆ្នាំ ក៏ដូចជាចូលរួមក្នុងព្រឹត្តិការណ៍អង្គរសង្ក្រាន្ត។ ដោយឆ្នាំទៅ ព្រឹត្តិការណ៍អង្គរសង្ក្រាន្តបានទាក់ទាញទេសចរជាតិ និងអន្ដរជាតិ ចំនួន ១លាន៦សែននាក់ ដូច្នេះអភិបាលខេត្តសៀមរាប រំពឹងថា ឆ្នាំនេះនឹងកើនឡើងខ្ពស់។
ជាការរំពឹងទុក ដែលលោក ឃឹម ប៊ុនសុង បានជជែកជាមួយរដ្ឋមន្ត្រីក្រសួងទេសចរណ៍ អំពីកំណើនទេសចរក្នុងព្រឹត្តិការណ៍អង្គរសង្ក្រាន្ត ដែលនឹងចូលមកដល់នាពេលដ៏ខ្លី នឹងមានចំនួន២លាននាក់។ ថ្លែងក្នុងពិធីទទួលធុងសំរាមចំនួន ១ពាន់ធុង ពីក្រុមហ៊ុន ខ្មែរប៊ែវើរីជីស នៅព្រឹកថ្ងៃទី១០ ខែមេសា នៅរដ្ឋបាលខេត្ត លោកអភិបាលខេត្តថ្លែងថា ពីមួយឆ្នាំទៅមួយឆ្នាំ ខេត្តសៀមរាបទទួលបានកំណើនទេសចរជាលំដាប់។ ជាមួយកំណើននេះ លោកអភិបាលខេត្តក៏សម្ដែងការបារម្ភពីបញ្ហាបរិស្ថានផងដែរ ដែលកត្តានេះជាបញ្ហាប្រឈមរបស់រដ្ឋបាលខេត្ត។ ជាមួយនឹងធុងសំរាមចំនួន១ពាន់ របស់ក្រុមហ៊ុន ខ្មែរប៊ែវើរីជីស លោក ឃឹម ប៊ុនសុង សង្ឃឹមថា នឹងជួយសម្រួលដល់ការទុកដាក់សំរាមក្នុងក្រុងឱ្យបានកាន់តែប្រសើរ។
អគ្គនាយកក្រុមហ៊ុន ខ្មែរ ប៊ែវើរីជីស លើកឡើងថា ធុងសំរាមនេះនឹងជួយសម្រួលដល់កិច្ចការបរិស្ថានរបស់ខេត្តសៀមរាប ពិសេសដើម្បីបម្រើក្នុងព្រឹត្តិការណ៍អង្គរសង្ក្រាន្តឆ្នាំនេះ។ លោក លាង ពៅ បន្ថែមថា ការប្រគល់ធុងសំរាមនេះ ជាផ្នែកមួយរបស់ក្រុមហ៊ុនក្នុងការចូលរួមគិតគូបញ្ហាបរិស្ថាន ហើយរំលងទៅថ្មីៗនេះ ក្រុមហ៊ុនបានផ្ដល់រថយន្តចំនួន២គ្រឿង ដើម្បីចូលរួមសម្អាតផ្លូវក្នុងក្រុងសៀមរាបផងដែរ។
ប្រធានសហភាពសហព័ន្ធយុវជនកម្ពុជា លោក ហ៊ុន ម៉ានី ក្នុងពិធីនោះដែរ បានលើកឡើងថា ធុងសំរាមដែលទទួលបាននៅពេលនេះ នឹងជួយសម្រួលច្រើនដល់បញ្ហាសម្អាតបរិស្ថានក្នុងព្រឹត្តិការណ៍អង្គរសង្ក្រាន្ត។ លោក ហ៊ុន ម៉ានី បន្ថែមថា កន្លងមកមានមតិរិះគន់ជាច្រើន ថារយៈពេល៣ថ្ងៃក្នុងអង្គរសង្ក្រាន្ត មាន សំរាមជាច្រើន តែបញ្ហានេះក៏ដោយសារការទុកដាក់របស់ប្រជាពលរដ្ឋដែលមានចំនួនច្រើនលើសលប់មិនបានល្អ រួមផ្សំនឹងអ្នកប្រមូលក៏មានចំនួនតិចផងនោះ មិនអាចសមាមាត្រគ្នាឡើយ។
យ៉ាងណាក៏ដោយ លោក ហ៊ុន ម៉ានី សង្កេតឃើញថា ឥរិយាបថក្នុងការទុកដាក់សំរាមរបស់ប្រជាពលរដ្ឋដែលមកកម្សាន្តក្នុងព្រឹត្តិការណ៍អង្គរសង្ក្រាន្តមានការវិវត្តន៍ល្អប្រសើរ ហើយលោករំពឹងថា ធុងសំរាមចំនួន១ពាន់ធុងនេះ នឹងជួយសម្រួលដល់ការវេចខ្ចប់ និងការប្រមូលសំរាមកាន់តែបានល្អប្រសើរជាងមុនៗផងដែរ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ចូលឆ្នាំថ្មី
សង្ក្រាន្ត
អង្គរសង្ក្រាន្ត
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
1 សប្តាហ៍
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
5 ថ្ងៃ
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
3 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
5 ថ្ងៃ
អត្ថបទពេញនិយមបន្ថែម